Claremont en Newlands is van die armoedigste buurte in Johannesburg en sosiale probleme soos werkloosheid, drank- en dwelmmisbruik, gesinsgeweld en die verwerping van kinders enorm. By en deur Toevlugsoord bedien Ina en haar span hierdie hele gemeenskap. Die oord, gele\u00eb in \u2019n gebou wat vroe\u00ebr die Laerskool Newlands was, bestaan al twintig jaar, maar Ina en haar man het sewe jaar gelede deur hul gemeente hier betrokke geraak en die plek omgekeer tot veel meer as \u2019n tydelike skuiling. Vandag is dit \u2019n hawe van hoop.<\/p>\n
\u201cDie plek was in \u2019n haglike toestand,\u201d vertel Ina. \u201cAgt en veertig vragte gemors is hier weggery, die vloere is geskrop, die mure geverf, die ganse plek is opgeruim. Ons het die klaskamers in wooneenhede opgedeel, elk met \u2018n straatnaam en nommer sodat mense \u2019n regte adres kan h\u00ea. Dit gee hulle \u2019n gevoel van selfwaarde.\u201d<\/p>\n
Honderd en tagtig mense kan op \u2019n slag by Toevlugsoord in-woon. Daar is enkelkamers en ook eenhede vir gesinne. Ina se visie was van die begin af om nie net fisieke versorging te verskaf nie, maar om elkeen wat daar kom bly, toe te rus en te help om weer selfstandig in die samelewing te funksioneer. \u201cEk doen voltyds berading met hulle. Baie is van dwelms of alkohol afhanklik en ons moet hulle weer skoon kry. Ons het \u2019n fantastiese suksesrekord. Onlangs het ons vir een van die mans wat reeds vyf jaar \u2018droog\u2019 is, werk by die kerk gegee. Hy het weer \u2019n gesin, \u2019n woonstel en \u2019n kar.\u201d<\/p>\n
Ina-hulle het so \u2019n goeie stelsel dat mense wat uitgeplaas word, nooit weer hoef terug te kom nie. \u201cWanneer hulle gereed is, help ons hulle om \u2019n werk te kry. Ons meubileer vir hulle \u2019n woonstel uit al die goed wat ons as skenkings ontvang.\u201d Die meeste mense kan n\u00e1 ses maande se lewensveranderende versorging in die samelewing teruggeplaas word. Daar is ook \u2019n kleuterskool by Toevlugsoord. Ina het een van die inwoners laat studeer en sy is nou in beheer van die skool.<\/p>\n
\u201cNie \u2019n enkele kind uit ons kleuterskool het al in verdere skole gedruip nie. Ook ouer kinders wat nie uit ons kleuterskool kom nie, maar hier beland, word gehelp. Ek werk in die middae met hulle. Ek aanvaar nie druip vir \u2019n antwoord nie. Ons het selfs al prefekte en \u2019n hoofseun van \u2019n ho\u00ebrskool opgelewer.\u201d<\/p>\n
So \u2019n groot plek kort natuurlik geld om hom aan die gang te hou. Daar was nog nooit \u2019n sent staatshulp nie. \u201cOns genereer ons eie geld. Ons het byvoorbeeld met spyseniering begin. Jy kan vir my s\u00ea jy wil \u2019n troue re\u00ebl vir 350 mense en ek s\u00ea vir jou jy hoef net terug te sit. Ons sal die saal vir jou sprokiesmooi maak, fynkos opdis. Ons berei voor, ons bedien, ons ruim op. Alles word deur die inwoners gedoen. Ons lei hulle fyn op en rus hulle so toe om weer vir hulself ook te gaan werk.\u201d
\nAfgesien van die oord, verskaf Ina-hulle ook duisend etes per dag aan die gemeenskap. Pakke dro\u00eb kos word uitgedeel.
\n\u201cOns wil eerder voorkomend werk voor mense se omstandighede so haglik is dat hulle in die Toevlugsoord moet beland.\u201d
\nIna Smit het nie \u2019n ledige oomblik in \u2019n dag nie.<\/p>\n
Sy is met hart en siel toegewyd aan haar taak om mense se lewe om te swaai. Pret-aande vir die jeug, \u2019n gimnasium, \u2019n rekenaarsentrum en sekuriteitsdienste is enkele van die projekte wat onder haar leiding tot stand gekom het. \u201cOngelukkig weet te min mense van ons en ons ongelooflike sukses, en ons het te min geld om publisiteit te koop.\u201d<\/p>\n
Enige bydrae van watter aard ook al is welkom. Dit kan geld wees (\u201cons elektrisiteitsrekening is enorm\u201d), dit kan jou kennis of vaardigheid wees, dit kan huisware wees, rekenaars, Bybelstudie-aanbieding, noem maar op. Alles word gebruik en niks word vermors nie. \u201cEk dink dis hoekom die Here ons so se\u00ebn.\u201d<\/p>\n
# Ina Smit is al meer in aanvraag as motiveringspreker.<\/p>\n
Bel haar by 083 630 4973 of 011 477 4909 <\/strong>as jy meer wil weet van Toevlugsoord, of as jy op een of ander manier kan help.<\/p>\n","protected":false},"excerpt":{"rendered":" Claremont en Newlands is van die armoedigste buurte in Johannesburg en sosiale probleme soos werkloosheid, drank- en dwelmmisbruik, gesinsgeweld en die verwerping van kinders enorm. By en deur Toevlugsoord bedien Ina en haar span hierdie hele gemeenskap. Die oord, gele\u00eb […]<\/p>\n","protected":false},"author":9,"featured_media":98932,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[680],"tags":[27962,29127,31533,31711],"class_list":["post-4347","post","type-post","status-publish","format-standard","has-post-thumbnail","hentry","category-sukses-en-geld","tag-work","tag-money","tag-career","tag-private-finance"],"acf":[],"yoast_head":"\n