{"id":49566,"date":"2016-05-27T05:00:55","date_gmt":"2016-05-27T03:00:55","guid":{"rendered":"http:\/\/novanews.co.za\/rooirose\/?p=49566"},"modified":"2016-06-06T13:25:43","modified_gmt":"2016-06-06T11:25:43","slug":"hunters-country-house-huis-met-n-warm-hart","status":"publish","type":"post","link":"https:\/\/novanews.co.za\/rooirose\/hunters-country-house-huis-met-n-warm-hart\/","title":{"rendered":"Hunters Country House: huis met \u2019n warm hart"},"content":{"rendered":"

Toe siviele ingenieur Craig Hunter en sy vrou Jill in 1979 die landgoed ontdek het, was dit liefde met die eerste sienslag. Binne \u2019n paar maande het hulle hul besige lewens in Johannesburg opgepak en saam met hul vyf kinders die dapper skuif platteland toe gemaak. Elektrisiteit is aangel\u00ea, damme gebou en \u2019n reusagtige tuin is aangeplant. Nadat al vyf kinders die huis vir universiteit en werk verlaat het, het die Hunter-ouerpaar besluit om die pragtige plaas in \u2019n gesinshotel te omskep. Met hul gesamentlike talente en volop flair, het hulle die droom \u2019n werklikheid gemaak en Hunters Country House in \u2019n vyfster verblyfopsie omskep. Hulle het die 21 grasdakrondawels self ontwerp en al die meubels, skilderye, ornamente en eetgerei is met die hand uitgesoek deur Jill \u2013 \u2019n handelaar in antieke dekor. Elkeen van die vyf Hunter-kinders was in \u2019n stadium betrokke by die hotel: dogter Jacqui was bestuurder, seun Rob was in beheer van die bouwerk, Ian het die bemarking behartig, Cameron het die woudpaadjies uitgel\u00ea en dogter Mandy het as opgeleide sjef in die hotel gewerk.<\/p>\n

\"Hunters-country-house-kraffie\"<\/p>\n

Met di\u00e9 huislike grondslag in gedagte (Craig Hunter noem dit “built out of love for family and a passion for creating wonderful experiences for our guests”) is dit te verstane dat dit een van die gesinsvriendelikste luukse hotelle denkbaar is. Kinders is \u2019n gr\u00f3\u00f3t woord by Hunters Country House. Vir kinders tussen 0-8 is daar die Cubs Corner<\/em>: \u2019n spesiale speelplek met \u2019n klimraam en sandput en \u2019n Cubhouse<\/em> waar hulle onder toesig kan verf en speel. Vir die ouer kinders is daar die Teen Scene<\/em> met \u2019n loslit kuierkamer, veerpyltjies, snoekertafel, tafeltennis en \u2019n groot swembad by die lapa. Die hotel ondersteun beide Masizame<\/em>– (Kom ons probeer) kinderhuis en Bonholethu<\/em>– (Ons trots) kleuterskool in Plettenbergbaai.<\/p>\n

\"Hunters-country-house-tuin\"<\/p>\n

Hunters Country House is al met die Suid-Afrikaanse toekenning van Hotel van die Jaar<\/em> bekroon. As deel van die glansryke Relais & Chateaux<\/em>-vereniging, geniet hulle internasionale erkenning vir uitstekende diens, fantastiese kos en die allerpragtigste tuine wat wemel van vlinders \u2013 \u2019n natuurlike heiligdom wat Jill oor \u2019n tydperk van drie dekades met baie liefde geskep het.<\/p>\n

Die oorspronklike, grasieuse ou grasdak-plaashuis met sy kaggel, knus bibliotekie en muurpapier, laat jou voel asof jy deel is van \u2019n vorige era. My gunstelinggebou op die landgoed is die versteekte woudkapelletjie wat twintig jaar gelede opgerig is vir troues en aanbidding. Dis gebou op \u2019n krans met \u2019n uitsig oor die woud en omring deur blom-skaduplante. \u2019n Ander konstruksie wat my hart gesteel het, is die enorme glasvertrek in die tuin waar ontbyt bedien word. Dink omelet gevul met sampioen, camembert, gekapte kruie, krakerige spek en tamatie. Dink geroosterde croissant met gerookte salm. Dink mieliebrood, swartwoudham, seisoenvrugte-smoothies<\/em>, chipolatas, boerewors en sterk\u00a0koffie. Dink bessies, neute en kaas om van te kies en te keur. Dit alles bedien in \u2019n styl van gemaklike luuksheid en luukse gemak.<\/p>\n

\"Hunters-country-house-kos\"<\/p>\n

Daar is iets reddeloos romanties aan die grasdak-rondawel waar ons tuisgegaan het. Kaggelvure in die slaapkamers. Goue krane en kristalkandelare. Elegante, ouw\u00eareldse meubels. Linne in dofgroen skakerings. Maar dis veral die warm verwelkoming wat mens bybly. \u2019n Gevoel van tuiskoms wat jy moeilik kan verklaar in \u2019n huis met \u2019n warm hart.<\/p>\n

 <\/p>\n

Reisraad<\/h4>\n

Hunters Country House is slegs 10 km vanaf Plettenbergbaai en 22 km vanaf Knysna langs die N2. Zinzi-restaurant is op dieselfde landgoed en deel van die groep. Moenie die Marokkaanse lamskenkels, gegeur met vyftien speserye, vye en geroosterde amandels by Zinzi misloop nie! Di\u00e9 gereg is \u2019n ware weerspie\u00ebling van die restaurant se Afrika-sjiek tema. Dink Zanzibar-deure, klipmure, kaggelvuur, wyn en onweerstaanbare vanielje br\u00fbl\u00e9e.<\/p>\n

Terwyl jy in die omgewing is, verken die kusdorpe se strande en woude en snuffelwinkeltjies van Plettenbergbaai en Knysna. Binne 5 minute se ry vanaf die hotel, kan jy die volgende interessante plekke besoek:<\/p>\n