{"id":50251,"date":"2016-05-24T13:10:16","date_gmt":"2016-05-24T11:10:16","guid":{"rendered":"http:\/\/novanews.co.za\/rooirose\/?p=50251"},"modified":"2016-05-24T13:10:16","modified_gmt":"2016-05-24T11:10:16","slug":"winter-2016-se-kleurwiel","status":"publish","type":"post","link":"https:\/\/novanews.co.za\/rooirose\/winter-2016-se-kleurwiel\/","title":{"rendered":"Winter 2016 se kleurwiel"},"content":{"rendered":"

Ek hou meer van winter- en herfskleure as van die somer se helder skakerings of sagte pastelle. Die aardse en juweelkleure van die winter skep \u2019n\u00a0gesofistikeerde gevoel en die kleure werk goed saam met (tydlose) swart, wat deesdae my gunstelingkleur is. Jy sal \u00a0altyd elegant lyk wanneer jy van kroontjie tot toontjie in swart uitgevat is. Dit bly maar stylvol. – Susra Matthee (moderedakteur).<\/p>\n

 <\/p>\n

Moet-h\u00ea items<\/h4>\n

\u2022 Bloese met ho\u00eb halse en strikkrae
\n\u2022 Leergordel
\n\u2022 Aanglipskoene
\n\u2022 Geplooide romp
\n\u2022 Borsspelde
\n\u2022 Bruin of grys jas<\/p>\n

 <\/p>\n

Die kleurwiel<\/h4>\n

\u2022 Goud<\/strong><\/p>\n

Vir \u2019n moderne, minder uitspattige goue voorkoms, kies \u2019n blink goue romp by \u2019n fyn gebreide truitjie. Die besondere styl is die ideale werkvoorkoms. Vermy \u2019n bonkige trui by die romp omdat dit maklik outyds kan lyk. Let ook op die snit van die romp. Ons het vir seker nog nie die laaste van die immergewilde midi-romp gesien nie. Volgens die modetydskrif InStyle is di\u00e9 rompe met die Winter\/Herfs 2015\/16-vertonings glo 2 627 keer op Pinterest te sien. Volg ons\u00a0op Pinterest<\/a>.<\/p>\n


\n\u2022 Swart<\/strong><\/p>\n

\u2018Victoriaanse swart\u2019 \u00a0is die nuwe swart. Die gevoel is sag, maar met baie drama – dink fladderende chiffon, delikate borduurwerk en die mooiste kant.<\/p>\n

Een van die winter se moet-h\u00ea items (in enige kleur) is die\u00a0bloes. Die keer is die kledingstuk sagter, vrouliker en van ligte materiaal (nie katoen nie). Die bloes is met valle en kantdetail versier en met \u2019n strik of \u2019n hooggesnyde kraag afgerond.<\/p>\n


\n\u2022 Rooi<\/strong><\/p>\n

Skarlakenrooi, bloedrooi, tamatierooi, noem dit wat jy wil, solank jy net rooi dra, want di\u00e9 baldadige kleur is in. Dra rooi van kroon tot toon, of saam met ligpienk. Ja, saam met ligpienk, en moenie bang wees nie, jy sal nie soos \u2019n Valentynsgeskenk lyk nie.<\/p>\n

Wie lyk goed in rooi?\u00a0Vroue met medium tot donkerbruin hare en helder groen of blou o\u00eb lyk goed in helder rooi. Mense met ligte velle lyk beter in \u2019n ligter rooi, en moet liefs donkerder skakerings soos maroen vermy.<\/p>\n


\n\u2022 Roes<\/strong><\/p>\n

Dis nou nie juis of \u2019n mens gaande raak oor roes nie, maar kom dit by haarkleur, grimering en klere, bly dit \u2019n gunsteling en is dit gelukkig ook een van die kleure van die seisoen.<\/p>\n


\n\u2022 Mostert<\/strong><\/p>\n

Die \u2018afskeepkleur\u2019 is met mening terug en boonop statiger as voorheen. Victoria Beckham en Prada was van die eerstes wat mosterd op die loopplank gebruik het.<\/p>\n

Wie lyk goed in Mosterd?\u00a0Mosterd lyk goed by donker velle en donkerbruin hare.<\/p>\n


\n\u2022 Mosgroen<\/strong><\/p>\n

Dink aan al die skakerings van mos in die natuur: van die helderder geelgroen kleure en kakiegroen tot donker, byna dennegroen. Di\u00e9 kleur word \u2018mosgroen\u2019 genoem en is perfek vir die luukse, stedelike styl met sy weelderige materiale.<\/p>\n


\n\u2022 Geskroeide lemoen<\/strong><\/p>\n

Die sewentigerjare se style is vanjaar effens deftiger: lang rokke met Boheemse patrone, weelderige materiale, fraiings en in herfskleure. Maar dit beteken nie jy moet die uitklokbroeke en rolhalstruie wegpak nie.<\/p>\n


\n\u2022\u00a0Eiervrug<\/strong><\/p>\n

Dink aan al die skakerings van \u2019n eiervrug \u2013 van \u2019n ligter tot \u2019n diep-pers – en jy het die presiese skakerings wat di\u00e9 winter hoogmode is.<\/p>\n


\n\u2022 Kameel<\/strong><\/p>\n

Die sogenaamde \u2018nerd\u2019-styl lyk besonder goed in kameelkleur, rooskwarts en kakao. Ikoniese items soos strikbloese, brille en (nagemaakte) skouerpelsies is die moet-h\u00ea stukke vir die voorkoms. Die stukke werk ook goed saam met jasse in die vintage-styl en herfskleur rompies met baie tekstuur.<\/p>\n

Wie lyk goed in kameel?\u00a0Roesbruin- en rooikoppe en natuurlike, aarbeikleurige blondines lyk die beste in skakerings van kameel- en roomkleur. Die kontras tussen \u2019n porseleinvel teen \u2019n donker kameel- en taankleur lyk ook baie goed.<\/p>\n


\n\u2022 Rooskwarts<\/strong><\/p>\n

Rooskwarts, een van die Pantone-kleure van die jaar, pas goed by die sagte kleure van die skoonheidskoningin-neiging. A-lyn mini\u2019s, \u2018babydoll\u2019-rokke en blink skoene in rooskwarts en ander pastelkleure was volop op die loopplanke. Hou by afgeronde lyne soos \u2019n snyers- jas of gestruktureerde rok sodat jy nie te jonk te lyk nie.<\/p>\n


\n\u2022 Kakao<\/strong><\/p>\n

\u2019n Bruin jas is een van di\u00e9 moet-h\u00ea items vir die winter. Vanjaar se jas is oorgroot met \u2019n effense milit\u00eare gevoel. Bruin is ook die stapelkleur van klere in die sewentiger- en stedelike styl.<\/p>\n


\n\u2022 Sement<\/strong><\/p>\n

Grys en al sy skakerings is in die mode. Jy kan die verskillende skakerings van grys saam dra, of met bruin of kameelkleur kombineer.<\/p>\n

Onder mans en vroue, in al die w\u00eareldstede, bly grys die grootste \u201cstadskleur\u201d. \u2019n Kleur wat \u2019n stelling maak. Skoon lyne werk goed saam met grys.<\/p>\n


\n\u2022 Cabernet<\/strong><\/p>\n

Van die kleur in jou wynglas tot die vlek wat dit op jou lippe maak, hier is \u2019n kleur wat jy ernstig moet opneem.<\/p>\n


\n\u2022 Diepsee blou<\/strong><\/p>\n

Die blou kleur vir die seisoen moet een van die skakerings van die diepblou see wees – dink van donker turkoois tot vlootblou.<\/p>\n

Dra \u2019n helder blou jas of rok saam met ander skakerings van blou of neutrale kleure, of \u2019n oorgroot donkerblou gestreepte hemp met opgerolde moue en toegeknoopte kraag by denims of \u2019n swart broek. Die nuwe blou denim is nie rekbaar nie, pas losser en moet by die some opgerol word.<\/p>\n