![\"\"](\"https:\/\/novanews.co.za\/rooirose\/wp-content\/uploads\/2025\/04\/annie-spratt-UyEmagArOLY-unsplash-1-500x333.jpg\")
<\/p>\nAs tuissjef weet jy hoe goed \u2019n bietjie sout die geure in geregte en selfs in vars groente en sjokolade na vore bring.\u00a0Maar jy is ook die kweker van jou gesin se gesondheidsgewoontes. As jy oor die langtermyn baie sout gebruik, kan jy of jou\u00a0gesin\u00a0oor 10\/20\u00a0jaar met\u00a0permanente ho\u00eb bloeddruk sit, wat\u00a0\u2019n groot kans op beroerte veroorsaak.<\/p>\n
Die risiko is verbasend hoog in ons land: ongeveer\u00a0een uit elke drie Suid-Afrikaners ontwikkel mettertyd ho\u00eb bloeddruk. Daarby is die voorkoms van beroerte (wat baie dikwels deur ho\u00eb bloeddruk veroorsaak word), selfs ho\u00ebr as hartaanvalle.<\/p>\n
<\/p>\n
<\/p>\n
<\/p>\n
Hoe balanseer jy dus geurige kos met gesondheid?\u00a0Kyk na die wenke onder. Selfs al kies jy net drie\u00a0sal jy jou mense al klaar \u2019n halwe\u00a0teelepel tot een teelepel sout per dag spaar.<\/p>\n
<\/p>\n
Die liefde vir sout\u00a0is \u2019n aangeleerde smaak wat jy met gemak kan afleer, sonder om ingedoen te voel.\u00a0IFIC, (International Food Information Council) wat op voedselwetenskappe fokus, s\u00ea mense kom nie eens agter as daar 25-40% minder sout in hul kos is nie.\u00a0Die kuns is om geleidelik af te skaal.\u00a0As jy gewoonlik \u2019n opgehoopte teelepel sout gebruik, gebruik eerder\u00a0\u2019n plat teelepel. Sny dit na \u2019n week of drie nog \u2019n aks, tot jy na \u2019n maand of drie op \u2019n halfteelepel staan.<\/p>\n
<\/p>\n
As jy sout op die tafel sit, leer jy jou kinders om sout oor al hul kos te gooi. Mense raak so gevestig in hierdie gewoonte dat hulle sout gebruik\u00a0sonder om eers die kos te proe. So leer hulle \u2019n voorliefde vir souter kos aan.\u00a0Dieselfde geld vir tamatiesous, blatjang, mosterd, mayonnaise en so meer\u00a0\u2013 alles\u00a0produkte propvol sout.\u00a0Sit liewer vars gekapte of dro\u00eb kruie op die tafel.<\/p>\n
<\/p>\n
Net soos sout bevat olie die vermo\u00eb om geure uit te bring. Ons het in elk geval gesonde olies nodig, vir die omega 3-vetsure daarin.\u00a0Gebruik dus \u2019n skeut olyf-, avokado- of canola-olie oor slaaie en groente in plaas van sout.<\/p>\n
<\/p>\n
Kruie soos pietersielie, basielie, tiemie en roosmaryn gee \u2019n heerlik souterige smaak aan vleis, groente en soutgeregte. Dit\u00a0is boonop ryk aan anti-oksidante en gee jou daarom\u00a0twee voordele.<\/p>\n
<\/p>\n
Pakkies sky\ufb01es, kitskos soos hoenderstukkies en veral die pakkies sous wat\u00a0daarmee kom, bevat geweldig baie sout.\u00a0Die beste soutvrye happies vir jou gesin is vrugte; kyk veral na Clicks en Vital se reekse laesouthappies vir skool en werk.<\/p>\n
<\/p>\n
Al meer produkte word deesdae met minder of geen sout vervaardig. As jy tussen twee produkte moet kies, kies die een wat minder of geen sout bevat nie.\u00a0Of kyk op die voedseletikette – die een met die minste natrium, oftewel \u2018sodium\u2019, is die beste.<\/p>\n
<\/p>\n
As jy vir jou gesin \u2019n hamburger of pizza voorsit, dink slim.<\/p>\n
\u2022 Oondgebakte tjips bevat minder sout as slaptjips of skyfies.
\n\u2022 Oorskietvleis is \u2019n beter opsie op pizza as polonie, ham of spek.
\n\u2022 Geur \u2019n pizza of pasta met skerp kruie soos basielie, tiemie en rooipeper sodat jy minder souterige kaas kan gebruik.
\n\u2022 Gebruik mossarellakaas omdat dit minder sout bevat as feta en gouda.<\/p>\n
<\/p>\n
Is jy gewoond aan \u2019n stewige lepel smeerkaas of groentesmeer? Verminder dit geleidelik \u2013 en verlei jou smaaksintuie deur vars basilie of roket by te sit, sodat die fokus op die vars, krakerigheid val eerder as op die sout.<\/p>\n
<\/p>\n
Het jy geweet olywe en kaas is propvol sout?\u00a0Jy hoef\u00a0dit egter\u00a0nie uit te sny nie. Twee tot drie olywe en \u2019n porsie kaas ekwivalent aan een lepel is binne die soutperke.<\/p>\n
<\/p>\n
Die meeste groente is so geurig dat dit\u00a0eintlik nie sout benodig nie. Maar as jy dit in water kook, gaan die geure verlore, waarvoor ons gewoonlik met \u2019n stewige skeut sout vergoed.\u00a0Bak jou groente en kyk hoeveel beter bly die natuurlike geure behoue, sonder dat jy sout hoef te gebruik.<\/p>\n
<\/p>\n
Dieselfde gebeur as jy groente mikrogolf.\u00a0Onthou om dit\u00a0te prik of in die helfte deur te sny, sodat dit\u00a0nie weens uiteensetting ontplof nie. Nog \u2019n wenk: plaas jou groente in \u2019n glasbak met \u2019n deksel en een lepel water. Dit keer dat dit\u00a0uitdroog. Jy sal verbaas wees oor hoe sag en sappig selfs aartappels, patats, skorsies en murgpampoentjies is as jy so maak.<\/p>\n
<\/p>\n
Nog \u2019n doeltreffende manier om smake te behou en minder sout hoef te gebruik.<\/p>\n
<\/p>\n
Gekoopte pap is \u2019n groot bron van sout. As jy egter self hawermout, mieliepap of muesli maak, kan jy die sout daarin beheer.\u00a0Tuisgebakte brood, skons, muffins, beskuit en so meer\u00a0bevat ook minder sout as gekoopte gebak.<\/p>\n
<\/p>\n
Wanneer laas het jy \u2019n gekookte eier happie vir happie geniet? Die eerste wat jou opval is hoe sout \u2019n eier werklik is. Sout verdoesel eintlik sy lekker smake.<\/p>\n
<\/p>\n