Bill Rogers, marathon-legende met vier oorwinnings in die Boston en New York City marathons in die laat sewentigs, spreek di\u00e9\u00a0 ware woorde: \u201cMore marathons are won or lost in the porta-toilets than at the dinner table.\u201d<\/p>\n
Ure se oefening gaan jou bitter min help as jy op die dag van die wedren van porta-loo na porta-loo steier en hier loop hardlopers \u2019n groter risiko as ander sportsoorte. Praat jy egter met atlete wat aan enige uithourenne in fietsry, hardloop en driekamp soos Ysterman deelneem, kom jy gou agter dat die meeste die een of ander tyd probleme ondervind. Lang uithourenne soos die Epic-bergfietsmarathon\u00a0eis veral sy tol en vele fietsryers se wedren delf die onderspit weens dehidrasie, maagkrampe en gastritis.<\/p>\n
Sommige studies onder marathonatlete se resultate toon dat dit soveel as 83% van atlete afffekteer, maar oor die algemeen sukkel 20 \u2013 50% van atlete. Die meeste klagtes is diaree, drang om te ontlas, maagpyn, opgeblasenheid, naarheid, vomering, sooibrand, borspyn en selfs gastrointestinale bloeding. Dit wil ook voorkom asof vroue \u2019n groter geneigdheid as mans vir probleme het.<\/p>\n
Hoewel daar verskeie riglyne is, bly dit \u2019n baie individuele saak en moet jy self uitvind wat werk. Die goue re\u00ebl is dat jy NOOIT iets nuut op die dag van die wedren moet probeer nie. Met lang uithourenne wat oor dae strek, soos die Epic-bergfietsmarathon of uiterse omstandighede soos Ysterman en Comrades, is dit moeilik om omstandighede voor die tyd na te boots omdat jy nie gewoonlik daardie afstande nadoen as jy oefen nie.<\/p>\n
Voor \u2019n wedren<\/strong><\/p>\n \u2022 Ete die aand voor die tyd: Laevet, gematig in proteien en koolhidrate, lae vesel en genoeg vloeistof. Eet kos waaraan jy gewoond is, hou porsies matig. Groente en vrugte is hoog in vesel, so systap hierdie een. Hou dit 2 tot 3 ure voor slapenstyd sodat jou maag tyd het om dit te verteer.<\/p>\n \u2022 Oggend: Drink ongeveer 500 ml vloeistof twee ure voor oefening en eet so gou as moontlik om te verseker dat jy twee ure voor die wedren iets eet. Hawermout met rosyne of roosterbrood met grondboonbotter en \u2019n piesang is \u2019n goeie opsie. Ek drink graag \u2019n ontbytdrankie\u00a0want ek sukkel om so vroeg in die oggend te eet.<\/p>\n Oefening: As jy nie meer as \u2019n uur oefen nie, is water voldoende as hidrasie.\u00a0As jy langer as dit oefen, kies \u2019n goeie sportdrankie met elektroliete, koolhidrate en proteiene.<\/p>\n Prote\u00efene help jou liggaam met herstel en die verhouding koolhidraat tot prote\u00efen behoort\u00a0 tussen 3 en 4 koolhidrate vir elke 1 eenheid prote\u00efen te wees. Laevet sjokolademelk is \u2019n perfekte pasmaat en is boonop goedkoop en maklik verkrygbaar. Boonop is \u2019n produk soos Steri Stumpi\u00a0 gemaak van langlewe melk en hoef jy dit nie koud te hou nie.<\/p>\n Jels en ho\u00eb energiestafies is goed vir atlete wat lang ure oefen, maar bly weg as jy nie langer as \u2019n uur oefen nie. Drink altyd water saam met \u2019n jel.<\/p>\n \u2022 Maak seker dat daar geen verbode bestanddele in is nie deur dit van \u2019n voorsiener te kry wat die gehalte van hul produkte waarborg en bestanddele toets.<\/p>\n \u2022 As dit nie lekker smaak nie gaan jy dit nie drink nie.<\/p>\n \u2022 Toets dit voor die tyd tydens oefening.<\/p>\nRaad van Andrew McLean van Cycle Lab<\/h4>\n