Elsje was ses toe sy begin swem het. \u201cEk leef vandag nog vir travel en social. As \u2019n bus ie-wers heen sou ry, het ek begin oefen. Ons was \u2019n gang en het net fun gehad. Ek het partykeer aan die toue getrek om klaar te maak. Rykie sou nooit so iets doen nie!\u201c<\/p>\n
In haar boek skryf Elsje: \u201cAlles is so mooi in die water, soos musiek, soos dans. Hoofpyn en ander pyne los in die water op. Jy duik met \u2019n hoofpyn waarvoor Disprins nie help nie in die water in en jy kom daar uit met niks, clear as crystal. In die water dink ek aan niks anders as water nie. Water is vir altyd.\u201d<\/p>\n
Chiro\u00efed pleksus karsinoom, die skaars vorm van breinkanker waarmee Elsje waarskynlik gebore is, het veroorsaak dat sy van dag een af onhoudbare hoofpyne gehad het. Niemand het geweet hoekom sy so baie huil nie. \u201cMy hoofpyn skree soos sonbesies uit die hel. Net nadat my eerste tandjies uitgekom het, het ek al op hulle begin byt teen die hoofpyn. Ek kon nog nie praat nie; ek het net gehuil en gebyt, vir Rykie ook,\u201c skryf sy.<\/p>\n
Dis juis vanwe\u00eb haar swemmery dat die kanker destyds opgespoor is. \u201cEk was in ons skool se duikspan en wanneer my kop die water getref het n\u00e1 \u2019n backflip, het die gewas begin bloei.\u201c<\/p>\n
N\u00e1 die operasies was dit \u2019n stryd om Elsje uit die water te hou. \u201cEk sou een keer gaan toer met die Vrystaatse vrouewater-polospan, maar toe moes ek my derde breinoperasie kry. My ma het ges\u00ea ek kon gaan, mits iemand my verbande omruil en my kop droog bly. Ek dink die plan was dat ek sou toekyk. Toe ons teen Mosambiek sou speel, kon niks my keer nie. Ek het twee swempette en \u2019n Checkers-sak gedra!\u201c<\/p>\n
Sedert 2011 swem Elsje weer, 2 km per dag, in die hoop om haar bene te versterk. Sy doen ook fisioterapie in die water.<\/p>\n
Wonderwerke<\/strong><\/span><\/p>\n \u201cMiracles is daar vir almal, maar dis di\u00e9 wat nie sinies is nie wat dit raaksien,\u201c glo Elsje. \u201cEk kan soos \u2019n kind opgewonde word oor die stupidste goed. Sodra jy soos \u2019n grootmens begin dink, in terme van re\u00ebls en logika, verloor jy daardie ontvanklikheid. Net gister was daar niemand om my te help om in \u2019n parkeerterrein my rolstoel uit die kar te kry nie. Onverwags staan daar \u2019n man wat motors was, en vertel my met \u2019n spierwit glimlag dat hy \u2019n hospitaal-portier was. Hy weet hoe!<\/p>\n \u201cSoms is mense bang om oor wonderwerke te praat ingeval ander dink hulle is mal. In 2010 l\u00ea ek in \u2019n MR-scanner om te toets of ek skoon is n\u00e1 die behandeling teen die kankertentakels wat my spinale vloeistof, kolon en blaas aangetas het. My ma was daar, en baie emosioneel. Sy loop al so \u2019n lang pad met my. Skielik sien ek hoe die personeel hardloop om ander medici te gaan roep. Uit vorige ervaring het ek geweet dit beteken waarskynlik daar is groot fout.”<\/p>\n \u201cUit die bloute het \u2019n warm gevoel my saam met die trane oorspoel. Die Here het met my gepraat: \u2018Ek het jou genees. Jy is skoon. Gaan maak die mense wakker!\u2019<\/p>\n \u201cEk was nog nooit so kalm nie – ek is \u2019n drama queen! Ek het my ma se hande gevat en ges\u00ea: \u2018Hou op huil. Die Grootbaas het gepraat, en ek het geluister. Ek is skoon.My onkoloog van baie jare, wat my as sy dogter beskou, staan toe daar met die scan in sy hand en s\u00ea: \u2018My ou girl, jy weet ek glo nie, maar ek is nou \u2019n believer. Hier is nie eens \u2019n griepvirus of \u2019n letsel nie. Ek weet nie waarheen die kanker is nie!\u2018 \u00c9k het geweet: die kanker is losgebid.\u201c<\/p>\n \u2019n Keuse <\/strong><\/span><\/p>\n Die geloofwaardigheid van Ek droom van \u2019n droom l\u00ea daarin dat Elsje nooit ontken hoe moeilik haar situasie was en is nie. \u201cOmdat ek moeite doen om make-up aan te sit en mooi aan te trek, weet mense nie altyd hoe seer en siek ek voel nie. Ek is so lief vir loop \u2013 ek het \u2019n keer \u2019n passasierskip m\u00e9t my paspoort aan boord in Mexiko verpas omdat ek net aanhou loop en rondkyk het \u2013 en nou kan ek nie. Dis swaar om te aanvaar dat ek \u2019n stut moet dra en \u2019n sitting duck is. Ek wens ek kon net een keer weer my maandstonde kry.<\/p>\n \u201cMaar ons is as fighters grootgemaak, -geestelik \u00e9n mentally. Dit het my uithouvermo\u00eb geleer. Ek het geleer dat jy \u2019n keuse het. Jy besluit hoe jy jou situasie gaan hanteer. Staan op, kyk die lewe in die o\u00eb en l\u00e9\u00e9f.\u201d<\/p>\n Is dit wat Elsje s\u00ea wanneer sy as motiveringspreker optree? \u201cJa, mense donder dikwels deur die lewe. Ek s\u00ea: \u2018Kom uit julle smart huise, haal julle mab\u00e9-p\u00earels af en leef met bewustheid! Ek het geleer om alles in te neem en die oomblik waarin ek is, te koester.\u201c<\/p>\n Elsje se sin vir humor is haar redding. Sy tweet as Blairbitch en ontsien geen heilige koei nie. En dan is daar haar geloof: \u201cAs dit nie vir my verhouding met die Here was nie, was ek lankal bokveld toe. Ek chat elke dag met Hom. Ek glo \u2018the thing that makes you different, makes you beautiful\u2019.\u201d<\/p>\n Dis hierdie vermo\u00eb om te straal, om midde-in die grootste uitdagings dit wat mooi is te soek en te skep, wat die hoogste medalje verdien. Een wat tien teen een uit \u2019n oordaad veelkleurige krale en polimeerkleirose sal bestaan. Met iewers \u2019n onverwagse kinkel \u2013 sodat dit real kan wees, soos Elsje.<\/p>\n
![\"\"](\"https:\/\/novanews.co.za\/rooirose\/wp-content\/uploads\/2015\/12\/IMG_0015_NEW_0001.jpg\")
<\/div>\n","protected":false},"excerpt":{"rendered":"