Elke joernalis het \u2019n lysie van gunsteling-glanspersoonlikhede. Onderhoude met hulle is nooit moeilik nie, want jy kan hul warmte en opregtheid aanvoel. Hulle is nie arrogant nie, is hartlik, baie tegemoetkomend met hul tyd, reageer altyd op jou boodskappe of e-posse en doen moeite om dinge vlot te laat verloop.<\/p>\n
Lindie Strydom is so \u2019n mens. Die bonus is dat \u2019n mens weet lesers is ook mal oor haar. Wie kan dan nou vir Karin van Egoli vergeet? Karin was gaaf, warm, vrolik en geanker al was die spul Edwardse besig met watse gekonkel ook al. Net so is Lindie. Wat verklaar hoekom kykNET-kykers so bly was om haar weer op die kassie te sien as aanbieder van DKNT Gospel, en nou ook van Geloof, Hoop en Liefde.<\/p>\n
Ons almal se gunsteling-girl next door<\/em> was terug in die kollig! Met ons fotosessie vergaap ons span ons aan haar natuurlikheid voor die kamera. Ook aan haar rustigheid en onopgesmuktheid \u2013 \u2019n skaars eienskap in \u2019n bedryf waar die ego\u2019s soms taamlik groot kan raak.<\/p>\n <\/p>\n PASSIE<\/strong>, kom jy gou agter. Vir God, vir haar gesin, vir haar werk en vir die lewe. Dit, vertel sy oor middagete, is die dinge wat haar geanker hou. Al haar verskillende rolle op haar lewensverhoog is vir haar belangrik. Of dit nou is om vrou te wees vir Sakkie of ma vir haar kinders, en of dit hom afspeel voor die TV-kameras of aan die toebroodjies smeer by \u2019n sopkombuis, sy glo dit is die dinge wat God vir haar op aarde leen. Sy moet teruggee deur dit alles so goed moontlik te doen.<\/p>\n <\/p>\n <\/p>\n GELOOF<\/strong> Haar geloof, vertel sy, is waar alles in haar lewe begin. Sy was in haar Egoli-loopbaan ook baie openlik daaroor. \u201cVir my man, Sakkie, en die kinders is dit belangriker dat ek moet lief wees vir die Here as wat dit is dat ek vir hulle moet lief wees, want hulle weet dis waar ek my rustigheid, vervulling en geluk kry.<\/p>\n \u201c\u2019n Mens is soveel minder afhanklik van jou gesin vir jou geluk as jy dit by die Here kry, en jy kan hulle soveel meer bied.\u201d<\/p>\n Oor Sakkie, met wie sy nou nege jaar getroud is, kan sy nie uitgepraat raak nie.\u00a0\u201cAi, hy is vir my s\u00f3 goed! Maar ja, ek dink dis veilig om te s\u00ea ek kan hom meer bied as wat ek van hom verwag omdat ek Glo. Aanvanklik het ek gedink hy is die antwoord op my selfbeeld-probleme. Natuurlik het dit gehelp dat hy onvoorwaardelik lief is vir my, maar ek moes leer dat my geluk in \u2019n konstante gesprek en reis met die Here l\u00ea.”<\/p>\n HAAR MAN SAKKIE<\/strong> Terwyl ons deur Melville ry op soek na \u2019n eetplek om die onderhoud te voer, vertel sy dat sy in hierdie buurt gewoon het toe sy en Sakkie die eerste keer uitgegaan het.\u00a0\u201cOns eerste afspraak was by Questionmark. En die tweede een by Full Stop.\u201d<\/p>\n En, skater sy, toe w\u00e9\u00e9t sy: hierdie is bedoel om te wees. Sy het Sakkie by die kerk ontmoet. \u201cEk onthou toe ek hom die eerste keer gesien het. Hy het met sy rug na my toe gestaan, en ek het vir my vriendinne ges\u00ea \u2018daar is my trouman. Ek kan al klaar ons mooi krulkop-kindertjies sien\u2019. En ek het nie geweet hy het krulhare nie, want sy hare was in daardie stadium afgeskeer.\u201d<\/p>\n By hom het sy al so baie geleer, vertel sy. \u201cHy is \u2019n ongelooflike eerlike man, ook oor sy eie foute, en hy het \u2019n wonderlike manier om \u2019n situasie te ontlont.\u201d<\/p>\n \u2019n Huwelik is vir haar \u2019n vennootskap, en sy erken dat sy die laaste jaar of twee ook aan haarself moes werk. \u201cEk het die Here gevra om my ambisie \u2019n bietjie te tem. Om heeltyd die w\u00eareld te probeer verander kan \u2019n mens nogal insluk. Dis die verskil tussen aktrise wees en wat ek nou by Helpende Hand doen. By Egoli het ons elke dag \u2019n episode klaargemaak, en die volgende dag weer iets nuuts begin en klaargemaak. \u2019n Mens voel so half jy het vandag iets bereik.\u201d<\/p>\n By die vakbond Solidariteit se Helpende Hand-afdeling, waar sy die afgelope twee jaar skakelbeampte is, is die werk nooit klaar nie omdat die menslike nood daagliks vererger, en die krisis bly nie noodwendig op jou lessenaar agter as jy huis toe gaan nie.<\/p>\n \u201cDit kan \u2019n mens nogal depressief maak. Maar ek moes besef dat my gesin nie daaronder mag ly nie. Dit gaan die heel slegste getuienis wees as ek my werk goed doen, maar my gesin afskeep.\u201d<\/p>\n Hoe het sy balans gekry?<\/p>\n <\/p>\n <\/p>\n Sy moes ook \u2019n ander belangrike ding leer: om \u201cnee\u201d te s\u00ea. \u201cGelukkig werk ek saam met mense wat soms sommer namens my s\u00ea \u2018laat ons net \u2019n bietjie dink daaroor voor ons na jou toe terugkom\u2019, want anders sal ek steeds te veel dinge aanpak.\u201d<\/p>\n Sy en Sakkie het in die afgelope jaar besluit om ter wille van hul gesinslewe af te skaal. \u201cHy het van werk verander om \u2019n bietjie uit die korporatiewe boot te klim. Dit was \u2019n groot stap, maar het fantasties uitgewerk. Ons kinders blom. Ons gesin is regtig op \u2019n wonderlike plek.”<\/p>\n MA-WEES<\/strong> \u201c\u2019n Ma bepaal die atmosfeer in \u2019n gesin en \u2019n pappa gee rigting. Saam moet hulle \u2019n toekomsvisie h\u00ea en die waagmoed om te s\u00ea \u2018kom ons probeer dit\u2019. Ek glo dis goed as \u2019n mens jou \u2019n bietjie stretch, en jy moet dit vir jou kinders ook leer. Solank hulle weet dat hul ouers steeds vir hulle lief sal wees al misluk hulle.\u201d<\/p>\n En ja, soos sy lank gelede vir haar vriendinne voorspel het, hulle h\u00e9t toe pragtige krulkoppe, en Lindie geniet die drie pragtige kleuters se uiteenlopende persoonlikhede.<\/p>\n \u201cPaul is vyf, \u2019n perfeksionis en baie gesteld op regverdigheid. Die tweeling Nina en Hugo verskil hemelsbreed. Hugo is onafhanklik, baie rustig en sien op na sy ouboet. Nina weer dink sy is net so oud en net so groot soos Paul, en staan nie \u2019n tree vir hom terug nie. Sy het \u2019n sterk mening wat sy gr\u00e1\u00e1g lug en is baie expressive as dit kom wat sy voel.\u201d<\/p>\n Sy hou van die voortdurende uitdagings van ma-wees. \u201cDit beweeg mos in seisoene, en elkeen het sy eie, unieke uitdagings. Elke kind moet byvoorbeeld anders gedissiplineer word. Gelukkig het ek vir Sakkie. Hy is baie hands on, en \u2019n goeie klankbord vir my belewing en hantering van ouerskap. Ons is nogal gesteld daarop om voor die kinders as \u2019n eenheid op te tree. As ons dalk oor ons benadering verskil, praat ons dit eenkant uit, maar voor hulle is ons \u2019n verenigde front. Ek dink dis baie belangrik.\u201d<\/p>\n Ouerskap, dink sy, leer \u2019n mens algehele onselfsugtigheid. \u201cAs jy trou, betree jy bloot die eerste vlak van onselfsugtigheid. Jy moet leer om \u2019n begroting te deel, \u2019n huis te deel. Maar ouerskap! \u2019n Mens gee so lank sonder enige beloning. Van jouself, jou tyd, jou hart. Maar as die belonings eers begin kom … \u201d<\/p>\n VRIENDINNE<\/strong> Die geloofspad en lewenspad, vertel sy, stap jy soveel makliker as jy geestelike mentors het. En di\u00e9 het sy gekry in haar twee beste vriendinne. Aktrise Adriana Faling het vir \u2019n rukkie saam met haar in Egoli gespeel, en Faith Durie werk saam met haar by Helpende Hand.<\/p>\n \u201cHulle is albei \u2019n bietjie ouer as ek, en ook \u2019n bietjie langer getroud. So, hulle is my mentors en my accountability-vriendinne wat sorg dat ek deurvoer wat ek moet in my lewe. \u2019n Mens het goeie vriendinne nodig.\u201d<\/p>\n Hulle inspireer haar op verskillende maniere. \u201cAlbei het mooi huwelike en pragtige kinders. By Faith leer ek oor balans. Sy kry die balans tussen gesin en werk so mooi reg. Werk bly op kantoor. Ek is geneig om die dinge van my werk saam te sleep huis toe, al is dit net in my kop. By Adriana leer ek weer hoe \u2019n ongelooflike rol \u2019n ma in haar kinders se lewe speel. Sy is voltyds ma, en dit inspireer my weer op \u2019n gans ander manier. Ek verstom my aan haar geduld en sagtheid met haar kinders!\u201d<\/p>\n GESONDHEID<\/strong> Dis vir Lindie \u2019n Godgegewe geskenk.<\/p>\n \u201cAs jy gesond is, kan jy soveel meer vir die w\u00eareld bied. Ek en my gesin is in daardie opsig baie gese\u00ebnd. Ek kan nie eens onthou dat een van my kinders vanjaar al antibiotika nodig gehad het nie. En dis nie asof ek hulle hande vol vitamiene voer nie.\u201d<\/p>\n Sy glo \u2019n mens m\u00f3\u00e9t jou gesondheid koester. \u201cHoe anders kan jy doen wat jy gestuur is om te doen? Hoe anders gaan jy van jouself kan gee as dit nodig is, of doen wat gedoen moet word om sy Koninkryk op aarde uit te bou?\u201d<\/p>\n Lindie en Sakkie deel \u2019n liefde vir oefen. \u201cOns wil volgende jaar by die Irene-hardloopklub aansluit. Hulle oefen op die Irene-melkplaas, so \u2019n mens is nog na aan die natuur ook terwyl jy fiks word.\u201d<\/p>\n Naweke gaan die Strydom-gesin graag saam gim toe. \u201cMy kinders is mal daaroor en verbeel hulle hulle oefen ook regtig.”<\/p>\n HAAR BEDIENING<\/strong> Sy sien haar motiveringspraatjies as haar persoonlike bediening en \u2019n manier om sy Liefde te verkondig.<\/p>\n \u201cDis my filosofie dat jy voluit moet gaan met dit wat God vir jou gee. Hy het my deur Egoli \u2019n platform gegee waarop ek met vroue kon praat by geleenthede soos vroue-oggende. Toe ek weg is by Egoli, was ek nogal nuuskierig om te sien of my platform ook gaan verdwyn as ek nie meer Karin is nie.\u201d<\/p>\n Sy het die glans en lewe in die kollig van Egoli feitlik onmiddellik verruil vir haar rol as skakelbeampte by Helpende Hand, die maatskaplike arm van Solidariteit. En as jy haar al in aksie gesien het, sal jy weet dat sy nie bang is om haar hande vuil te maak om die werk gedoen te kry nie. Deur Helpende Hand het haar lewe \u2019n nuwe fokus gekry, en haar platform is groter gemaak.<\/p>\n \u201cEk voel ek kan waarde toevoeg deur dit wat ons probeer om vir mense te doen. Om vir hulle te leer. Dit het my so ge\u00efnspireer dat ek selfs volgende jaar begin met \u2019n reeks werkswinkels oor sosiale betrokkenheid, juis om mense te help met die \u2018hoe\u2019 daarvan. Ek glo baie mense wil \u2019n verskil maak, maar weet nie waar om te begin nie.\u201d<\/p>\n <\/p>\n HELPENDE HAND<\/strong> By hulle het sy al so baie geleer, vertel sy met blink o\u00eb. Soos om met liefde te gee, iets wat nie altyd ewe maklik is nie.<\/p>\n \u201cLiefde is soms nogal tough om te gee, maar ander kere kan jy jou in die mens wat voor jou staan se skoene indink. Soms is die liefde wat \u2019n mens moet gee opofferend, want dis al hoe mense die Bron van jou krag kan sien.<\/p>\n <\/p>\n <\/p>\n Al is haar ampstitel di\u00e9 van skakelbeampte, sien sy haar rol eintlik as di\u00e9 van \u2019n bemoediger. \u201cElkeen van ons het \u2019n ander gawe. Party is doeners, ander cheerleaders, ander wys die pad aan en los die bakens. Ek sien myself as \u2019n doener, maar ook as \u2019n bemoediger. Danksy my wegkomkans een maal per week om DKNT Gospel te gaan opneem, kan ek \u2019n bietjie wegkom van die hartseer en armoede, en kan ek met nuwe entoesiasme teruggaan om my kollegas te ondersteun.\u201d<\/p>\n Die projekte onder die armes op grondvlak is die naaste aan haar hart, maar die afgelope twee jaar het sy besef sy is gelukkig nogal aanpasbaar. \u201cEk kan die skakelwerk doen en na \u2019n donateur gaan om \u2019n voorlegging te doen vir \u2019n skenking. Maar ek kan ook veel meer as dit doen danksy \u2019n wonderlike span mense wat my ondersteun en by wie ek voortdurend leer.\u201d<\/p>\n By dr. Danie Langner, hoof van Helpende Hand, leer sy heeltyd. \u201cHy gooi my konstant by die spreekwoordelike diep kant in. Gelukkig weet ek dat jy gereeld iets moet doen wat jou eintlik half bang maak omdat jy nie weet of jy dit kan doen nie, want anders is ons geneig om in die rustigheid van ons eie klein boksie vas te val. Danie het my geleer om my grense \u2019n bietjie te verskuif, en hoe meer ek dit doen, hoe meer kom ek agter, k\u00e1n ek doen.<\/p>\n \u201cSo het hy my vroe\u00ebr vanjaar vriendelik verplig om \u2019n groot kongres oor sosiale entrepreneurskap toe te spreek. Eers toe ek begin voorberei, besef ek dat ek eintlik twaalf jaar lank baie kreatief oor my toekoms moes dink. By \u2019n sepie is dinge nie noodwendig konstant nie \u2013 jou rol kan enige dag uitgeskryf word.<\/p>\n \u201cDaarom het ek allerhande klein projekte aangepak vir \u2019n ekstra geldjie \u00e9n om op terug te val as dit nodig sou word. Dit het my laat besef elke mens het meer as een dimensie, en baie meer as een talent.\u201d<\/p>\n Sy het geleer dat sy in wese \u2019n doener is.<\/p>\n <\/p>\n <\/p>\n Daarmee saam het sy \u2019n wonderlike ontdekking oor haarself gemaak. \u201cEk word, deur die genade, nie lamgel\u00ea deur die probleme en slegte situasies wat ons daagliks moet uitpluis nie. Ja, ek sien die swaarkry, die honger, en ja, ek huil soms. Maar gelukkig kan ek my trane afvee en dan iets daaraan probeer doen.\u201d<\/p>\n Sy glo jy moet jou talente gedurig slyp. \u201cJou lewe bestaan uit verskillende seisoene \u2013 jy gaan iets dalk nie in hierdie stadium van jou lewe gebruik nie, maar hou dit lewendig vir wanneer \u2019n ander seisoen aanbreek en jy dit dalk weer nodig kry. \u2019n Mens weet nooit wanneer kom jou dag nie. Ek is meer vervuld vandat ek dit besef het en doen. Onthou, as iets in jou bloed is, moet jy dit leef en doen.\u201d<\/p>\n Haar lewensmotto kom uit Prediker. \u201cDaar iewers skryf Salomo: \u2018Dien God, doen wat gedoen moet word en geniet die lewe. Dit sal jou vir die res van jou lewe besig hou.'”<\/p>\n","protected":false},"excerpt":{"rendered":" Karin van \u2018Egoli\u2019 was twaalf jaar lank een van Suid-Afrika se gunsteling-sepiekarakters. Deesdae is die aktrise Lindie Strydom terug op die kassie as aanbieder van Geloof, Hoop en Liefde op kykNET, maar sy het ontdek sy is veel meer as net \u2019n TV-ster. Deur Ilse Salzwedel. Foto\u2019s deur Leana Clunies-Ross.<\/p>\n","protected":false},"author":11,"featured_media":48363,"comment_status":"open","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[661,675],"tags":[147,166,1387,3434,3899,23450,24339],"class_list":["post-48361","post","type-post","status-publish","format-standard","has-post-thumbnail","hentry","category-ons-mense","category-bekendes","tag-bekendes","tag-kyknet","tag-celebs","tag-ons-mense","tag-lindie-strydom","tag-entertainment","tag-local-celebs"],"acf":[],"yoast_head":"\nWat is haar geheim?<\/h4>\n
\u201cDis deel van my dissipelskap \u2013 my manier om sy Koninkryk uit te bou.\u201d<\/em><\/span><\/h4>\n
\u201cEk moes leer prioritiseer. Ek moet myself gedurig afvra wat is belangrik, wat is dringend, en wat is belangrik \u00e9n dringend. Nou voel dit vir my ek werk vinniger, meer gefokus.\u201d<\/em><\/span><\/h4>\n
\u201cIn 1 Kor. 13 lees ons van geloof, hoop en liefde. Vir my is dit eenvoudig. Jy kies geloof, en kry hoop as geskenk. Deur liefde kan jy iemand aanmoedig om geloof te kry \u2013 en daarmee saam hoop.\u201d<\/em><\/span><\/h4>\n
\u201cEk kyk na die probleem en begin dadelik wonder hoe ons dit kan oplos.\u201d<\/em><\/span><\/h4>\n