Tom Hanks is verbasend lank. Sy lemmetjiegroen o\u00eb blink soos albasters terwyl hy probeer bepaal of jy sy grappie gesnap het. Hy is vlymskerp en met sy kwinkslae toets hy jou intelligensie. Hy s\u00ea dikwels opsetlik goed wat ander mense net sal dink. Ons ontmoet mekaar op \u2019n yskoue dag by die Ritz Carlton in New York. Tom met \u2019n bofbalpet en gemaklike klere bars die ene energie by die vertrek in en begin dadelik met die joernaliste gesels en skerts. Hier onthou hy \u2019n naam, daar terg hy iemand oor die ouderdom … Anders as baie ander akteurs staar hy nie met dowwe o\u00eb na die media nie. Tom Hanks kan \u2019n vertrek vol joernaliste om sy pinkie draai.<\/p>\n
<\/p>\n
As akteur is dit noodsaaklik dat jy dikwels moet reis en dus van die huis af weg moet wees. Is dit vir jou moeilik om \u2019n balans tussen jou loopbaan en gesin te kry?<\/strong><\/p>\n Toe my vrou met my getrou het, het sy geweet ek werk nie in \u2019n bank nie. My kinders het grootgeword met \u2019n pa wat \u2019n vreemde werk doen wat dikwels ook sy haarstyl bepaal het. Dan verdwyn die haarstyl weer en Pa l\u00ea vir \u2019n lang ruk ledig by die huis rond (lag).<\/p>\n Ek het lank ver van die huis af gewerk, maar noudat hulle groot is, is dit vir hulle voordelig, want hulle gaan saam met my na plekke soos Boedapest en Marokko toe. Hulle is gewoond aan die eise van my werk. Dit sou dieselfde gewees het as ek \u2019n trokdrywer of nuusjoernalis was wat dikwels w\u00eareldwyd moes reis.<\/p>\n Wanneer het jou kinders besef jy is Tom Hanks?<\/strong><\/p>\n (lag). Ek is net hul pa. Die enigste opwinding vir hulle was hul vriende se reaksie wanneer hulle agterkom wie ek is. Soms is dit of mense berserk word, en dan is \u2019n gewone vriendskap buite die kwessie. My kinders verstaan hoe roem werk en hulle hanteer dit so goed hulle kan. Maar ek bly hul simpel pa wat \u2019n paar goeie en slegte goed gedoen het, en wat hulle skool toe gevat het wanneer hy nie gewerk het nie.<\/p>\n Jy het al soveel onvergeetlike rolle vertolk. Watter karakters het veral tot jou gespreek?<\/strong><\/p>\n Dis soos om te vra watter kind my gunsteling is. Die waarheid is dat jy elke karakter aanpak met alles wat jy het. Soms werk dit, soms nie. Ek het seker die meeste herinneringe aan Turner & Hooch<\/em>, want met die fliek was dit een ding na die ander, en ook die voortslepende emosionele oorlog oor hoe om die verhouding tussen my en die hond vas te vang. En as ek nou daaraan dink, wonder ek wie gee regtig om?<\/p>\n Wanneer jy \u2019n rol kry, gooi jy jou vir agt tot 16 maande met oorgawe daarin en dit neem jou lewe oor. Dit het sewe jaar geduur om Castaway<\/em> te maak. Soms gaan jy deur \u2019n rou, emosionele proses om \u2019n fliek te maak, maar dit beteken nie die betrokke fliek is beter as \u2019n ander een nie. Jy kan net jou bes doen en hoop jy weerspie\u00ebl die regte ding.<\/p>\n Borskanker is onlangs by jou vrou gediagnoseer en sy het dit gebruik om ander vroue te help. Hoe het dit julle gesin geraak?<\/strong><\/p>\n Dit was haar besluit. Wanneer so iets gebeur, gaan staan alles stil en \u2019n mens hanteer dit. Ons is nou op die ouderdom waar die soort goed gebeur. Ons was baie gelukkig omdat ons die beste sorg in die w\u00eareld kon bekostig en was baie bewus van hierdie se\u00ebning. Die res was Rita se keuse. Ek dink sy was baie dapper om dit doen. Jy kan dit stil en privaat hou, of jy kan s\u00ea \u201cEk het borskanker en dis wat ek gedoen het.\u201d<\/p>\n Almal weet dis \u2019n gevreesde siekte, maar jy kan nie glo hoe dit \u2019n mens se lewe verander nie.\u00a0 Sy het verlede Desember gehoor en Kersfees en Nuwejaarsdag was soveel anders as ander jare. En nou in Oktober is sy klaar met haar behandeling. Dit was \u2019n moeilike nege maande. Al wat ek nou kan doen, is om my vrou se dapperheid te bewonder en dankbaar te wees dat dit verby is.<\/p>\n Ongelukkig is daar mense wat dit as \u2019n geleentheid sien om geld uit jou te probeer maak. Daar is kwakke wat nuttelose behandelings aan jou probeer afsmeer, hulle verkoop vals hoop, en dis moeilik om dit raak te sien.<\/p>\n Vlieg jy privaat of kommersieel wanneer jy reis? Het jy al ooit in die ekonomiese klas gevlieg?<\/strong><\/p>\n Dis onmoontlik om \u2019n kommersi\u00eble vlug as \u2019n heerlike ervaring te beskryf! Die antwoord op jou tweede vraag is nee. En jy hoef ook glad nie skuldig of sleg te voel omdat jy dit kan bekostig om \u2019n privaat vliegtuig te huur nie. Ek voel nie skuldig nie (lag).<\/p>\n Ek glo jy moet al die moontlike doen om kommersi\u00eble vlugte te vermy, want dis soos om in \u2019n beestrok te ry. Ek sal eerder treinry. Wanneer jy \u2019n fliek maak waarvoor jy moet reis, dink jy hulle gaan jou in weelde tot by jou bestemming laat vlieg. Fantasties! Dan klim jy op die vliegtuig, en dit is nie \u2019n groot vliegtuig nie, maar dis gemaklik \u2013 mits daar vier mense op die vlug is.<\/p>\n Dis steeds gemaklik wanneer daar ses mense op die vlug is, maar wanneer daar 14 mense op een klein vliegtuigie is, is dit nie so lekker nie. Moenie oordeel omdat ek van private vliegtuie hou nie. Jy sou dit ook gedoen het as jy kon.<\/p>\n","protected":false},"excerpt":{"rendered":" Die veelsydige akteur Tom Hanks is net so gemaklik in romantiese komedies as in groot dramas. En hy is ewe suksesvol agter die kamera. Geen wonder menige jong en talentvolle akteur het al ges\u00ea hy wil eendag \u2019n loopbaan soos di\u00e9 van Tom Hanks h\u00ea nie.<\/p>\n","protected":false},"author":11,"featured_media":49668,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[675],"tags":[147,972,1387,4624,23450],"class_list":["post-49664","post","type-post","status-publish","format-standard","has-post-thumbnail","hentry","category-bekendes","tag-bekendes","tag-margaret-uit-hollywood","tag-celebs","tag-tom-hanks","tag-entertainment"],"acf":[],"yoast_head":"\n