In ons oumas se tyd was dit die mans wat oor geld gepraat het, nie vroue nie. \u2019n Vrou moes toesien dat haar Trousseaukis vol was en dat sy\u00a0\u2019n huishouding kon behartig. Verder moes sy hoop vir die beste!<\/p>\n
Vandag se meisiekinders het baie meer toegang tot loopbaankeuses, hulpbronne en inligting. Jy doen jou dogter\u00a0\u2019n groot guns as jy haar leer om krities oor haar toekoms te dink en die hulpmiddels en gewoontes te ontdek wat haar in staat sal stel om gesonde finansi\u00eble (en ander) besluite te neem.<\/p>\n
Help haar om\u00a0\u2019n\u00a0stewige grondslag\u00a0te l\u00ea: hoe om\u00a0\u2019n spaarkultuur te ontwikkel, die verskil te ken tussen spaar en bel\u00ea, hoe om te begroot en haar geld te bestuur, en hoe belangrik entrepreneurskap is.<\/p>\n
\u201cMa\u2019s moet hul dogters voorberei om finansieel en emosioneel onafhanklik te wees,\u201d s\u00ea Nolene Parboo, hoof van Spaar en Beleggings by Standard Bank. \u201cOm te verseker dat ons dogters op hul eie voete sal kan staan, begin lank voor hulle hul eerste salaristjek ontvang. Ouers het die grootste invloed op hul kinders se finansi\u00eble gewoontes, dus begin die grondwerk tuis en nie op\u00a0skool of\u00a0 in die kantoor nie.\u201d<\/p>\n
<\/p>\n
Dis belangrik dat jou dogter van jongs af bewus is van stereotipering en vooroordele rakende\u00a0\u2019n vrou se rol in\u00a0\u2019n verhouding. \u201cLeer jou dogter van kleins af dat sy die reg het op opleiding, loopbaangeleenthede en om in beheer van haar geldsake te wees \u2013 of sy nou getroud is of nie.\u201d<\/p>\n
\u2019n Vrou wie se eie finansies en beleggings in orde is, sal makliker finansi\u00eble verantwoordelikheid van haar maat vereis. Sy sal\u00a0haar potensi\u00eble lewensmaat waarskynlik ook met meer oorleg kies. Hoewel finansies nie die bepalende faktor in\u00a0\u2019n verhouding is nie, is\u00a0\u2019n maat met soortgelyke waardes, uitkyke en etiese standaarde essensieel vir langdurige geluk en stabiliteit.<\/p>\n
\u201c\u2019n Kwessie wat aangespreek moet word, is loopbaan en moederskap,\u201d s\u00ea mev. Parboo. \u201cSelfs as\u00a0\u2019n man sy vrou kan onderhou sodat sy tuis kan bly en kinders grootmaak, is dit vir haar\u00a0\u2019n risiko om vyf of tien jaar lank uit die arbeidsmark te wees. Dit kan haar toekomstige werksvooruitsigte benadeel.\u00a0\u2019n Jaar of twee tuis is fyn, maar sy moet haar werkvaardighede vars hou.\u201d<\/p>\n
<\/p>\n
Egskeiding, aflegging, gestremdheid, siekte of ander onverwagse lewensgebeure kan daartoe lei dat\u00a0\u2019n gesin se kontantvloei opdroog. “Die verwerwing, behoud en verryking van haar vaardighede en opleidingsvlak moet een van\u00a0\u2019n vrou se grootste prioriteite wees.”<\/p>\n
Baie vroue wat ophou werk het, raak uiteindelik vasgevang in ongesonde verhoudings omdat hulle geen manier het om hulself te onderhou nie.<\/p>\n
Die volgende vrae is goeie rigtingwysers na finansi\u00eble onafhanklikheid:<\/p>\n
\u2022 Wat as my man skielik ongeskik raak vir werk, of sou sterf? Weet ek waar om die testament, versekeringspolisse en beleggingsdokumente te kry?<\/p>\n
\u2022 Het my man voldoende lewensversekering?<\/p>\n
\u2022 Het hy ongeskiktheidsversekering, en wanneer tree dit in werking?<\/p>\n
\u2022 Wat staan my te doen as hy geen lewensversekering het nie, of as hy skuld agterlaat?<\/p>\n
\u2022 Weet ek of hy\u00a0\u2019n aftreeplan het, en of dit op koers is?<\/p>\n
\u2022 Hoeveel geld het ons nodig om af te tree?<\/p>\n
Hierdie vrae kan jou dogter help om haar finansi\u00eble w\u00eareld te navigeer en haar keuses te optimaliseer. Dalk help dit jou ook om \u2019n paar veranderinge te maak!<\/p>\n
<\/p>\n