\u201cMamma, hoekom het julle in die ou tyd kaalvoet skool toe gegaan tot graad 7? Was daar nog nie so iets soos skoene nie?\u201d
\nEk bekyk die klein wysneus in die truspie\u00ebltjie onderweg skool toe en antwoord droogweg: \u201cSodat ons voete nie die donkies seer skaaf waarop ons moes skool toe ry omdat daar nog nie karre was nie.\u201d<\/p>\n
Ou tyd. Gmf.<\/p>\n
Maar, die waarheid is dat ek vanoggend terselftertyd stokoud en ook baie jonk voel, want ek onthou presies hoe dit vir my op my eerste dag in graad twee en in die destydse standard twee gevoel het. Die vlinders in die graad tweetjie en haar graad vier-ouboet se maag, fladder ook in myne.<\/p>\n
Ek dink elke ma se geheue het vakkies waarin elke \u201cterug skool toe\u201d-oomblik van elke kind liasseer word. Vir elke jaar is daar \u2019n vakkie waarin die geheuefototjie van elke kind kompleet met gekamde kuif en boksterte en linte en bre\u00eb glimlag en die effense onseker kyk in die kinderogies oor die nuwe skooljaar, geb\u00eare word.<\/p>\n
Terwyl ek en die twee Genadetjies vanoggend oor die pad stap skoolhek toe, het ek skielik onwillekeurig deur die vakkies van elkeen die afgelope jaar of ses geblaai. Van die kordate kleuterlyfie met die groot, bont rugsak wat opgewonde aanmeld vir kleuterskool tot verlede jaar se \u201ceerste dag in die groot skool\u201d en \u201claaste dag in die grondslagfase\u201d.<\/p>\n
Ek onthou presies hoe elkeen se handjie in myne gevoel het op so \u2019n oggend en vanoggend het hoe groot hulle hande ewe skielik in myne voel, my behoorlik \u2019n knop in die keel gegee.<\/p>\n
Die tannies wat kort na elkeen se geboorte ges\u00ea het \u201cGeniet dit, voor jy jou o\u00eb uitvee, gaan hulle skool toe\u201d was reg. Heeltemal reg. Maar, niemand kon my voorberei op hoeveel vininger dit van daar af gaan nie.<\/p>\n
Ek staan verstom oor hoe die klein snip wat aan die begin van verlede jaar nog een sinnetjie per bladsy-boekies wou lees, oor die vakansie skielik haar Ouboet se Trompie-omnibus leen om te lees. Dit alles in net twaalf maande.<\/p>\n
Ouboet het nog nou die dag die eerste keer leer menigvuldig en vanjaar maak ons gereed vir die eerste regte-egte skooleksamen. Ek onthou nog baie goed al die nuwe woorde van my standard twee-jaar: eksamen, opsommings, hersiening, vraestelle. En, ek verstaan maar t\u00e9 goed hoekom hy my die laaste week of wat aanmekaar uitvra oor presies h\u00f3\u00e9 eksamen nou eintlik is.<\/p>\n
Soos elke jaar hoop ek dat my kinders gelukkig sal wees en maklik sal aanpas by hulle nuwe juffroue. Dat die admin van \u2019n nuwe skooljaar nie hulle blonde ma sal ore aansit nie en dat ons gou in die nuwe roetine van \u2019n nuwe akademiese jaar en sport en kultuur en huiswerk kom. Dat hulle ou vriendskappe gekoester sal word en nuwe maats waarde sal toevoeg tot hulle lewens.<\/p>\n
Bowenal hoop ek dat hulle sal groei in hulle menswees en dit sal gen\u00ed\u00e9t om nuwe dinge te leer.<\/p>\n
In die t\u00e9 stil huis na die lang somervakansie, bid ek vanoggend dat ek vanjaar die wysheid sal h\u00ea om ook di\u00e9 dinge die hoof te bied wat nie volgens plan verloop nie en genoeg energie sal h\u00ea vir al die uitdagings.<\/p>\n
Vir terug skool toe op ons rype ouderdom en boonop \u2019n paar grade op \u2019n slag, het mens beslis draftekkies en \u2019n goeie sin vir humor nodig.<\/p>\n
Sterkte aan al die mammas wat vanoggend weer saam met hulle kroos moes wegspring. Mag die nuwe jaar geen boelies, geen vergete huiswerkboeke en gesonde, gelukkige, gebalanseerde kinders inhou.<\/p>\n","protected":false},"excerpt":{"rendered":"
\u201cMamma, hoekom het julle in die ou tyd kaalvoet skool toe gegaan tot graad 7? Was daar nog nie so iets soos skoene nie?\u201d Ek bekyk die klein wysneus in die truspie\u00ebltjie onderweg skool toe en antwoord droogweg: \u201cSodat ons […]<\/p>\n","protected":false},"author":8,"featured_media":42131,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[682],"tags":[35,2299],"class_list":["post-42129","post","type-post","status-publish","format-standard","has-post-thumbnail","hentry","category-blogs","tag-blogs","tag-ina-genade"],"acf":[],"yoast_head":"\n