Dis 19D, hoor ek haar. Ek sit in 19C en is dadelik verlig dat die lywige jong vrou nie styf langs my moet in nie. Skaam jou, betig ek myself.<\/p>\n
Met haar inskuif in die sitplek weet ek: hier\u2019s moeilikheid. Groot moeilikheid; 19D kreun. Uit die hoek van my oog sien ek hoe die armleuning van haar sitplek beswaar maak en opwip. Sy skuif haar sitvlak agtertoe; ek sien haar bene knel en bult. Die armleuning protesteer weer.<\/p>\n
Sy kyk af en trek haar klere reg soos, wel, soos hulle dit doen. Groot vroue. Vet vroue. Vat die hemp onder vas, en gee dit \u2018n pluk of twee hier om die maag langs net sodat die rolle nie te sigbaar is nie. Trek dan die twee baadjiepante na mekaar toe om die bultende massa verder te verbloem. Al weet sy (en ek) die baadjie se knope kan lankal nie meer toe nie.<\/p>\n
Buurvrou trek die blou sitplekgordel oop, skuif die gespe tot op sy maksimum lengte. Besef dan d\u00edt gaan nie werk nie. Druk die knoppie en gou is die haastige lugwaardin daar. Sy knik, is simpatiek en bring \u2018n verlengstuk. Uit die hoek van my oog sien ek Buurvrou se jong hande bewe. Die verlengstuk maak dit net-net om haar middellyf. Dan kyk sy op, maak seker niemand kyk nie. Vas in my starende blik. \u201cSo ja,\u201d sug sy. Daar\u2019s druppels sweet tussen die slierte op haar voorkop, sien ek en wil-wil \u2018n lappie aanbied om dit af te vee. Bedink myself.<\/p>\n
My lywige buurvrou sit.<\/p>\n
\u201cDis alles die Chinese se skuld,\u201d hoor ek. Ek kyk op, Buurvrou praat met my. Ekskuus? \u201cDis die Chinese se skuld. Klere is kleiner, karre is kleiner, vliegtuie is kleiner. Dis die Chinese se skuld.\u201d Ek snap.<\/p>\n
Jy jok, dink ek.<\/p>\n
Te veel kos. Te min oefening. Te min slaap. Te veel werk. Te veel stres. Te, te, te, te en te. Dis te se skuld.<\/p>\n
Ek voel skuldig en vra uit. Sy\u2019s 34, getroud, wil kinders h\u00ea, kan nie, is ambisieus, werk 14 ure per dag. \u201cEk\u2019s \u2018n vet, vrolike vrou. Vet, vetter, vrolikste . . . \u201d kom die laaste sin. Vang my weer onkant, di\u00e9 opgewekte mond, hartseer o\u00eb.<\/p>\n
Jy jok, dink ek en kyk anderpad. Ek\u2019s klaar gepraat.<\/p>\n