<\/p>\n
My baas is meestal \u2019n genadelose slawedrywer wat glo dit is ongesond om iets nie minstens \u2019n dag of twee voor \u2019n spertyd te voltooi nie. Sy is \u2019n elf en \u2019n driekwart op die pyn-in-die-jis perfeksionisskaal van een tot tien.<\/p>\n
Sy kan soms \u2019n regte ou koeikop wees.<\/p>\n
Maar, ek verstaan darem meestal hoe haar kop werk. Want, sien, ek kom al so agt-en-dertig en \u2019n half jaar met haar aan. Mens kan as\u2019t ware s\u00ea ons deel dieselfde geite.<\/p>\n
Die voordeel daarvan om vir jouself te werk \u2013 dis nou werk buiten die algehele afsloof om huis en haard skoon en gevoed en aan die gang en betyds op dertig plekke daagliks te h\u00ea \u2013 is dat jy jou eie werksetiek kan h\u00ea en slegs aan jouself en jou kli\u00ebnte verantwoording moet doen oor die werk wat jy lewer.<\/p>\n
As mens \u2019n vryskutwerk het, is jy ook meestal vry om jou tyd en werkstempo te bepaal. In teorie.<\/p>\n
Want, dit gebeur meer dan as wan dat \u2019n kli\u00ebnt op die nippertjie onthou dat hy jou dienste benodig. En, as mens nou al \u2019n pad met die betrokke kli\u00ebnt gestap het, stap jy mos maar die ekstra myl. Al beteken daardie myl dat mens \u2019n langverwagte Sondagaandfliek voor die kaggel opgee om gou vir iemand iets te vertaal of taalversorg voor die aanvang van sy werkweek.<\/p>\n
Ek moes al dikwels soggens nog voor my bakkie muesli eers \u2019n pamflet of dokument vertaal. Want, as dit pap re\u00ebn, moet jy skep.<\/p>\n
As vryskut is jy nie verseker van die volgende re\u00ebnbui of pap nie.<\/p>\n
Die voordeel van \u2019n tuiskantoor is dat jy slegs die tye wat jy werk, die SOS-beginsel (stert-op-stoel) hoef na te kom. Niemand kyk jou skeef aan as jy kort-kort \u2019n koffiebreek neem nie.<\/p>\n
Die nadeel is natuurlik dat jy self vir jou moet gaan koffie maak.<\/p>\n
Maar, jy weet presies waar in die kombuiskas die Romany Creams weggesteek is.<\/p>\n
\u2019n Verdere voordeel van \u2019n vryskut se tuiskantoor, is dat daar nie kantoorpolitiek is nie. Jy hoef nie lig te loop vir jou vrouekollegas se PMS en geskinner of jou manlike kollegas se chauvinisme of brose ego\u2019s nie. Jy is aan niemand anders se buie blootgestel as jou eie nie. Wat natuurlik soms self \u2019n handvol kan wees.<\/p>\n
Na \u2019n naweek van uiteet en jollifikasie, hoef jy jou ook nie te steur aan \u2019n vermakerige werkpakkie wat skielik knap sit nie. Jy kan bloot die werkweek aanpak in jou getroue en vergewensgesinde ou sweetpakbroek. En pantoffels. Met \u2019n kniekombersie teen die herfsbyt in die lug.<\/p>\n
Soms vra mense my: Maar, raak jy nie alleen so op jou eie sonder geselskap nie?<\/p>\n
As dit nie was dat hulle reeds gedink het ek is \u2019n bietjie weird nie, sou ek hulle kon antwoord: Wie s\u00ea ek is alleen en het nie geselskap nie? Hier is baie stemme in my kop.<\/p>\n
Maar, meestal volstaan ek met: Nee, wat, ons introverte het nie \u2019n probleem met alleen wees nie. Ons kan alleen wees sonder om eensaam te wees. En, vir geselskap is daar altyd Facebook!<\/p>\n
Soms sien ek wel die \u201cAg sjym, sy het net kubervrinne\u2026\u201d in hulle o\u00eb, maar selfs d\u00edt is myns insiens \u2019n groot pluspunt \u2013 as iemand jou irriteer, kan jy bloot uitlog in plaas daarvan om uit te klok. Dan kan jy in vrede verder werk.<\/p>\n
Wanneer ek wel die dag lus is vir mense rondom my en \u2019n dringende werkie het om af te handel, neem ek graag my skootrekenaar op \u2019n koffiedate na my gunsteling koffiewinkel.<\/p>\n
Die bank naby die muurprop is gerieflik en dit bied \u2019n 180 grade uitsig oor die doene en late in die winkelsentrum. Boonop is die pryse baie billik, die diens is altyd vriendelik en die eienaars is van daardie soort mense wat mens altyd met \u2019n glimlag laat na \u2019n geselsie.<\/p>\n
Ek het al dikwels op hierdie einste bank sonder \u2019n greintjie inspirasie kom sit, maar na die tweede koppie boeretroos en \u2019n geselsie met Wikus en Engela, het die woorde skielik uit my skootrekenaar se sleutelbord gevloei.<\/p>\n
Ek beskou my koffiewinkelbank as my tuiskantoor weg van my huis se kantoor. Dit sal \u2019n treurige dag wees as daardie bank nie meer daar is om my – met of sonder my skootrekenaar-\u00a0 te verwelkom nie. Ons is al jare kollegas.<\/p>\n","protected":false},"excerpt":{"rendered":"
My baas is meestal \u2019n genadelose slawedrywer wat glo dit is ongesond om iets nie minstens \u2019n dag of twee voor \u2019n spertyd te voltooi nie. Sy is \u2019n elf en \u2019n driekwart op die pyn-in-die-jis perfeksionisskaal van een […]<\/p>\n","protected":false},"author":8,"featured_media":50555,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[35,1583,2299,4396],"class_list":["post-50549","post","type-post","status-publish","format-standard","has-post-thumbnail","hentry","category-blogs","tag-blogs","tag-tuiskantoor","tag-ina-genade","tag-ontspanning"],"acf":[],"yoast_head":"\n