![\"Tammy-Anne](\"https:\/\/novanews.co.za\/rooirose\/wp-content\/uploads\/2015\/08\/Image1-337x600.png\")
<\/p>\nDie pragtige Tammy-Anne Fortuin is verloof. Toe sy in Julie 2014 op ons voorblad verskyn het, het sy op \u2019n blitsbesoek aan Johannesburg gesels oor haar lewe in Los Angeles. Haar lewe nou verskil heelwat van di\u00e9 onderhoud.<\/p>\n
<\/p>\n
Tammy het op 14 Mei 2016 hierdie foto op haar Instagram-blad geplaas met die woorde, “Yes Lord. For the rest of my life.”<\/p>\n
Julie, 2014
\n– Deur Ilse Salzwedel. Foto\u2019s deur Leana Clunies-Ross<\/p>\n
Die vorige keer toe ek met Tammy-Anne Fortuin gesels het, kon sy nie uitgepraat raak oor New York nie. Nou, byna twee jaar later (2014), borrel sy oor Los Angeles, die rolprenthoofstad van die w\u00eareld en ongetwyfeld elke voornemende akteur en rolprentmaker se droom.<\/p>\n
Tammy, wat bekend geword het as eerste prinses in 2003 se Mej. SA-kompetisie en al twee keer op FHM se lys van 100 sexyste vroue was, leef nou hierdie droom.<\/p>\n
\u201cEk geniet LA meer as New York, al is die graadkursus wat ek volg taai en is daar baie min tyd vir ontspan. Daar sit ek nou, kan jy glo?\u201d lag sy, nog net so mooi en ongekunsteld soos altyd.<\/p>\n
Sy is besig met \u2019n B.A.-graad in rolprentkunde, \u2019n driejaar-kursus. Sy is nou in haar tweede jaar, en behalwe \u2019n klomp akademiese vakke, wat selfs wiskunde insluit, is daar b\u00e1ie praktiese werk.<\/p>\n
\u201cEk het al op minstens vyf kortflieks gewerk. Dis so \u2019n groot kreatiewe uitlaatklep dat dit soms effens absurd voel om te dink dis wat ek nou doen.\u201d<\/p>\n
Hierdie lewe is inderdaad ligjare verwyder van die glanslewe wat sy in Suid-Afrika gelei het as aanbieder van Roer<\/em> en medevervaardiger en mede-aanbieder van M-Net se glansryke joernaalprogram All Access<\/em>. Sy was ook \u2019n direkteur en vervaardiger van die produksiemaatskappy Homebrew<\/em>. Sy is steeds \u2019n aandeelhouer en maak vir hulle insetsels uit Amerika en in Suid-Afrika. Sy vlieg so dikwels as wat nodig is tussen LA en Suid-Afrika vir werk hier. (Sy moet werk om vir haar studie te betaal.)<\/p>\n Hoe hou sy al die balle in die lug? \u201cJong, juggle<\/em> is al deel van my lewe,\u201d s\u00ea sy, asof dit doodgewoon is om tussen twee vastelande te studeer en te werk.<\/p>\n Tammy geniet haar besige lewe. \u201cMaar \u2019n mens betaal mos maar altyd \u2019n prys vir toewyding. Ek het byvoorbeeld nie \u2019n man in my lewe nie, maar is gelukkig so \u2019n vry siel in \u2019n situasie waar so baie opwindende dinge gebeur dat ek nie eintlik kans kry om dit te mis nie. Maar as ek na nog een troue genooi word … \u201d skerts sy.<\/p>\n Sy droom daarvan om eendag regie te doen. \u201cDie kursus berei jou voor op alles, van redigering tot draaiboeke skryf, met al die dissiplines tussenin.\u201d<\/p>\n Sy het reeds \u2019n eenjarige dramakwalifikasie by die New York Film Academy verwerf, waar haar naam ook op die ererol vir uitstekende prestasie is.<\/p>\n Dinge gebeur heelwat stadiger in LA as in New York. \u201cEk het LA aanvanklik verpes! Dit was so anders as New York \u2013 jy moes \u2019n motor h\u00ea, terwyl jy in New York kon stap, \u2019n taxi neem of op die moltrein spring. Dit het beteken ek moes my Kaliforniese rybewys kry en gewoond raak daaraan om aan die verkeerde kant van die pad te ry. En natuurlik moes ek blyplek soek, intrek, nuwe vriende maak.\u201d<\/p>\n Sy bieg dat sy aan die begin \u2019n bietjie paniekerig gevoel het, en haar in haar werk begrawe het. \u201cMaar jy kry net vir \u2019n klein rukkie kans om poor little me te speel, dan moet jy vinnig weer regkom. Almal in my klas is eintlik in dieselfde bootjie, almal buitelanders. Ek dink daar is net een Amerikaner onder ons.\u201d<\/p>\n Tipies Tammy, immer oop vir nuwe uitdagings, het sy die nuwe stad omarm en toegelaat om onder haar vel in te kruip, en deesdae is sy mal oor haar nuwe (tydelike) huis.<\/p>\n \u201cToe ek eers net weet waar om brood en melk te gaan koop! En ook toe ek besef almal daar deel my passie vir die bedryf.\u201d<\/p>\n Sy woon in Burbank, reg oorkant die kampus waar sy studeer. \u201cAlmal daar praat my taal as dit by kreatiwiteit kom.\u201d Die stad laat haar aan Kaapstad dink waar sy grootgeword het.<\/p>\n \u201cMaar Kaapstad is baie mooier,\u201d verklaar sy ewe patrioties. \u201cLA is ook baie warmer as die Kaap. Onthou, die stad is op die rand van \u2019n woestyn, maar dit akkordeer goed met my. New York was koud in die winter en be-dompig en warm in die somer.\u201d<\/p>\n Haar leefw\u00eareld en blyplek is in elke opsig ver verwyderd van die Hollywood wat ons op TV sien. \u201cEk leef baie eenvoudig. Ek sal eerder my geld gebruik om \u2019n goeie fliek te gaan sien as om nuwe skoene te koop.\u201d<\/p>\n Sy vermy Hollywood. \u201cDis seker \u2019n belewenis om dit te besoek as jy \u2019n toeris is, maar Hollywood en plekke soos die Walk of Fame is baie besig. En daar is altyd iemand in \u2019n Superman- of Batman-uitrusting wat jou $10 vir \u2019n foto vra! Ek het die Dolby-teater, waar die Oscars oorhandig word, jare gelede besoek vir \u2019n All Access<\/em>-opname, maar een keer was genoeg. Toe my ouers verlede jaar kom kuier, het ek hulle wel na al die toeriste-attraksies geneem.\u201d<\/p>\n As daar \u2019n tydjie is, verkies sy om langs die see by Santa Barbara en Venice Beach te gaan ontspan. Die LA County Museum of Art (LACMA) is nog \u2019n gunsteling.<\/p>\n \u201cDaar is gereeld baie interessante uitstallings. In my eerste semester het ek daar na \u2019n uitstekende uitstalling oor die werk van die regisseur Stanley Kubrick gaan kyk.\u201d<\/p>\n Andersins sal jy haar waarskynlik in een van die stad se legendariese comedy clubs of by \u2019n rolprentvertoning by die w\u00eareldberoemde Warner Brothers se ateljees aantref, of op \u2019n agter-die-skerms-toer op die stel van een van die rolprente wat daar vervaardig word.<\/p>\n En al lyk dit nie so as jy na haar modellyf kyk nie, is kos \u201cmaar altyd \u2019n groot ding. Ek maak seker dat ek gereeld by die European Sausage Kitchen inloer vir boerewors, biltong, Ceres-vrugtesap, Aromat en Robertson-speserye\u201d.<\/p>\n N\u00e1 byna drie jaar in Amerika kan sy steeds nie aan die reuseporsies in restaurante gewoond raak nie. \u201cEk kook graag \u2013 dis ontspannend, en in elk geval kan jy ook nou net soveel burgers en kitskos in \u2019n leeftyd eet.\u201d<\/p>\n Sy praat van universiteit as \u201cschool\u201d, en s\u00ea daar is heelwat Suid-Afrikaners wat daar dramakunde studeer.<\/p>\n \u201cJy sien sommer dis \u2019n Suid- Afrikaner, en wanneer jy daardie aksent hoor, dink jy welkom tuis!\u201d<\/p>\n Sy beskryf haar lewe in LA laggend as \u201cvaal en vervelig\u201d, en vertel van werksdae wat twaalf uur en langer is.<\/p>\n \u201cKlasse begin om nege-uur soggens en eindig op die vroegste eers sewe-uur, maar ons is dikwels teen tienuur nog besig. Jy moet maar weet jy gaan hard werk as jy vir di\u00e9 kursus inskryf \u2013 it comes with the territory<\/em>.<\/p>\n \u201cIn Hollywood word rolprentmaak soos \u2019n wetenskap benader, en ons kursus bestaan uit \u2019n klomp uiteenlopende vakke. Behalwe die wiskunde, is daar goed soos die sielkunde agter toneelspeel, kinematografie en director\u2019s craft, visuele uitbeelding, musical montage … Maar uiteindelik sien jy tog hoe al hierdie uiteenlopende goed bymekaarkom. \u2019n Regisseur moet ook leer om \u2019n akteur se taal te praat, so dit gaan beslis help dat ek drama studeer het. Die Amerikaners is ook baie ingestel op kritiese denke, en jy moet kies uit vakke soos astronomie en biologie wanneer jy vir \u2019n B-graad inskryf.\u201d<\/p>\n Sy kan nie uitgepraat raak oor hoe baie sy leer nie.<\/p>\n \u201cMy dosente is almal mense wat byvoorbeeld ook vir die Sundance-rolprentfees flieks maak, en erkende name in die Hollywoodse rolprentbedryf. Niks wat hulle ooit vir jou s\u00ea, is onbelangrik of irrelevant nie.\u201d<\/p>\n Is die kursus en LA soos sy haar dit voorgestel het?<\/p>\n \u201cDis m\u00e9\u00e9r as wat ek gedink het dit gaan wees. N\u00e1 my sukses met die dramastudie in New York het ek getwyfel of ek dit regtig moet gaan doen. Maar ek glo mos nog altyd jy moet jouself uitdaag \u2013 dis nodig. Dit leer jou wat jou sterk punte en jou swakhede is. Ek het in die laaste tien jaar van my lewe nie soveel bevrediging gesmaak nie.<\/p>\n Dit sou makliker gewees het om net in Suid-Afrika te bly en hier naam te maak, maar ek wil leer van die h\u00e9\u00e9l bestes in die rolprentw\u00eareld, en hulle is nou maar eenmaal in Hollywood. Ek het nie net gegroei wat loopbaan- en\u00a0toekomsmoontlikhede betref nie, maar ook as mens.\u201d<\/p>\n Om van die huis weg te wees is steeds die heel moeilikste. Sy kon verlede Kersfees darem by die huis vier, al het sy n\u00e1 \u2019n woeste studiejaar eers op Oukersdag in Suid-Afrika aangekom.<\/p>\n \u201cEk is baie geheg aan my familie, en dis swaar om nie by die huis te wees met al die groot dae nie.\u201d Maar gelukkig, glimlag sy, is Suid-Afrika net \u2019n vlug ver. Toe haar geliefde tannie Marina \u2013 \u201csy was vir my soos \u2019n tweede ma\u201d – in Februarie onverwags oorlede is, het Tammy spesiaal hierheen gekom.<\/p>\n \u201cDit was vir ons almal \u2019n skok en om weg te wees van die huis in so \u2019n tragiese tyd was maar een van my geheime vrese.\u201d<\/p>\n Sy moes \u2019n maand uitstel kry vir \u2019n kortfliek, maar het steeds haar take per e-pos uit Suid-Afrika ingedien. Maar dis die minste wat sy vir haar geliefde tannie kon doen.<\/p>\n \u201cMy geluk en sukses, of dit nou persoonlik of professioneel is, was vir haar belangriker as wat dit selfs vir my was. Sy het elke rooi rose met my op die voorblad met trots en kwansuis toevallig op haar koffietafel gelos vir almal om te sien. So, hierdie voorblad is vir jou, Minnie.\u201d<\/p>\n Sy is nie eensaam in Amerika nie. \u201cEk is gelukkig om vriende daar te h\u00ea wat soos familie geword het. As jy saam met iemand flieks maak, kom sy ware persoonlikheid nogal na vore.\u201d<\/p>\n Haar ouers, Anthea en Thomas, ondersteun haar ten volle. \u201cHulle het my hul se\u00ebn gegee, anders sou ek dit beslis nie kon doen nie. Hulle w\u00f3\u00fa h\u00ea ek moet my vlerke wyer sprei, en ek weet dit maak hulle gelukkig dat ek gelukkig is. Ek was \u2019n tweedejaar-regstudent toe ek eerste prinses was in die Mej. SA-kompetisie, maar het opgeskop. Ek het vir my pa ges\u00ea dat ek net vir \u2019n rukkie lank die geleenthede gaan h\u00ea wat saam met so \u2019n titel kom en dit moet aangryp, en het hom belowe dat ek eendag sal teruggaan universiteit toe om iets te studeer. En toe het ek. Maar hierdie keer doen ek dit nie omdat ek dit moet doen nie, maar omdat ek weet wat ek wil doen.\u201d<\/p>\n Dink sy haar groot deurbraak wag in Hollywood? Sy trek haar skouers op.<\/p>\n \u201cEk glo nie daaraan om te sit en wag vir my big break nie. Ek het al geleer jy moet werk vir jou eie deurbrake \u2013 trouens, jy moet bereid wees om jou alie af te werk.\u201d<\/p>\n Praat sy darem al met \u2019n Amerikaanse aksent? Sy gooi haar kop agteroor en lag kliphard. Die meisie van Kaapstad dink dis \u2019n baie snaakse vraag. \u201cWat is die kans? Onthou, ek is 32! Ek praat soos ek praat. Ek sal \u2019n Amerikaanse aksent net aanleer as dit nodig is vir \u2019n rol.\u201d<\/p>\n Dis duidelik dat nie eens Hollywood hierdie Kaapse skoonheid van haar wortels laat vergeet nie.<\/p>\n","protected":false},"excerpt":{"rendered":" Tammy-Anne Fortuin het in 2014 die Suid-Afrikaanse glanslewe vir Los Angeles verruil om alles oor die rolprentwese te leer. Nou, amper twee jaar later, is sy verloof aan die liefde van haar lewe. <\/p>\n","protected":false},"author":8,"featured_media":49095,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[661],"tags":[1387,3434,3896,4251,23450,24339],"class_list":["post-49085","post","type-post","status-publish","format-standard","has-post-thumbnail","hentry","category-ons-mense","tag-celebs","tag-ons-mense","tag-tammy-anne-fortuin","tag-rooi-rose-voorbladvrou","tag-entertainment","tag-local-celebs"],"acf":[],"yoast_head":"\n