{"id":49653,"date":"2016-06-06T05:00:32","date_gmt":"2016-06-06T03:00:32","guid":{"rendered":"http:\/\/novanews.co.za\/rooirose\/?p=49653"},"modified":"2016-05-23T08:16:25","modified_gmt":"2016-05-23T06:16:25","slug":"italie-in-sa","status":"publish","type":"post","link":"https:\/\/novanews.co.za\/rooirose\/italie-in-sa\/","title":{"rendered":"Itali\u00eb in SA"},"content":{"rendered":"

Ons was by Montecasino<\/a> se eerste \u2018Made in Italy\u2019-fees, en dit was omtrent \u2019n fees! Aangesien Montecasino klaar soos iets uit\u00a0Itali\u00eb lyk, was dit die perfekte bestemming vir stalletjies om met hul ware te kom spog.<\/p>\n

My fees het die Vrydagmiddag begin. Na werk was dit \u2019n kort rit na Fourways waar ek by die Sun Square<\/a> hotel vir die naweek ingeboek het. Die kamer is modern uitgel\u00ea met \u2019n pragtige uitsig oor Montecasino se Piazza. Ek loer by my venster uit en sien die lang wit tafels met sambrele wat reg staan vir gaste om te begin kuier.<\/p>\n

Toe dit begin skemer word, was dit die perfekte tyd om te gaan stap. Stemme trek deur die lug en die klank van kinders wat by die fonteine speel, hang vrolik om my. My eerste stop was die La Marina Foods<\/a> stalletjie waar luukse kosprodukte soos White Rock kaas met geglasuurde vye<\/a> my asem weggeslaan het.<\/p>\n

Die Dolce Gabanna en Versace-meisies het met hul parfuummonsters gesorg dat ek ook Italiaans ruik. Aandetes was moeilik om van te kies, want die meeste van die restaurante het saamgespeel en \u2019n spesiale Italiaanse gereg aangebied (met \u2019n Peroni-bier natuurlik!) Ek het op \u2019n lekker filo-\u00a0en halloumi-pastei van Die Contessa la Cucina se stalletjie besluit.<\/p>\n

Elke middag en aand was daar \u2019n\u00a0fliek wat op die groot skerm in die Piazza gespeel het om te sorg dat daar gratis vermaak vir almal was. Ek stap vrolik terug na my kamer toe.<\/p>\n

Na \u2019n lekker buffet-ontbyt by die hotel sluit ek aan by een van die baie kos-demonstrasies. Sjef Benny, (MasterChef SA-beoordelaar), Deena (wenner van MasterChef SA 2014), sjef Blake en sjef Kenny het ons geleer om gnocci, risotto, ratatouille en lekker skemerkelkies aanmekaar te slaan.<\/p>\n

 <\/p>\n

Die Dolce Gabanna en Versace-meisies het met hul parfuummonsters gesorg dat ek ook Italiaans ruik<\/span><\/em><\/h4>\n

 <\/p>\n

Nog stalletjies wag vir my. Ek leer baie oor olywe, kruie, koue vleis en sangria van The Farm Nursery, In-Vino-Veritas en International Deli Distributors. Die eienaars is kenners en ek maak \u2019n nota om by hul winkels te gaan inloer wanneer die fees verby is. Tussen die restaurante was daar \u2019n\u00a0kunstenaar wat spotprente doen terwyl verbygangers oor sy skouers loer om sy vordering te sien.<\/p>\n

Na aandete by Ciao Baby Cucina besluit ek op \u2019n feesdrankie van Original Cocktails<\/a> en kuier verder by die ander fliekgangers onder die sterre in die Piazza.<\/p>\n

Sondagoggend word ek wakker en sien \u2019n koue grys dak van wolke buite my venster. Gelukkig kan mens binne Montecasino die gevoel van \u2019n\u00a0warm sonnige dag kry as gevolg van die oulike binnenshuise versiering. Die Illy Coffee<\/a> stalletjie het heerlike koffie en warm sjokolade wat my van binne af warm gemaak het. My laaste stalletjie vir die naweek was die gewilde\u00a0C.Cremona & Sons kaas<\/a> maatskappy wat vir die fees hulle kaas\u00a0teen baie goeie pryse verkoop. \u2019n Lekker blok gouda en emmental spring sommer in my handsak en vra om saam met my huis toe te gaan.<\/p>\n

Ek pak my tassie en maak reg om Itali\u00eb te verlaat. Die Ferrari\u2019s in die Piazza knipoog vir my, en binne \u2019n\u00a0halfuur is ek weer terug by die huis.<\/p>\n