Naam:
\nPetro Kotz\u00e9, joernalis<\/p>\n
Waar ek was:
\nMokala Nasionale Park naby Kimberley in die Noordkaap<\/p>\n
Beskrywing in een sin:
\nEk het die park besoek vir \u2018n funksie, en het die geleentheid gebruik om dit van nader te verken<\/p>\n
Wie almal daar was:
\nDi\u00e9 keer was ek op my eie daar<\/p>\n
Wanneer:
\nSeptember 2012<\/p>\n
Waar ek oorgeslaap het:
\nIn die park se hoofkamp, Mosu<\/p>\n
Wat het dit onvergeetlik gemaak:
\nDie natuurskoon is nou maar net mooi. Sonsondergang in die Noord-Kaap is altyd iets om na uit te sien<\/p>\n
Wat het jy van die plek of die mense te wete gekom wat jou steeds fassineer:
\nDie naweek wat ek daar was het die park vir die eerste keer in omtrent 60 jaar renostervo\u00ebls gekry om weer in die omgewing los te laat. Die vo\u00ebltjies het oorspronklik in die area voorgekom, maar is uitgeroei deur gifstowwe wat gebruik is om peste op vee uit te roei. Nou werk die parkbestuur en omliggende boere saam om die vo\u00ebls weer hier te vestig<\/p>\n
Waarheen sou jy wou teruggaan:
\nVir nog \u2018n nagrit om te sien hoe die son agter die kameeldoringbome sak<\/p>\n
Waar bedreigde spesies wandel<\/p>\n
Die Mokala Nasionale Park is die jongste van al ons nasionale parke, maar dit mik groot as dit by sake van bewaring kom. Die park word spesifiek ingespan om spesies van \u2018n ho\u00eb waarde te bewaar, wat dan gebruik word om populasies in ander streke aan te sterk.<\/p>\n
Gedurende \u2018n rit kan jy enige van die talle skaars spesies in die park, soos die basterhartbees, die skaars bastergemsbok, die swart wildebees of die rare swartwitpens raaksien.<\/p>\n
\u2018n Hele klomp skaars plantsoorte skiet ook hier wortel, soos die Duiwelsklou en hoodia (ook bekend as ghaap). Die park self is na die kameeldoring vernoem, nog \u2018n beskermde spesie wat verlore kan raak. As jy weet waarvoor om te kyk, sal jy ook maklik die beskermde Witgat hier sien. En verder het Mokala ook een van die min Witrugaasvo\u00ebl-broeikolonies in die Noord-Kaap.<\/p>\n
Gedurende my besoek het ek net so lekker na van die diere gekyk vanaf die stoep van die park se restaurant – veral met \u2018n glasie rooiwyn en \u2018n tuisgemaakte wildspastei. Dis nou regte Noord-Kaapse gasvryheid op \u2018n bord. Bedien met sagte pampoenpoffertjies in \u2018n karamelsous, gekookte spinasie en tuisgemaakte aartappelwiggies is dit \u2018n bord kos wat my sommer na die spreekwoordelike plaas laat verlang (al het ek nog nooit op een gebly nie).<\/p>\n
Die restaurant kyk uit op \u2018n dammetjiie waar van die permanente inwoners van die park gereeld \u2018n sopie water kom drink. Ek het my ontbyt saam met \u2018n trop buffels geniet, en later die middag drie massiewe skilpaaie op die grasperk gesien.<\/p>\n
As jy sou verkies om jou eie ontbyt aanmekaar te slaan het die huisies ook hulle eie, privaat stoepies waar jy in die oggend jou koffie kan geniet. Later die dag, as die son jou rug begin steek, kan jy ook na die swembad toe verskuif om af te koel. Dis reg langs die restaurant – jy kan sommer jou koeldrankie daar l\u00ea en drink ook.<\/p>\n
Ek het een laatmiddag sommer met my eie kar \u2018n sirkelroete deur die park aangepak \u2013 en dit was heerlik. Ons is darem maar gelukkig om in ons land met \u2018n sedan \u2018n pad te kan pak en dan tussen blouwildebeeste, kameelperde en sebras te kan ry.<\/p>\n
Die nagritte wat deur die park aangebied word, is egter \u2018n belewenis. Mokala se gidse is vol kennis van die omliggende omgewing, plus – hulle vat jou op die paadjies waar jou sedan nooit kan droom om heen te gaan nie, en skink dan boonop vir jou \u2018n sjerrie terwyl die son sak.<\/p>\n
Kampfasiliteite by die park het so twee jaar gelede oopgemaak, sou jy liewers \u2018n tent wou pak. Daar is verskeie ander verblyfopsies beskikbaar.<\/p>\n
Vir meer inligting, besoek http:\/\/www.sanparks.org\/parks\/mokala\/<\/a> ,bel 053 204 0158 of e-pos tess.white@sanparks.org<\/a><\/p>\n Foto’s Petro Kotz\u00e9<\/p>\n","protected":false},"excerpt":{"rendered":" Naam: Petro Kotz\u00e9, joernalis Waar ek was: Mokala Nasionale Park naby Kimberley in die Noordkaap Beskrywing in een sin: Ek het die park besoek vir \u2018n funksie, en het die geleentheid gebruik om dit van nader te verken Wie almal […]<\/p>\n","protected":false},"author":9,"featured_media":98938,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[2968],"tags":[426,427,428,424,425],"class_list":["post-4661","post","type-post","status-publish","format-standard","has-post-thumbnail","hentry","category-reis","tag-mokala-national-park","tag-mosu-restcamp","tag-petro-kotze","tag-noordkaap","tag-northern-cape"],"acf":[],"yoast_head":"\n