{"id":52477,"date":"2016-06-21T11:18:42","date_gmt":"2016-06-21T09:18:42","guid":{"rendered":"http:\/\/novanews.co.za\/rooirose\/?p=52477"},"modified":"2016-11-22T15:33:43","modified_gmt":"2016-11-22T13:33:43","slug":"renosterstropery-die-regte-oplossing","status":"publish","type":"post","link":"https:\/\/novanews.co.za\/rooirose\/renosterstropery-die-regte-oplossing\/","title":{"rendered":"Renosterstropery \u2013 die regte oplossing"},"content":{"rendered":"

Die Blue Canyon<\/em>-bewaringsgebied is gele\u00eb in Hoedspruit, Limpopo – die middelpunt van die renosterstroopepidemie waar insidente van stropery op \u2019n daaglikse basis plaasvind. Die projek is aan lede van die media bekendgestel en ons was bevoorreg om deel daaraan te h\u00ea.<\/p>\n

Op 8 Junie 2016 is hierdie ongelooflike reistog aangepak waar ons vanaf OR Tambo Internasionaal na die Hoedspruit-lughawe vertrek het. Daar is ons deur die Isuzu-span verwelkom wat ons met hul KB 300 4×4-dubbelkajuitbakkies na die Hoedspruit Endangered Species<\/em>-sentrum geneem het vir middagete, ontloting en \u2019n\u00a0toer deur die sentrum. Die sentrum is die tuiste van menige bedreigde spesie soos die jagluiperd, wildehond, witrenoster, leeu, wilde kat, Bromvo\u00ebl, Swartwitpens, en so meer. Tydens die toer het die veldwagters verduidelik hoe die proses van rehabilitasie aan jagluiperds, wildehonde en renosters werk sodat\u00a0hulle weer in die natuur vrygelaat kan word. Party van die diere soos die wilde kat en Bromvo\u00ebl, is egter reeds te mak of ernstig beseer om vrygelaat te word. Hulle word dis in die sentrum aangehou.<\/p>\n

Vir \u2019n\u00a0fassinerende insig oor hierdie rare spesies en die bewaringspogings om hulle te red, is \u2019n\u00a0besoek aan Hoedspruit \u2019n\u00a0moet. Lees meer hier<\/a>.<\/p>\n

Die Blue Canyon<\/em>-kamp is 15 minute weg van die sentrum en dis waar ons die aand gekamp het. Ons is verwelkom met sjampanje en \u2019n\u00a0inligtingsessie oor die aand se gebeure. Ek het nie verwag ons gaan in \u2019n\u00a0kamp sonder enige heining bly waar die groot 5 rondloop nie. Ons was egter gerusgestel dat die diere nie naby die kamp sal kom nie. Die tente was asemrowend (elk met \u2019n\u00a0en-suite badkamer), en die kos was verruklik. Meer glamping as camping!<\/p>\n

Ons is om 6uur die volgende oggend wakker gemaak (in egte Afrika-styl met die geluid van dromme in die agtergrond), om wilde witrenosters te gaan jaag. Ons is deur wildveearts, Dr. Peter Rodgers, en sy ervare span begelei om renosters te vind wat dan vanuit \u2019n\u00a0helikopter met \u2019n\u00a0kalmeermiddel geskiet is. Sodra die renoster verdoof is, word hul o\u00eb bedek en die horing deur die span verwyder. Die binnekant van die horing is in die vorm van \u2019n\u00a0hart wat ek baie fassinerend gevind het. Dit breek my hart om te dink dat sommige kulture die renosterhoring as \u2019n\u00a0kragtige seksstimuleermiddel beskou en dat, teen $60\u00a0000 Amerikaanse dollers (R936\u00a0000) \u2019n\u00a0kilogram, dit kosbaarder is as goud of selfs platinum.<\/p>\n

Ek hoop dat hierdie diere in die toekoms nie meer gejag sal word nie en dat hulle vrylik in die natuur sal voortleef.<\/p>\n

Lees ook meer oor renosterstropery hier<\/a>.<\/p>\n