Om agter tralies te sit sonder dat iemand tot haar redding kom, moes soos die uiterste vorm van verwerping gevoel het. Wreed. Nie haar familie of haar man David* was bereid om die R500 borgtog te betaal nie. Nee, het haar geliefdes besluit. Tough Love is die enigste uitweg om haar tot haar sinne te ruk nadat sy vyf jaar lank haar lyf op straat verkoop het om haar hero\u00efengebruik te onderhou.<\/p>\n
Twee jaar later sit Michelle Mbua (38) oorkant my by The Cradle of Hope<\/a>, \u2019n huis in Krugersdorp-Wes, waar meer as dertig weggooivroue en kinders tydelik woon en bemagtig word om op eie bene te staan voor hulle weer die lewe kan aandurf. Van die vroue was haweloos of mishandel; ander was prostitute en dwelmslawe.<\/p>\n Die eerste 18 maande van Daniella se lewe was Michelle in so \u2019n dwelmbeswyming dat sy skaars van haar bestaan bewus was, maar die afgelope 18 maande is haar kind die spil waarom haar lewe draai. Michelle sit regop en praat padlangs. Hierdie traumatiese gebeure toe haar geliefdes hul rug na haar gedraai het, vertel sy, was Goddelike ingryping. Dit het haar uiteindelik gered.<\/p>\n Michelle is welsprekend en goed versorg. Sy dra vir die onderhoud \u2019n kraakvars wit hemp en netjiese swart langbroek. Dis moeilik om te glo dat sy die w\u00eareld se oudste beroep beoefen het – veral as jy boonop hoor dat sy \u2019n leier op skool was wat selfs \u2019n onderskeiding in matriek behaal het en daarna \u2019n sielkundige wou word.<\/p>\n \u201cEk was eintlik \u2019n bleeksiel. Skamerig en glad nie losbandig nie.\u201d<\/p>\n Hoewel sy in \u2019n pastorie grootgeword het, het ontwrigting haar kinderjare gekenmerk. Sy kan nie eens onthou hoeveel keer hul gesin getrek het nie – elke keer wanneer haar pa \u2019n nuwe beroep gekry het. Sy is in Bulawayo, in die ou Rhodesi\u00eb gebore en onthou die wye ruimtes, die onafhanklikheidsoorlog en haar vrees as kind om vermoor te word.<\/p>\n Hul gesinslewe was gemaklik en koloniaal. Hulle het talle werkers gehad – van \u2019n sjef tot \u2019n tuinier en \u2019n huishoudster. Sy was sewe toe die gesin (sy het twee jonger broers) Suid-Afrika toe verhuis het. Haar pa het teologie begin studeer terwyl haar ma – wat noodgewonge die broodwinner moes wees – altyd gewerk het.<\/p>\n <\/p>\n <\/p>\n Menige verhuising het gevolg – na Grabouw, na Goodwood, na Table View. \u201cDit het gevoel asof daar geen bestendigheid in my lewe was nie. Ek het dinge ook nie vir my makliker gemaak nie, want dit was nie maklik om van my te hou nie. Ek was ernstig, hoogs gefokus en beslis nie cool nie.\u201d<\/p>\n Ondanks haar teruggetrokkenheid was Michelle gek na sang en toneelspel. Sy het op skool aan talle opvoerings deelgeneem. Dit was ook my groot ambisie om hoofmeisie te word. Ek was baie toegewyd en was goed in alles wat ek aangepak het.\u201d Toe s\u00ea sy onbeskroomd: \u201cEn toe word ek \u2019n uitstekende prostituut en toegewyde dwelmslaaf.\u201d<\/p>\n Michelle behou deurentyd oogkontak. Sy kyk nooit weg nie. Ondanks haar omstrede lewe beskou sy haarself as \u2019n unieke mens: iemand wat aan ander kan vertel dat daar altyd hoop is. As jongmeisie het sy die geleentheid gehad om as \u2019n Rotari\u00ebr-uitruilstudent Amerika toe te gaan, maar het besluit om nie die aanbod te aanvaar nie. Sy het in daardie stadium \u2019n beheptheid met haar gewig ontwikkel en di\u00e9 program was die laaste ding wat sy wou doen:<\/p>\n \u201cEk het gesien hoe vet al die uitruilstudente daar geword het en ek wou nie vet wees nie.<\/p>\n Anoreksie is \u2019n emosionele siekte. Dit gaan oor pyn en selfverwerping. Ek het my uitgehonger en gedaan geoefen – in so \u2019n mate dat ek verskeie kere ineengestort het.\u201d Sy het nogtans daarin geslaag om met manipulasie dieetpille op voorskrif te kry. Toe sy twee weke lank nie kon slaap nie, is kalmeerpille ook voorgeskryf.<\/p>\n \u201cEk dink ek het te veel emosionele probleme gehad. Ek het te hard gewerk en ek was nie deel van die studentelewe op RAU nie. Daar was geen balans in my lewe nie. Ek het \u2019n maagseer ontwikkel, al my medikasie tegelyk afgesluk en in die hospitaal beland. Hulle het my maag uitgepomp en ek onthou ook dat ek in daardie warboel besef het ek nie wil sterf nie. N\u00e1 hierdie voorval het ek nie kans gesien om verder te studeer nie.\u201d<\/p>\n Michelle het daarna as kelnerin in \u2019n restaurant gewerk, in \u2019n orkes gespeel en \u2019n aantal kursusse in rekenaarvaardigheid voltooi. Maar haar gemoedstoestand was donker; die swart hond van depressie op haar hakke. Verskeie mislukte verhoudings en twee huwelike het gevolg.<\/p>\n \u201cIan* was my ridder op \u2019n wit perd met wie ek vier jaar lank \u2019n verhouding gehad het, maar hy het my later aangerand. Ek het hande vol dieetpille afgesluk. Dit het my wel goed laat lyk, maar die pille het my aaklig laat voel,\u201d vertel sy. \u201cIn my binneste het ek leeg gevoel.\u201d<\/p>\n Toe ontmoet sy vir Sieg*. Hy was \u2019n beeld van \u2019n man met \u2019n Mnr. Noordwes-titel agter die blad – tall, dark and handsome. \u201cDit was soos \u2019n droom. Ons het ons eerste huis gekoop en dit het voor die wind met sy onderneming gegaan. Maar toe begin ek wild en wakker geld blaas – op vetuitsuiging, duur ontwerpersklere en nog vele. Intussen was my ouers besig om te skei en ek is Oos-Londen toe om hulle by te staan. My my pa het uit die bediening getree. Daarna het my huwelik ook op die rotse beland. Ek het \u2019n goeie skikking gekry. Sieg was die een wat kaal uitgeloop het.\u201d<\/p>\n Michelle het daarna heen en weer tussen haar ouers getrek. \u2019n Bose kringloop van middelmisbruik het ontstaan – oor-die-toonbank dieetpille, gevolg deur kalmeermiddels, medikasie teen hardlywigheid en daarna weer middels om waterretensie hok te slaan. Nog \u2019n ineenstorting het gevolg en sy is weer in \u2019n rehabilitasiesentrum be-handel, maar daar was te veel re\u00ebls na haar sin en sy het besluit om weg te loop. Dinge het van kwaad na erger gegaan.<\/p>\n \u201cEk het begin om hero\u00efen, wat hoogs verslawend is, te misbruik. Daar is \u2019n gesegde dat \u2019n mens jou ma vir hierdie dwelm sal verkoop. Glo my, om dit slegs een keer te gebruik, is een keer te veel. Dit laat jou op \u2019n vreemde manier gekoester maar ook afgestomp voel.\u201d<\/p>\n Daar was gou weer \u2019n man in haar lewe.<\/p>\n \u201cOns was nie werklik verlief op mekaar nie. Ons was verlief op hero\u00efen. Hy het tot die wiele van sy motor verkoop om die dwelm in die hande te kry. Die gevolg was dat hy nie by die werk kon kom nie en sy werk verloor het.\u201d Sy is nog male sonder tal in rehabilitasiesentrums opgeneem.<\/p>\n \u201cDie onttrekkingsimptome het my ellendig laat voel, so asof ek beheer oor alles verloor het. Die naarheid is so erg dat jy nie kan eet of drink nie. Dan dink jy dit is soveel makliker om maar net weer voor hero\u00efen te swig as om deur hierdie hel te gaan.\u201d<\/p>\n Michelle het later saam met twee bruin mans \u2019n swerwers-bestaan in Kaapstad gevoer voor \u2019n dwelmhandelaar van Kameroen vir haar blyplek in sy Seepunt-woonstel aangebied het. \u2019n Week lank was sy sy meisie.<\/p>\n \u201cDit is \u2019n vreemde w\u00eareld waarin prostitute hulle bevind. Jou koppelaar is dikwels ook jou k\u00earel. Ja, ek weet dit klink waansinnig maar jou werk en private lewe word geskei. Ek het nie \u2019n dooie duit omgegee hoe ek geld verdien het nie. Die man het my aan Fatimah – sy \u2018werkende meisie\u2019 voorgestel. Sy sou my in die w\u00eareld se oudste beroep onderrig. My eerste kli\u00ebnt was \u2019n dwelmbaas. Ek het genoeg verdien om dwelms te koop en om my huisbaas gelukkig te hou.<\/p>\n <\/p>\n <\/p>\n \u201cProstitusie is \u2019n gevaarlike beroep\u201d, s\u00ea Michelle. \u201cKondome bars dikwels en ek het menige keer naalde gedeel. \u2019n Mens voer \u2019n onwaardige bestaan. Ek het my voet ernstig beseer toe ek van \u2019n vragmotor afgespring het om weg te kom van iemand wat geld by my wou steel. Die wond het septies geword maar ek het nietemin nog drie jaar lank met prostitusie voortgegaan. Ek was bekend as die prostituut wat my voet onder \u2019n lang rok weggesteek het. Die een wat kruppel geloop het.\u201d<\/p>\n Baie van haar kli\u00ebnte was getroude mans. En haar prys? R100 per kli\u00ebnt – tot tien per dag. \u201cJy voel soos \u2019n bedrie\u00ebr in di\u00e9 beroep. En dis ligjare verwyder van die geromantiseerde fliek Pretty Woman met Julia Roberts in die hoofrol. \u201cMans moet ook besef dat prostitute nooit werklik in hulle belang stel nie. Dis net \u2019n kil saketransaksie.\u201d<\/p>\n Vyf jaar gelede het Michelle haar tweede man, ook \u2019n Kameroener, ontmoet. \u201cEk het in \u2019n kroeg gesit waar hy die uitsmyter was. Hoewel David* twaalf jaar jonger as ek is, het ons dadelik gekliek. Hy is saggeaard en het altyd my wense in ag geneem. Hy het dit verpes om te sien wat hero\u00efen aan my doen.\u201d<\/p>\n Hulle is getroud en Michelle het swanger geraak maar nogtans haar beroep en dwelmmisbruik voortgesit. \u201cDavid was bekommerd maar ek kon nie sonder die dwelms leef nie. Moederskap was boonop vir my ondenkbaar. My hele wese het daarteen in opstand gekom. Tog het ek nooit aborsie oorweeg nie. Ek kon dit nie oor my hart kry nie. Iets het my net weerhou om so ver te gaan. Natuurlik was daar mense wat skepties oor ons huwelik was. Hulle het gedink David wil my net gebruik om Suid-Afrikaanse burgerskap te kry. Ons is nou vervreem maar hy bly \u2019n goeie pa.\u201d<\/p>\n Daniella se geboorte op 29 weke is vir haar soos \u2019n vae hersen-skim. Sy onthou net hoe sy in die kraamproses na dwelms gehunker het. En hoe sy alles aan die hospitaalpersoneel uitgeblaker het.<\/p>\n \u201cEk was doodbang dat sy iets sou oorkom. Weens my dwelmmisbruik moes sy nog ses weke n\u00e1 haar geboorte vir dwelmonttrekking en ontgifting in die hospitaal behandel word. N\u00e1 haar geboorte het die maatskaplike werker ges\u00ea my baba sal van my af weggeneem word. David het toe \u2019n vrou en haar dogter na die hospitaal gebring en voorgegee dat dit sy familie is en dat hulle na haar sou omsien. Daniella het later huis toe gekom, maar dit was \u2019n ramp.\u201d<\/p>\n Michelle was steeds \u2019n dwelmslaaf en sy was nie in staat om haar kind te versorg nie. \u201cEk het nie eens geweet hoe om \u2019n doek aan te sit nie. Hoewel ons onder dieselfde dak gewoon het, was ek nie teenwoordig nie.\u201d Sy het haar verwoestende leefwyse voortgesit en weer op straat gaan werk. Michelle se pa en sy tweede vrou het in daardie stadium na Daniella omgesien.<\/p>\n Michelle is intussen in Parow weens prostitusie gearresteer. \u201cVandag besef ek dit was Goddelike ingryping, want die polisie het beter dinge om te doen as om prostitute in hegtenis te neem. Die polisie het voorgegee dat hulle kli\u00ebnte is en ek is met gemerkte geld gevang.\u201d Haar stemtoon daal.<\/p>\n \u201cDie drie maande wat ek in die Pollsmoor-gevangenis verhoorafwagtend was, was onhoudbaar. Louter hel. Ek sal nooit weer tronk toe gaan nie. Ons was sewentig vroue in \u2019n sel vir veertig en ons moes beddens met vreemdelinge deel. Die landdros wou weet hoekom niemand bereid was om vir my borg te betaal nie. My mense wou my \u2019n les leer, het ek ges\u00ea. Ek was eerlik. Toe s\u00ea hy hy wil my ook \u2019n les leer. Vandag besef ek dit was alles ten goede. Ek was veiliger in die tronk. Buite sou die dwelms my dood-gemaak het.\u201d<\/p>\n Intussen het haar onttrekkingshel en cold turkey-proses begin. Die hofsaak teen haar is toe ook op onverklaarbare wyse teruggetrek. Sy het besef dat sy uit die Kaap moes wegkom. Daar was te veel slegte herinneringe; te veel versoekings. David het vir haar \u2019n vliegkaartjie Noorde toe gekoop sodat sy vir haar pa kon gaan kuier. Sy het op \u2019n dag in \u2019n winkelsentrum toevallig gehoor van The Cradle of Hope – \u2019n plek waar hawelose en stukkende vroue tydelik tuisgaan en toegerus word om weer die lewe aan te durf. Sy en Daniella het daar ‘n heenkome gekry.<\/p>\n Melodie van Brakel, stigter van The Cradle of Hope, vertel dat sy met hul eerste ontmoeting besef het Michelle is \u201c\u00f3f baie opreg \u00f3f baie slim. Maar vandag besef ek Michelle – sy is ons bemarkings-bestuurder – verdien \u2019n tweede kans.\u201d<\/p>\n Michelle s\u00ea sy is \u2019n nuwe mens en sy is al twee en half jaar \u201cskoon.\u201d Sy beskou dit as \u2019n wonderwerk dat sy nie MIV\/vigs het nie en dat Daniella normaal is.<\/p>\n \u201cEk het my gewete wat deur dwelms vernietig is, teruggekry. Danksy die lewensafrigting en die opheffingsprogramme wat ek by The Cradle of Hope gekry het, voel ek spiritueel en emosioneel vervuld. Ek soek nie meer \u2019n quick fix nie. Ek het my emosionele pyn verwerk en myself bemagtig. En ek het geleer hoe om \u2019n goeie ma te wees. Ek het besef dat God my liefhet. Nou is dit my hartsbegeerte om vir ander \u2019n getuienis en inspirasie te wees.<\/p>\n <\/p>\n * Skuilname is gebruik.<\/em><\/p>\n Michelle het intussen saam met haar pa en dogter in \u2019n tweeslaapkamermeenthuis in \u2019n goeie woonbuurt in Krugersdorp ingetrek. Sy is Cradle of Hope se bemarkingsbestuurder, het \u2019n motivering-spreker geword en is nou ook \u2019n opgeleide dwelmberader wat ander verslaafdes help. Sy het onlangs 1 500 vroue saam met medespreker Sonja Herholdt toegespreek<\/p>\n Meer inligting oor The Cradle of Hope of motiveringspraatjies by 011 660 4623, melodie@thecradleofhope.org<\/a> of besoek www.thecradleofhope.org<\/a><\/p>\n","protected":false},"excerpt":{"rendered":" Om agter tralies te sit sonder dat iemand tot haar redding kom, moes soos die uiterste vorm van verwerping gevoel het. Wreed. Nie haar familie of haar man David* was bereid om die R500 borgtog te betaal nie. Nee, het […]<\/p>\n","protected":false},"author":4,"featured_media":42886,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[674],"tags":[3979,3980,3981,3982,3975,3978],"class_list":["post-4361","post","type-post","status-publish","format-standard","has-post-thumbnail","hentry","category-in-die-nuus","tag-michelle-mbua","tag-motiveringspreker","tag-prostitusie","tag-dwelmslawe","tag-mishandeling","tag-cradle-of-hope"],"acf":[],"yoast_head":"\n\u201cMy ma was partykeer so deur die blare dat ons haar gespot het dat sy soms die wasgoed in die bad en vir ons in die wasmasjien gesit het,\u201d vertel sy laggend.\u00a0 <\/em><\/span><\/h4>\n
\u201cEk het om die beurt crack gebruik wat my \u2018hoog\u2019 laat voel het en hero\u00efen wat my weer gekalmeer het. Die meeste koppelaars hou nie daarvan dat prostitute hero\u00efen gebruik nie omdat dit jou reaksies vertraag terwyl rocks jou weer energiek laat voel.<\/em><\/span><\/h4>\n
\u201cDaar was \u2019n leegheid in my lewe maar die Here het dit gevul. The Cradle of Hope het my lewe aan my teruggegee. Ek voel besonder gese\u00ebnd en was nog nooit so gelukkig nie.\u201d<\/em><\/span><\/h4>\n
<\/h4>\n