Hulle s\u00ea mens moenie \u2019n gegewe perd in die bek kyk nie. Maar, as daai perd se eienaar vergeet het om sy bek met Colgate te skrop voor hy hom vir jou present gegee het, kan dit moontlik \u2019n slegte smaak in die mond laat.<\/p>\n
Daar is niks lekkerder as om \u2019n presentjie, groot of klein, te kry wat pragtig gestrik en gekaartjie is nie. As dit boonop met die oopmaakslag wys die skenker k\u00e9n jou, is dit sommer dubbeld so lekker.<\/p>\n
My sewejarige is tans in \u2019n baie vrygewige stadium. Alles wat vir haar mooi en kosbaar is, word na \u2019n bietjie oorweging en dikwels met \u2019n strik om in my hand geprop met \u2019n \u201cSpesiaal vir Mamma!\u201d<\/p>\n
So kry ek daagliks onkruidblommetjies, mooi klippies en ook skulpies wat sy na ons laaste naweek by die see saamgepiekel het. Kleurvolle tekenprentjies en portrette van my is deesdae haar gunsteling om uit te deel. My l\u00eaer kosbaarhede word al hoe dikker. Amper soos die tekenportrette se middel en kennebak sedert die afgelope winter\u2026<\/p>\n
Maar, soos die \u201chulle\u201d van die perd hierbo ook s\u00ea: Dis die gedagte wat tel.<\/p>\n
Tog lyk dit soms asof so \u2019n gedagte lelik ontspoor het.<\/p>\n
So het ek in my jonger dae vir jare aaneen skilfersjampoe present gekry. Na die tweede jaar het ek begin twyfel aan my eie gedagte dat ek nie skilfers het nie en potensi\u00eble selfbewustheidskompleks en al by my haarkapper \u2019n tweede mening gaan vra. Sy het my gerusgestel dat ek r\u00earig-\u00earig nie skilfers het nie, en ek was dus vrygespreek om die teenskilferpresent weer aan iemand anders te gee. Maar\u2026 so nooit as te nimmer in hierdie lewe nie \u2013 want, geen kleurvolle lint of vrolike toedraaipapier sal mos nou die gedagte dat jy vir iemand eintlik s\u00ea \u201cLekker verjaar – doen iets aan jou skilfers\u201d kan verdoesel nie?<\/p>\n
Gepraat van herwinbare geskenke<\/strong>. \u2019n Vriendin vertel dat sy jaarliks dieselfde sepie wat sy as deel van \u2019n Moedersdag-bederfpakkie present gee, weer vir Kersfees kry. Sy het glo al een jaar in khokipen \u2019n swart spikkeltjie op die sepie se etiket gemaak voor sy dit saam met die Mei-pakkie toegedraai het – en siedaar, op Oukersdag het die gespikkelde sepie weer netjies sy verskyning in Vriendin se kerskous gemaak. Dit is seker maar wat skoonfamilie doen \u2013 sepies en skropgoed uitdeel as deel van die titel\u2026?<\/p>\n Maar, dan moet ek darem ook byvoeg dat ek kinderlik opgewonde uitsien na my eie ma en skoonmoeder se verjaardaggeskenk aan my. Hulle weet nou maar een maal hoeveel \u2019n tuisblyma wat \u2019n ongereelde vryskut-inkomste verdien, dit waardeer om \u2019n geldjie te kry wat sy met toestemming net op haarself mag blaas. Di\u00e9 bederfkoevertjies <\/strong>in November voel sowaar soos krismis!<\/p>\n Oor Kersgeskenke het Natani\u00ebl die volgende te s\u00ea: \u201cElke mens op aarde, hoe slim, ryk of vindingryk ookal, het iets nodig \u2013 die geheim is om uit te vind w\u00e1t\u2026 Om te koop met verstand, om te beplan, te herkou en weer te beplan. Om rond te vra, uit te vis, wakker te l\u00ea, na te lees, na te vors, te bel, dop te hou.<\/p>\n \u201cEk wil nogsteeds my glas sjampanje in twee slukke leegmaak, s\u00f3 opgewonde om almal gek van afwagting te sien, maar sonder om hul toekoms en hul leefruimte te vernietig. Hierdie jaar staan ek lank voor die rak \u2013 ek gee geskenke wat my vriende op hul oudag nog sal gebruik.<\/p>\n \u201c\u2026Die uitdrukking \u2018Dis die gedagte wat tel\u2019 word so vieslik deur al die luies <\/strong>misbruik. Uiteindelik begin dit vir my sin maak, dit lui nie \u2018Dis net die gedagte wat tel\u2019 nie, dit s\u00ea nie, \u2018Ek gee jou niks, maar ek dink aan jou\u2019 nie. Dit s\u00ea wel, \u2018Ontvang my geskenk, ek het lank gedink en seker gemaak en ek gee dit met vrymoedigheid.\u2019\u201d<\/p>\n Ewentwil, om die regte, deurdagte geskenk by die regte ontvanger uit te bring, verg meestal baie kopkrap, speurvernuf en \u2019n goeie skoot kreatiwiteit<\/strong>.<\/p>\n \u2019n Goeie gedagte by die gee van \u2019n \u201cgedagte\u201d, is myns insiens om iets te kies wat s\u00ea die persoon was belangrik genoeg vir jou om in ag te neem wie hy of sy is, waarvan hy of sy hou en, belangriker nog, dit moet s\u00ea: Ek het hierdie gekies, spesiaal vir jou – met spesifiek JOU in gedagte.<\/p>\n Ek volstaan met \u2019n lysie van vyf dinge wat ek van mening is eerder gesystap moet word by die kies van perfekte presente:<\/p>\n 5.<\/strong> Sokkies<\/strong>. Al is Pa se sokkies so skif op die hakke gedra dat mens sy bloedgroep deur sy enkels kan raai, is sokkies ni\u00e9 \u2019n opwindende geskenk nie. Boonop is sokkies dekades gelede reeds deel van Interpol, die FBI, CIA, KGB en Skerpioene\/Valke\/Malema se boomhuisbende se lys van \u201cMees gesoek\u201d. Soek eerder nog \u2019n bietjie verder na \u2019n bedagsame geskenk.<\/p>\n 4.<\/strong> Kunsblomme<\/strong>. Al is dit h\u00f3\u00e9 \u2019n getroue replika \u2013 sy gaan ni\u00e9 met jou trou as jy vir haar vir haar verjaardag \u2019n ruiker laplelies gee nie. Maak vriende met jou plaaslike bloemiste. Plant \u2019n pakkie kappertjies in \u2019n pot. Maak nie saak nie \u2013 hou dit eg en lewendig.<\/p>\n 3.<\/strong> Lyfroom <\/strong>wat jy nog nooit self geruik het nie. Daar is die skrale kans dat dit dalk soos \u2019n bos verlepte Stink Afrikaners kan ruik en die ontvanger mag moontlik snuf in die neus kry oor j\u00f3\u00fa smaak (en dit dalk vir jou terugskenk met jou verjaardag).<\/p>\n 2. <\/strong>Gepraat van skraal. Al word maermaakpille <\/strong>deur hoeveel wetenskaplikes, \u201cdokters\u201d en tevrede, dog liggewig kli\u00ebnte onderskryf, maak dit n\u00f3\u00f3it, \u00f3\u00f3it \u2019n goeie geskenk uit nie. Sluk self soveel towergewigsverliespille soos jy wil, maar moet nooit dink dat iemand dit ni\u00e9 as \u2019n onsubtiele skimp sal sien dat minstens een helfte van julle vriendskap geweeg en t\u00e9 swaar bevind is nie.<\/p>\n 1.<\/strong> Tweedehandse gebruiksartikels<\/strong>. Ek het eenkeer \u2019n driekwart pak halfuitgedroogde afveedoekies vir bababoudjies in \u2019n pragtige, vrolike, pienk geskenksakkie present gekry. Pasgetroud en beslis nog nie broeis nie, kon ek nie help om te wonder of dit \u2019n subtiele skimp oor my biologiese klok, of bloot oortollige voorraad is waarvan ontslae geraak moes word nie. Ek skat gebruikte babadoeke, snesies of iets dergeliks sou veel erger gewees het. Maar, al wat daardie ondeurdagte geskenk-gedagte aan my gemoed gedoen het, was om my die Pampers-rak met agterdog te laat beje\u00ebn vir nog \u2019n jaar of vyf.<\/p>\n Nou ja, ek moet \u2019n geskenk gaan soek vir \u2019n kinderpartytjie en vermoed die driekwart bottel nuwe oesjaar Sauvignon Blanc is nie heeltemal geskik nie.<\/p>\n","protected":false},"excerpt":{"rendered":" Hulle s\u00ea mens moenie \u2019n gegewe perd in die bek kyk nie. Maar, as daai perd se eienaar vergeet het om sy bek met Colgate te skrop voor hy hom vir jou present gegee het, kan dit moontlik \u2019n slegte […]<\/p>\n","protected":false},"author":8,"featured_media":42192,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[35,2299],"class_list":["post-42190","post","type-post","status-publish","format-standard","has-post-thumbnail","hentry","category-blogs","tag-blogs","tag-ina-genade"],"acf":[],"yoast_head":"\n