N\u00e1 \u2019n middag in Hanna se geselskap w\u00e9\u00e9t jy dat een mens \u2019n groot verskil kan maak, maar bowenal dat geloof \u2019n mens deur selfs die grootste krisis dra.<\/p>\n
Dis duidelik dat die Hanna Charity and Empowerment Foundation<\/em>, haar liefdadigheidsorganisasie, haar groot passie is. \u201cEk wil eintlik nie beroemd wees nie. Ek wil net God se hande en voete hier op aarde wees.\u201d<\/p>\n Dis presies wat sy is vir minstens ses duisend mense in Pretoria \u2013 en nog \u2019n paar duisend ander aan die Oos-Rand en in Cloetesville buite Stellenbosch. Vir TV-kykers en rolprentgangers is sy die beeldskone aktrise, vrou van \u2019n ewe bekende sanger. \u201cMaar in Elandspoort weet die mense nie eens ek is \u2019n aktrise nie,\u201d vertel sy.<\/p>\n Hier is sy net die vrou wat hoop bring waar daar voorheen net wanhoop en armoede was, wat lewens vir altyd verander. \u201cLiefdadigheid is waar my hart l\u00ea. Dis vir my \u2019n groter liefde as drama,\u201d erken sy.<\/p>\n Waar kom haar welsynshart vandaan, en hoe het dit gebeur dat sy voltyds liefdadigheidswerk doen? \u201cOmgee is in my gene. Dit kom vir my natuurlik, vir so lank as wat ek kan onthou. Ek het in \u2019n pastorie grootgeword, en daar is maar altyd na mense in nood uitgereik. Ek het op skool al naweke by die kinderhuis gaan help, en my eie geld gebruik om vir die kinders ietsie te koop, al was dit ook net \u2019n sakkie appels of onderklere.\u201d<\/p>\n Haar pa, Nic, \u2019n predikant, en ma Marietjie, \u2019n maatskaplike werker, het haar nog altyd aangemoedig en ondersteun. N\u00e1 matriek aan die Pro Arte Alphen Park-kunsskool in Pretoria, moes sy tussen beeldende kuns en drama as studierigting kies.<\/p>\n <\/p>\n <\/p>\n Die gevolg was \u2019n B.A.-graad in drama aan die Universiteit van Stellenbosch. \u201cDaarna het ek \u2019n gestruktureerde M-graad in performance<\/em> art begin \u2013 dis anders as performing arts<\/em>, en as \u2019t ware lewende kunsuitstallings.\u201d<\/p>\n Vir hierdie kwalifikasie moes sy deels by die kunsdepartement en deels by die dramadepartement klas draf, en daar byt die toneelgogga toe. \u201cAan die einde van my vierde jaar het ek \u2019n rol in Tertius Kapp se drama Skroothonde gekry, en toe het ek my honneurs gekry en begin dink drama is dalk die ding vir my.\u201d<\/p>\n In daardie tyd was sy ook kunsjuffrou by Paul Roos Gimnasium in Stellenbosch. \u201cMet veertig seuns in my klas!\u201d lag sy. Sy hou van onderwys gee. \u201cEk sal dit graag weer eendag wil doen.\u201d<\/p>\n As student op Stellenbosch het sy haar liefdadigheidswerk voortgesit en dit met soveel oorgawe gedoen dat die universiteit haar uit die koshuis wou skors omdat sy \u2019n straatkind in haar kamer laat slaap het.<\/p>\n \u201cToe bel hulle my pa om hom van my oortreding te vertel, en hy s\u00ea vir hulle hy is eintlik baie trots daarop dat ek bereid was om soveel te doen om iemand te help,\u201d vertel sy met \u2019n laggie. Hoewel liefdadigheidswerk haar eerste liefde is, het sy die afgelope paar jaar geen tekort aan TV- en rolprentrolle gehad nie.<\/p>\n Hoewel sy nie na bekendheid streef nie, glo sy dat dit wel haar liefdadigheidswerk makliker maak.<\/p>\n <\/p>\n <\/p>\n Sy het nooit beplan om \u2019n formele liefdadigheidsorganisasie te begin nie, maar dit was die logiese volgende stap nadat haar werksaamhede oor \u2019n paar jaar heen tot \u2019n hele netwerk van bedrywighede in die armste woonbuurte van Pretoria gelei het. Vandag is sy bly dat sy tog agt jaar gelede die groot stap gewaag het om dit as \u2019n nie-regeringsorganisasie en nie-winsgewende organisasie te registreer.<\/p>\n Deesdae is daar drie areabestuurders en \u2019n kantoorbestuurder, Stacy Fox. \u201cSy is my linker- en regterhand,\u201d vertel Hanna. Talle vrywilligers sorg ook dat dinge glad loop. Maar by die Hanna Charity en Empowerment Foundation gaan dit oor veel meer as net kos in die maag.<\/p>\n \u201cOns gee mense kos, ja, maar ons bemagtig hulle ook deur vaardigheid- en werkskeppingsprogramme, kleuterskole, sielkundige berading, biblioteke, leesprojekte … Ons gee aandag aan al die basiese behoeftes wat in Maslow se hi\u00ebrargie ge\u00efdentifiseer word,\u201d verduidelik sy.<\/p>\n (Maslow, \u2019n bekende sielkundige, het in 1943 in sy bekende A Theory of Human Motivation, \u2019n piramide van vyf basiese menslike behoeftes ge\u00efdentifiseer wat steeds as die basis van enige menslike ontwikkelingsmodel beskou word. Fisieke behoeftes soos kos, water en skuiling word beskou as die mens se belangrikste en mees basiese behoeftes om oorlewing moontlik te maak. Hierna volg veiligheid, liefde en aanvaarding, selfrespek en eers daarna kom selfverwesenliking.)<\/p>\n Die model wat sy en haar mense die afgelope meer as \u2019n dekade vir en saam met die armstes van die armes van onder meer Wolmer, Elandspoort, Wesfort, East Lynne en Jan Niemandpark ontwikkel het, werk trouens so goed dat die Universiteit van Pretoria haar al genader het om dit deel van kursusmodules te maak.<\/p>\n Die geheim l\u00ea waarskynlik in die omvangryke manier waarop sy die probleem benader. Daar is sopkombuise, klerebanke, speelgroepies en kleuterskole, vrouebemagtigingsgroepe, biblioteke en leesgroepe, werkskeppingsprojekte, Bybelstudie en selfs \u2019n motivering- en fiksheidsprogram wat sy skertsend charity vitality<\/em> noem.<\/p>\n <\/p>\n <\/p>\n “Hulle kan charity vitality<\/em>-punte verdien deur werkies by die verskillende projekte te doen, boeke te lees, te sorg dat hul kinders elke dag skool toe gaan en deur Sondae kerk toe te gaan,\u201d verduidelik sy.<\/p>\n Die punte wat so verdien word, word dan vir skoonmaakmiddels geruil. Hanna se jongste inisiatief is \u2019n fikswordprogram. Haar o\u00eb helder op wanneer sy vertel hoe groepe vroue oral in Pretoria begin het om onder aanvoering van die Hanna Charity-areabestuurders daagliks \u2019n paar keer om die blok te stap.<\/p>\n Wat is die geheim van haar sukses? \u201cJy moet binne \u2019n gemeenskap werk, en vanuit die gemeenskap. \u2019n Arm, honger mens gaan nie \u2019n ver ent na \u2019n plek toe stap om deel van \u2019n projek te wees nie. Die projek moet as \u2019t ware na hulle toe gebring word.\u201d<\/p>\n Nog \u2019n rede vir die sukses, glo sy, is dat al die beskikbare geld nie opgeslurp word deur duur infrastruktuur nie. \u201cAl ons projekte funksioneer vanuit Wendy-huisies wat in mense se agterplase opgerig word. Een Wendy-huis dien byvoorbeeld soggens as kleuterskool, en smiddae word dit gebruik as nasorgsentrum waar kinders met huiswerk gehelp word, of vir \u2019n vroueprogram of terapiekamers.\u201d<\/p>\n Sy betrek kenners soos sielkundiges en forensiese maatskaplike werkers waar nodig (soos in gevalle van kindermolestering) maar glo die gemeenskap moet die projek bedryf.<\/p>\n <\/p>\n <\/p>\n Sy glo dit help ook dat donateurs kan sien presies hoe en waar hul geld aangewend word. \u201cEk het as tiener by Uitkyk Vleismark in Silverton gewerk. Die eienaar is een van my gereelde donateurs, en nou die dag kon ek vir hom gaan wys waar in East Lynne staan die huis wat hy geskenk het en wat ons as biblioteek ingerig het. Nou weet hy hoe baie lewens sy donasie help verander.\u201d<\/p>\n Vir haar is die wonderlikste deel van haar werk om te sien hoe menselewens verander; hoe mense vorder van noodgedwonge bakhand staan tot iemand wat \u2019n onontbeerlike rol binne die organisasie vervul.<\/p>\n \u201cDie vrou wat ons klerebank bestuur, s\u00ea dis die eerste keer in haar meer as sewentig jaar dat sy \u2019n regte werk het en dat sy nie elke dag in \u2019n sopkombuis se ry hoef te staan nie. Ons moet onthou wit armoede is nie \u2019n nuwe ding nie, maar baie mense het net nooit die kans gekry om hulself te bewys nie.<\/p>\n “Ek glo dat as jy mense verantwoordelikheid gee, hulle daardie kleed sal aantrek en doen wat van hulle verwag word. Jy moet sien \u2013 van die mense lyk sommer tien jaar jonger omdat hulle voel hulle het nou \u2019n doel in die lewe.\u00a0 As mense se omstandighede verander, verander hul persepsie van God en Sy liefde ook, en dis wonderlik om dit te sien gebeur.\u201d<\/p>\n Haar werk is nie altyd maklik nie, maar dis waar haar geloof haar dra. \u201cDis ontsettend stresvol en \u2019n gr\u00f3\u00f3t verantwoordelikheid, en dis net genade dat ons elke maand al die mense kan help. Maar ja, dis ook \u2019n ongelooflike eer dat die Here my gekies het vir hierdie taak om mense se vreugde vir hulle terug te gee.\u201d<\/p>\n Sy verdien glad nie \u2019n salaris by die organisasie nie. \u201cNee jong, ek werk nog al die jare verniet. Maar die Here se\u00ebn my op soveel ander maniere.”<\/p>\n <\/p>\n <\/p>\n Haar liefdadigheidswerk het haar nog nader aan die Here gebring. \u201cGeloofspronge is amper \u2019n voorvereiste as jy die soort werk doen. \u2019n Mens moet ten volle op die Here vertrou. As die werk wat ons doen van mense afgehang het, het absoluut niks gerealiseer nie.\u201d<\/p>\n Sy vertel hoe God daagliks sorg, hoe daar in tye van nood onverwags \u2019n groot vrag kos afgelewer word, of \u2019n donasie inbetaal word; hoe die bankbalans feitlik elke maand op nul staan, net om onverklaarbaar – soos die weduwee se kruik – aan te hou voorsien in die daaglikse behoeftes van duisende mense wat andersins net nog statistiek sou word.<\/p>\n Maar God daag haar ook uit, vertel sy. \u201c\u2019n Mens se geloof groei net as jy die moeite doen om stil te word en na Sy stem te luister. En dan moet jy doen wat Hy vir jou s\u00ea. Dit voel die laaste ruk vir my of Hy s\u00ea ek moet m\u00e9\u00e9r waag, m\u00e9\u00e9r glo. Want eers dan gaan Hy vir my wys die onmoontlike is moontlik.\u201d<\/p>\n","protected":false},"excerpt":{"rendered":" N\u00e1 \u2019n middag in Hanna se geselskap w\u00e9\u00e9t jy dat een mens \u2019n groot verskil kan maak, maar bowenal dat geloof \u2019n mens deur selfs die grootste krisis dra. Dis duidelik dat die Hanna Charity and Empowerment Foundation, haar liefdadigheidsorganisasie, […]<\/p>\n","protected":false},"author":11,"featured_media":49860,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[661,675],"tags":[24339,147,1387,3434,4648,4649,23450],"class_list":["post-49858","post","type-post","status-publish","format-standard","has-post-thumbnail","hentry","category-ons-mense","category-bekendes","tag-local-celebs","tag-bekendes","tag-celebs","tag-ons-mense","tag-hanna-grobler","tag-hanna-charity-and-empowerment-foundation","tag-entertainment"],"acf":[],"yoast_head":"\n\u201cMaar ek is meer \u2019n skepper as \u2019n performer,\u201d<\/span><\/em><\/h4>\n
\u201cDis \u2019n feit dat \u2019n bekende mens soveel meer kan regkry. Juis daarom is dit vir my so hartseer as bekendes nie besef hoe baie hulle kan doen met die mag wat hulle het nie.\u201d<\/em><\/span><\/h4>\n
\u201cOns sorg vir die basiese dinge, soos kos, klere en blyplek, maar iets soos skoonmaakmiddels is \u2019n luukse, en daarvoor moet mense iets doen.”<\/em><\/span><\/h4>\n
\u201cOns help van babas tot bejaardes, en jy moet sien met watter oulike idees kom die mense vorendag.\u201d<\/em><\/span><\/h4>\n
“As jy eers begin wegkyk van jouself en eerder op ander mense fokus, dan se\u00ebn Hy jou \u00e9\u00e9rs.\u201d<\/em><\/span><\/h4>\n