Deur die eeue het boelies menige kind se lewe versuur. Hulle was die gemene belhamels wat kinders se lewe loutere hel gemaak het met fisieke afknouery. Toe was dit veral seuns se streke. (Meisies het geskinder.) Maar met die ontploffing van selfone en rekenaars, het die boelie se gedaante heeltemal verander. Nou is dit veral meisies wat die boeliewerk doen, en alles geskied op \u2019n baie openbare, sosiale podium met facebook as die wapen van hul keuse. Tog hou baie kinders dit geheim en is dit vir ouers en leerkragte baie moeilik om te weet wanneer kinders gekuberboelie word.<\/p>\n
<\/p>\n
\u201cKuberboelie is baie erger as gewone boelie of skinder, want almal kan die kommentaar sien, en selfs mense wat jou nie ken nie en aan die ander kant van die w\u00eareld woon, kan daarby betrek word,\u201d s\u00ea Alison Bradfield (16) van Fourways Gardens in Johannesburg. \u201cWaar dit voorheen net gewone skinder sou wees, word dit nou \u2019n openbare debat waarby almal betrek word en waarop hulle ook kommentaar kan lewer. Boonop kring dit wyer uit en word dit die volgende dag in detail by die skool bespreek. Baie meisies sal \u2019n status op facebook pos waarin iemand beledig word. Soms word name weggelaat, maar daar is genoeg inligting vir almal om te weet na wie verwys word. Soms word mense sommer op die naam genoem.\u201d<\/p>\n
Een van haar vriendinne het die onsmaaklike ervaring gehad dat iemand \u2019n twitter-profiel in haar naam oopgemaak het en foto\u2019s van haar facebook-profiel afgelaai het. Daar is toe afskuwelike rassistiese en nare aanmerkings gemaak asof dit van haar kom. Sy moes eers \u2019n petisie met klomp name inkry en dit na twitter stuur voor sy die rekening kon toemaak. Die hele petalje het ses maande geduur. Vra jy rond, het heelparty kinders al van skool verander weens kuberboelie. Gita Denner van Childline vertel dat kinders al gemoor en selfmoord gepleeg het oor kuberboelie.<\/p>\n
<\/p>\n
Vroe\u00ebr is agteraf geskinder, maar sosiale boelie is daarop gemik om die slagoffers te laat weet wat ges\u00ea word.\u00a0 Linda* (18) van Durbanville vertel dat iemand in hul skool \u2019n paar jaar gelede \u2019n profiel as \u201cbabbelbekkie\u201d op facebook geregistreer het en gemene goed oor ander meisies daarop gepos het. Die mense ter sprake is dan as \u201cvriende\u201d genooi sodat hulle die gemene goed kon sien.<\/p>\n
Dis ook nie net ho\u00ebrskoolkinders wat deurloop nie. \u2019n Laerskoolleerder vertel hoe \u2019n graadseweseun \u2019n webwerf begin het met \u201cwie haat juf. Visser?\u201d Kinders het dan hul name ter ondersteuning geteken. In Januarie het \u2019n boelie in \u2019n Wes-Randse ho\u00ebrskool \u2019n vriendin gevra om \u2019n video te neem van hoe sy \u2019n medeskolier met \u2019n koeldrankbottel oor die kop slaan dat die bloed spat. Dieselfde boelie het die slagoffer reeds op facebook en Blackberry se BBM geboelie.<\/p>\n
Joanne Venter vertel dat een van haar ho\u00ebrskooldogter se vriendinne se ma haar ontsteld gebel het om te \u201csimpatiseer\u201d met haar dogter se swangerskap. Dit was pure nonsens, maar iemand het op haar dogter se facebook-profiel ingegaan en \u2019n status ge- e-pos asof hulle sy was.<\/p>\n
<\/p>\n
Dis wanneer \u2019n kind, vroe\u00eb tiener of tiener \u2019n ander kind\/tiener sielkundig martel, dreig, teister, verneder en in die verleentheid bring.<\/p>\n
Die Sentrum vir Geregtigheid en Misdaadvoorkoming het in 2009 \u2019n meningspeiling onder jong Suid-Afrikaners in vier provinsies gedoen. Dit het getoon dat 24% van die kinders deur interaksie op die selfoon en SMS\u2019e geboelie is.<\/p>\n
<\/p>\n
Moenie kinders toegang tot die internet gee sonder \u2019n duidelike verstandhouding oor waarvoor dit aangewend mag word en waarvoor nie<\/strong>.<\/p>\n <\/p>\n <\/p>\n Baie kinders is huiwerig om hul ouers of leerkragte te vertel, want hulle is bang vir die sosiale stigma, en ook dat hul rekenaarvoorregte ingeperk sal word. Die tekens kan verskil, maar wees bedag op: <\/strong><\/p>\n <\/p>\n Die sosiale media was met die 2012 Olimpiese Spele in Londen sterk in die nuus. So het Tom Daley (18), die beminde Britse platformduiker \u2019n baie beledigende twiet gekry nadat hy en sy duikmaat in die gesinchroniseerde duik uitgeval het. \u201cJy het jou pa in die steek gelaat. Ek hoop jy weet dit.\u201d<\/p>\n Die verwysing was na sy pa wat verlede jaar op veertig aan breinkanker dood is. Tom het hierdie twiet na al sy volgelinge teruggetwiet met die boodskap \u201cN\u00e1 ek alles ingesit het, kry jy idiote wat dit vir my stuur … \u201d<\/p>\n Die polisie het die 17-jarige seun wat die twiet gestuur het by \u2019n gastehuis in Dorset gearresteer. Hy is ingevolge die Kwaadwillige Kommunikasiewet van 1988 aangekla.<\/p>\n Ander twitter-slagoffers Kevin Pietersen, die Suid-Afrikaans gebore krieketspeler wat nou vir Engeland speel, het onlangs probleme gehad met bedrog op twitter toe iemand \u2019n profiel in sy naam geregistreer het en beledigende twiets gestuur het asof hy Kevin is.<\/p>\n","protected":false},"excerpt":{"rendered":" Skoolboelies is so oud soos skole. Maar die koms van selfone en sosiale netwerke soos facebook en twitter het boelies \u2019n nuwe en baie giftige angel gegee. <\/p>\n","protected":false},"author":4,"featured_media":19219,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[679,662],"tags":[134,241,833,834,1165,3196,3197,4053,5406],"class_list":["post-4440","post","type-post","status-publish","format-standard","has-post-thumbnail","hentry","category-ouerskap","category-jou-lewe","tag-ouerskap","tag-depressie","tag-sielkunde","tag-kinders","tag-sosiale-media","tag-boelies","tag-kuberruim","tag-internet","tag-olimpiese-spele"],"acf":[],"yoast_head":"\n\n
Wenke vir kinders<\/h4>\n
\n
Tekens dat \u2019n kind gekuberboelie word<\/h4>\n
\n
\n
Twitter en die Olimpiese Spele<\/h4>\n