Wat ons besiel het weet ek nie. Op \u2019n Maandagoggend in Mei stap agt verwers ons huis binne. Gewapen. Kwaste, lere, plastiek. My moed sink. Vandag takel hulle die huis. Aan die binnekant.<\/p>\n
Ek is impulsief. Doen dinge dadelik, vinnig en nie noodwendig self nie. My skoonsusters lag. Hulle weet: ek skep graag werk \u2013 vir ander. Oor hierdie een? Dalk het ek nie mooi gedink nie.<\/p>\n
Nou te laat, w\u00e9\u00e9t ek.<\/p>\n
Die kinders is groot genoeg en ek is lus vir ligte lap op banke en stoele. Dis tyd. Weg met die praktiese leer, die koffietafel waarvan \u2019n klein hondjie iewers \u2019n hoek afgekou het en afgeleefde matte uit my studentedae.<\/p>\n
Die klavier kry \u2019n ereplek kry in die voorhuis, die oorgroot boekrak trek sitkamer toe, die speelkamer word \u2019n TV-kamer en die kroegstoeltjies uit \u2019n vorige bedeling gee ek weg. Dan is daar die skildery met twee vrolike vet vroue. \u201cKyk Mamma, dis ek en jy.\u201d<\/p>\n
Goeiste, n\u00e9\u00e9. D\u00edt kan ek nie aan my dogter doen nie. Weg!<\/p>\n
Dilemma<\/strong>: skuif ek al die meubels, hoe dan gemaak met die gate in die muur? Daar\u2019s net een uitweg. Verf.<\/p>\n Dit was \u2019n moeilike dag op kantoor. Ek was nie voorbereid vir die chaos wat my daardie aand in die gesig staar nie. Met die tuiskom plof ek tranerig neer in die stof, tussen die lakens, skilderye en hope boeke op die vloer. Ek sien my kosbare lamp vergete op \u2019n bed neergesmyt en keer die histeriese gil net betyds. \u201cMamma, waar moet ons sit? Waar moet ons eet?\u201d Selfs die kinders is van slag.<\/p>\n \u2019n Nuwe laag verf bring soveel nuwe moontlikhede, dink ek toe ons al vier uiteindelik in een bed tot ruste kom. Die enigste bed in die huis wat nie toegepak is onder ons aardse besittings nie. Skilderye en meubels kry \u2019n nuwe plek, die huis ruik silwerskoon, splinternuut. Elke kraak toegeverf. \u2019n Kans vir oor begin. \u2019n Belegging. \u2019n Nuwe reis.<\/p>\n \u2019n Jaar gelede het ek \u2019n soortgelyke belegging gemaak, \u2019n nuwe reis begin. D\u00e1\u00e1r, saam met my skrywer-ma in die beeldskone Boussac in skilder Louis Janse van Vuuren en vriend-vennoot Hardy Olivier se Chateau de la Creuzette het ek \u2019n nuwe laag verf gekry. Die geleentheid? \u2019n Skryfkursus onder die bekwame leiding van Dr Riana Scheepers. Sommer-net Riana.<\/p>\n Wat dit was weet ek nie. Dalk Louis se aansteeklike lag en sy passie vir po\u00ebsie, Hardy se ongelooflike talent as dit by kosmaak en gentleman-wees kom, my ma se vermo\u00eb om die meubels in jou kop met laataand se lag en gesels stilweg-ferm te herrangskik en Riana wat dit regkry om die lagies ou verf een-vir-een af te skilfer tot jy poedelkaal daar staan.<\/p>\n Ek weet wel: na La Creuzette was niks weer dieselfde nie. Daar, tussen die ou-w\u00eareldse mooi en in die voetspore van die Franse skrywer Georg Sand is die gate in my binnemuur oopgekrap en opgevul. Die krake toegeverf, ou matte weggegooi, meubels rondgeskuif. Ek was splinternuut.<\/p>\n Jy moet na die binnekant van jou huis kyk, glo ek. Die binnekant van jou siel ook. Met een verskil: geen verwer kan j\u00f3\u00fa binneste mooimaak nie, al is dit \u2019n span van agt. Dis die een job met nuwe moontlikhede wat jy self moet doen, dink ek en knipoog in die rigting van my skoonsusters. H\u00falle weet.<\/p>\n Tot volgende week,<\/p>\n Mar\u00ed<\/p>\n","protected":false},"excerpt":{"rendered":" Wat ons besiel het weet ek nie. Op \u2019n Maandagoggend in Mei stap agt verwers ons huis binne. Gewapen. Kwaste, lere, plastiek. My moed sink. Vandag takel hulle die huis. Aan die binnekant. Ek is impulsief. Doen dinge dadelik, vinnig […]<\/p>\n","protected":false},"author":4,"featured_media":39324,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[35,118,580],"class_list":["post-5086","post","type-post","status-publish","format-standard","has-post-thumbnail","hentry","category-blogs","tag-blogs","tag-mari-lategan","tag-riana-scheepers"],"acf":[],"yoast_head":"\n