Christina Applegate is gemaklik. Sy het altyd \u2019n uitdrukking in haar o\u00eb wat lyk of sy \u201coh!\u201d uitroep. Jy is nie seker of dit iets goeds of slegs beteken nie, maar dit laat jou glimlag. Haar vermo\u00eb om mense te laat glimlag en op hul tone te hou het haar \u2019n internasionale ster gemaak toe sy maar 16 was.<\/p>\n
Haar eerste loopbaantre\u00eb was as baba in haar ma se arms in die sepie Days of Our Lives<\/em>, maar sy het naam gemaak as die dom en losbandige tiener Kelly Bundy in die komediereeks Married … With Children. Sy het die rol tien jaar lank vertolk en het daarna \u2019n in rits suksesvolle TV-reekse soos Jesse<\/em>, Samantha Who<\/em> en Up All Night <\/em>gespeel.<\/p>\n <\/p>\n N\u00e1 Married … With Children<\/em> het jy en die meeste hoofspelers suksesvolle loopbane gebou. Hoe het julle dit reggekry?<\/strong><\/p>\n Ons het ons nie probeer roem op daardie rolle nie. Toe die reeks verby was, het nie een van ons die soort rolle aanvaar wat mense van ons verwag het nie. Ek dink dit was ons redding. Ek moes van Kelly se beeld ontslae raak en wou nie meer daardie soort rolle vertolk nie. Ek dink ons kon ander karakters vertolk omdat die Bundys soveel van ons ware persoonlikhede verskil het.<\/p>\n Hoe het dit gevoel om as tiener in so \u2019n suksesvolle reeks te verskyn – en een waarin die meeste mans jou as \u2019n sekssimbool gesien het?<\/strong><\/p>\n Ek het nooit die karakter huis toe geneem nie. Die sekssimbool-ding was glad nie op my radar nie. Ek was \u2019n regte hippie, baie skaam en het nooit eens grimering gedra nie – heeltemal die teenoorgestelde van Kelly Bundy. Ek het die Kelly-karakter gegrond op iemand wat ek eenkeer in \u2019n dokument\u00eare prent gesien het. Ek was \u2019n maagd terwyl ek die karakter gespeel het \u2013 dit was net my geheim. Vir my was alles net toneelspel.<\/p>\n Moes jy ooit vreemdelinge se verwagtinge vanwe\u00eb die Kelly-karakter hanteer?<\/strong><\/p>\n Nee, gelukkig nie. Ek het nog altyd dieselfde soort vriende gehad. Ek omring my altyd met mense by wie ek gemaklik voel en wat ek vertrou. Ek gaan miskien eenkeer per jaar na \u2019n tipiese Hollywood-partytjie toe, maar dis nie \u2019n groot deel van my alledaagse lewe nie.<\/p>\n Jou man is Hollands. Leer hy jul dogter Hollands praat?<\/strong><\/p>\n Hy het haar al \u2019n paar Hollandse liedjies geleer. Sadie klink baie beter as ek wanneer sy Hollands praat, sy kry die uitspraak reg. Wanneer ek probeer, kyk my man my snaaks aan.<\/p>\n Wat was jou gunstelingvakansie as kind?<\/strong><\/p>\n Ek was die enigste kind van \u2019n enkelouer, en ons het gereeld die pad gevat. Toe ek sewe was, het ons eenkeer Mexiko toe gery en dit was baie pret. My ma het my ook gereeld Manhattan toe geneem en ek onthou hoe ons treingery het, in die strate rondgestap het en na Broadway-vertonings gaan kyk het.<\/p>\n En deesdae?<\/strong><\/p>\n Ons agterplaas. Ek hou nie daarvan om vreeslik rond te ry as dit nie nodig is nie. Ons het wel onlangs in Cabo San Lucas in Mexiko in \u2019n villa gaan vakansie hou en dit was nie te sleg nie (lag). Ek hou van seevakansies soos in Kauai, Cabo en die Bahama-eilande.<\/p>\n Wat is die beste en slegste eienskappe wat ons van jou sou ontdek as ons saam met jou op vakansie sou gaan?<\/strong><\/p>\n My slegste eienskap is dat ek verseg om enigiets te doen wanneer ek op vakansie is (lag)! Tot dusver het ons drie of vier keer saam met ons dogter vakansie gehou. Ek vat altyd \u2019n kinderoppasser saam. Ek is vreeslik lief vir my kind, maar weier om te beweeg wanneer ek op die strand gaan l\u00ea. Ek sal heeldag baie gelukkig op een plek kan bly l\u00ea. Ek wil nie rondloop en plekke sien nie. Ek wil net l\u00ea terwyl mense vir my goed aandra.<\/p>\n Ek wil ook nie op \u2019n plek gaan bly waar ek moet kook en huis skoonmaak nie. Ek doen al daardie goed by die huis, dis nie vakansie nie. Ek het \u2019n kind en moet heeldag kos maak. Ek wil ook na \u2019n strand toe gaan waar daar glad nie branders is nie en waar die water warmer as die lug is.<\/p>\n Ons het eenkeer \u2019n Europese vakansie beplan om my man se familie te besoek, maar toe word ons huis in \u2019n vloed beskadig en kon ons dit nie meer bekostig nie. My beste eienskap? Dat ek niks wil doen nie (lag)!<\/p>\n Hoe lyk jou ideale man?<\/strong><\/p>\n Ek hou van lang, maer punk-rockers<\/em>. Di\u00e9 tipes het my van jongs af aangetrek. My eerste man het nie in die kategorie geval nie. Ek hou meer van die alternatiewe soort ouens. My man is my droomman. Ek het van hom gedroom toe ek 13 was! Ek het gedroom van \u2019n punk<\/em>-ou wat van \u2019n ander land af kom. Twintig jaar later het ek hom ontmoet en ons is getroud. Ek is mal oor my getatoe\u00eberde punk-rocker<\/em> van Amsterdam!<\/p>\n Waar het julle mekaar ontmoet?<\/strong><\/p>\n Ek en vriende het in 1994 in \u2019n kroeg gesit toe hy instap \u2013 lank, maer, bruin T-hemp en wit gebleikte hare. Ek was dadelik mal oor hom. Ons was \u2019n jaar lank goeie vriende maar toe skei ons paaie. In 2008 het ons mekaar weer by die Children\u2019s Hospital raakgeloop toe ons albei as vrywilligers vir Art of\u00a0 Elysium<\/em> gewerk het.<\/p>\n Hy het vir die kinders musiek gemaak en ek het kuns saam met hulle gedoen. Ek het\u00a0 hom nie dadelik herken nie, want hy het baie branderplank gery en was bruin gebrand en sy hare was sy natuurlike blonde kleur. Sedertdien is ons saam.<\/p>\n Het jy en jou ma dinge saam gedoen wat jy eendag saam met jou dogter wil doen?<\/strong><\/p>\n Ons het gereeld Magic Mountain (\u2019n speelpark) toe gegaan en op roller coasters<\/em> gery. Ek sien uit daarna om dit eendag saam met Sadie te doen. My ma het my danslesse laat neem vandat ek drie was. Sy wou h\u00ea ek moet \u2019n positiewe liefde vir iets kweek wat ek vir altyd sou h\u00ea. Dans is helend en kan jou help om aan die daaglikse ellendes te ontsnap, want wanneer jy dans, fokus jy net op jouself.<\/p>\n Ek staan vas daarby dat Sadie ook moet dans. Ek s\u00ea vir haar sy sal later daaroor dankbaar wees en dat sy dit sal berou as sy nou ophou. Ek is \u2019n regte dans-ma. Sy s\u00ea gereeld sy is nie lus om te gaan nie, maar wanneer sy daar kom, is dit asof iets in haar ontwaak.<\/p>\n Het jy enige vrese vir jou dogter?<\/strong><\/p>\n Nee. Sy is baie sterk en slim. Sy is atleties, kreatief en snaaks. Sy hou van sing en dans en hou gereeld vir ons vertonings. Sy doen ook gimnastiek en speel sokker. Sadie het \u2019n sterk willetjie en dis soms moeilik om dit te hanteer, maar ek weet my meisiekind sal na haarself kan omsien, en dit maak my gelukkig. Ek het net een re\u00ebl: Doen wat ek s\u00ea (lag)!<\/p>\n Hoe het ma-wees jou verander?<\/strong><\/p>\n Al wat verander het, is dat ek die meeste van die tyd super-moeg is. My dag begin vroeg en spring met \u2019n spoed weg. Dis asof ek uit \u2019n kanon geskiet word en\u00a0 12 uur aaneen moet hardloop. My dogter is my prioriteit en ek kry nie tyd om aan myself te dink of bekommerd te wees nie.<\/p>\n Dis baie interessant wanneer dit gebeur, veral as jy 39 jaar lank net op jouself gefokus was. Dan kom jy agter wat ware liefde sonder enige verwagtinge beteken – behalwe as sy nie na my wil luister nie, dan wankel die verhouding effens (lag).<\/p>\n","protected":false},"excerpt":{"rendered":" Christina Applegate het wye paaie geloop n\u00e1 haar rol as die losboltiener Kelly Bundy in \u2018Married … With Children\u2019, maar sy\u00a0 kry dit steeds reg om mense te laat lag.<\/p>\n","protected":false},"author":11,"featured_media":49700,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[675],"tags":[147,972,1387,4626,23450],"class_list":["post-49695","post","type-post","status-publish","format-standard","has-post-thumbnail","hentry","category-bekendes","tag-bekendes","tag-margaret-uit-hollywood","tag-celebs","tag-christina-applegate","tag-entertainment"],"acf":[],"yoast_head":"\n