Soos die meeste wetsgehoorsame landsburgers, het ek die gewoonte om (meestal) te wag tot my motor se wiele stilstaan voor ek \u2019n foonboodskap beantwoord. Dus sit ek vanoggend gou in \u2019n parkeerplek voor die supermark en beantwoord my man se WhatsApp. Die volgende oomblik is daar \u2019n blikkerige slag en my foon val uit my hand uit.<\/p>\n
Die senior burger wat pas langs my stilgehou het, het dit goed gedink om sy motordeur wawyd oop te gooi om sy uitklimaksie te vergemaklik. Toe dawer hy sy wit motordeur teen my swart deur vas.<\/p>\n
Hy het effe verbaas gelyk toe hy sien dat daar iemand in die motor sit waarteen hy so vaskletter, maar die volgende oomblik stap hy tongklikkend aan winkel se kant toe en mompel ewe: \u201cVroumense kan nie parkeer nie \u2026\u201d<\/p>\n
My gereformeerde opvoeding, respek vir ouer mense en als ten spyt – ek het hom amper via \u2019n briesende boulaksie met my foon teen die kop geklits. Dan praat hulle van \u201cdie kinders van vandag wat nie meer respek het nie\u201d?<\/p>\n
A nee a, Omie.<\/p>\n
Maar, hierdie is nie die eerste keer nie en seker ook nie die laaste nie.<\/p>\n
So \u2019n jafel van \u2019n buurdorp het onlangs in ons middedorp sy skittersilwer f\u00f4baaif\u00f4 se deur h\u00e1rd teen myne vasgeslaan met sy inklimslag. Ek was op pad om te ry, maar het toe maar doodluiters (en effe aspris) uitgeklim en om my motor gestap om die skade te bekyk.<\/p>\n
Hy het halfpad uit by sy parkeerplek grootoog opgelet ek staan daar en hy het so \u2019n patetiese handgebaar gemaak voor hy brullend by die parkade uitry. Hy het seker nie gedink dat daar min genoeg motors met buurdorp-registrasienommers en kombinasies van vyf en nul is vir my om binne \u2019n minuut presies te weet wie hy is nie. Glo berug vir sy bullebakmaniere op die dorp. Klaarblyklik het nie alle blinkvosperde ridderlike ruiters nie.<\/p>\n
Wat my verstand te bowe gaan, is hoe s\u00f3 \u2019n mens dink. Want, \u2019n deur wat teen \u2019n ander deur kap, kry mos ook \u2019n merk? Gee so \u2019n parkeerbuffel bloot net s\u00f3 min om vir sy eiendom as vir myne?<\/p>\n
Daar verskyn deesdae gereeld foto\u2019s op my sosiale mediavoer van motors wat wydsbeen in parkeerareas staan. Die fotonemers raas en blaas, want veral met maandeinde is dit mos onbeskof om twee plekke vol te staan as daar reeds so min parkeerplek is?<\/p>\n
Tog begin ek al meer verstaan dat iemand eerder aspris twee plekke opeis, as om elke keer inkopiesak in die hand eers die nuwe duike en skrape te tel. Dit is nie asof mens die duike en skrape met spoeg en naellak kan wegtoor nie.<\/p>\n
\u2019n Vriendin vertel dat sy \u2019n spesiale skeloranje, ekstra-olierige lipstif in haar handsak hou vir sulke geleenthede. As iemand dan so goedsmoeds \u2019n deur teen haar motor oopslaan voor die persoon die winkel in verdwyn, klim sy eenvoudig uit en skryf in mooi duidelike letters op die bestuurderruit: \u201cMAAK VERSIGTIG OOP \u2013 KRY SEER AS JY MY STAMP xx JOU DEUR\u201d.<\/p>\n
\u2019n Koerantvriend van \u2019n ander buurdorp maak dit weer sy missie om die voertuie en registrasienommers van \u201clopende wonderwerke\u201d af te neem en op sosiale media te versprei.<\/p>\n
Dit blyk dat die parkeerarea van \u2019n groot supermarkgroep op daardie dorp bomenslike geneeskrag het, want elke keer as \u2019n parapleeg op een van die aangewese plekke reg voor die winkeldeur parkeer, gebeur \u2019n wonderwerk en so \u2019n persoon draf ligvoets die winkel in.<\/p>\n
Ek staan ewe verstom oor hoe gereeld mense ons dorp se rolstoelvriendelike parkeerplekke misbruik. En, hoe kwaad hulle dan is as hulle uitkom en \u2019n wakker sekuriteitswag het hulle motorwiel laat vasklamp. Allerhande belaglike verskonings en dreigemente word rondgeslinger, maar skaamkwaad het nie brieke nie.<\/p>\n
Sou dit nie minder moeite wees om die eerbare ding te doen en rolstoelparkering oop te laat vir diegene vir wie dit bedoel is nie?<\/p>\n
Soos hulle s\u00ea: \u201cOnnoselgeit is ni\u00e9 \u2019n gestremdheid nie\u201d \u2013 gaan parkeer elders, man, sies.<\/p>\n
* * *<\/p>\n