Nee jy is nie, s\u00ea dr. Lorna Geer, voorligtingsielkundige van Centurion. \u201cDie beskouing dat dit \u2019n keuse is om \u2019n emosionele eter te wees en dat jy bewustelik beheer daaroor uitoefen, is foutief. Emosionele etery is \u2019n oorlewingstrategie en \u2019n manier om angs te verlig. Die sogenaamde kuur – uithongering of om minder te eet \u2013 het baiekeer die teenoorgestelde uitwerking. Dit kan die angs verhoog en die kompulsie om te eet, versterk.<\/p>\n
\u201cGewigsbeheer behels \u2019n ingewikkelde interaksie van liggaamsiel-beheermeganismes. Die sleutel l\u00ea in die besef dat hierdie meganismes deur die onbewuste beheer word. Ons vergeet soms dat ons onbewuste \u2013 die gevoelens, gedagtes, begeertes en herinneringe wat ons sedert konsepsie opgebou het en waarvan ons nie bewus is nie – sowat 80% van ons optrede rig. Gewigsbeheer word nie bepaal deur hoe jy bewustelik wil wees en optree nie, maar deur hoe die onbewuste glo jy moet wees en optree.\u201d<\/p>\n
Vir die onbewuste draai alles om oorlewing. \u201cDit werk met persepsies, ongeag of \u2019n sekere persepsie waar of vals, en toepaslik of uitgedien is. As die onbewuste oortuig is dat om gewig op te tel of om vet te wees oorlewing verseker, skep pogings om gewig te verloor juis die situasie wat die onbewuste die meeste vrees: om dood te gaan. Aangesien die onbewuste oor die uitvoerende mag be-skik, sal daardie persoon tot op \u2019n punt gewig verloor, en nie verder nie.\u201d<\/p>\n
Watter situasies kan die onbewuste se oorlewingstrategie laat inskop en gewigsverlies saboteer?<\/p>\n
<\/p>\n
\u201cAlle mense het \u2019n behoefte aan liefde. Hier gaan dit oor emosionele oorlewing. Baie babas begin reeds in die baarmoeder verwerping ervaar. Soms is die swangerskap ongewens; daar is finansi\u00eble druk, of die pa het pas bevordering gekry en is selde tuis. Dalk gebruik die ma die baba prim\u00ear om die pa aan haar te bind, byvoorbeeld as hy \u2019n affair gehad het. Soms verwens die ma die baba weens \u2019n moeilike swangerskap. Wat ook al die rede: babas wat verwerping ervaar, voel onwelkom, waardeloos en verward. Die geboorte word as die finale verwerping beleef en die baba voel alleen en baie bang, afgesny van sy oorlewingstelsel \u2013 die ma se liggaam. Direk n\u00e1 geboorte word hy boonop weggeneem sodat hy geweeg en sekere toetse gedoen kan word. Dikwels word hy weggehou van die ma sodat sy kan rus. Die baba ervaar intense skeidingsangs.<\/p>\n
\u201cMet drinktyd gaan die baba terug na die ma, die enigste wese wat hy ken. Wanneer \u2019n ma haar baba die eerste keer vashou, of hy nou gewens was of nie, vloei daar gewoonlik liefde van haar na hom. Sy gevoelens van verwerping en angs word vervang deur gevoelens van welbehae omdat goedvoelhormone afgeskei word. Die velkontak met die ma, die gevoel van die tepel in die mond en die bevredigende proesensasie van soet, dekstrose gevulde melk word deur die onbewuste as oorlewing ge\u00efnterpreteer. As die baba tussen voedings weggeneem word, ervaar hy afwisselend tye van angs, verwerping en honger en tye van algehele liefde en bevrediging. Die suigrefleks skep \u2019n gevoel van behaaglikheid en verlaagde angsvlakke. Ons sien dit by \u2019n kind wat duim suig of \u2019n volwassene wat aan \u2019n sigaret suig. Die feit dat soveel eerstejaarstudente skielik gewig aansit, hou ook hiermee verband. Die blootstelling aan die onbekende grootmensw\u00eareld sneller die traumatiese geboorte-ervaring.<\/p>\n
\u201cIndien hierdie patroon vassteek, kry jy volwassenes wie se grootste vrees emosionele verwerping is. Hulle beleef die eertydse hulpeloosheid en hopeloosheid as depressie. Hulle word emosionele eters en sien soetgoed as \u2019n troosmiddel, veral as hul ouers graag \u2019n lekkertjie gegee het om \u2019n eina beter te maak. Hulle is peuselaars wat eet as hulle eensaam, neerslagtig of verwerp voel. Kos, veral soetgoed, word \u2019n plaasvervanger vir liefde en aanraking. Dit word onbewustelik gebruik om \u2019n emosionele gat te vul. Die keerkant is dat \u2019n streng dieet die ervaring van \u2019n gebrek aan liefde sneller.\u201d<\/p>\n
<\/p>\n
\u201cDie onbewuste se hoofdoelwit is oorlewing. As jy iewers die ervaring van verhongering gehad het, waak jou onbewuste teen \u2019n herhaling daarvan omdat dit met doodgaan geassosieer word. Soms loop daar voor geboorte iets skeef met die plasenta, wat veroorsaak dat die baba te min voedingstowwe kry. Omdat ma\u2019s nie seker is hoeveel melk babas met borsvoeding inkry nie, kan dit ook tot verhongering lei. Die verhongeringservaring word in die onbewuste vasgel\u00ea en as so iemand as volwassene minder begin eet om gewig te verloor, word die oorlewingsdrang gesneller. Die onbewuste dwing hom om te eet \u2013 letterlik enigiets. Dit gaan om die eetaksie. Gewoonlik sit die persoon n\u00e1 \u2019n dieet meer gewig aan as wat hy verloor het.\u201d<\/p>\n
<\/p>\n
\u201cTydens geboorte, veral as die baba asemnood ervaar, raak hy uitgeput en is daar \u2019n verlies aan energie. Die baba word oorspoel deur hulpeloosheid en hopeloosheid, gee moed op en hou op beweeg. Die onbewuste interpreteer dit as leweloosheid en dood.<\/p>\n
\u201c\u2019n Baba wat van sy ondersteuningstelsel \u2013 sy ma se liggaam \u2013 verwyder is en in \u2019n broeikas l\u00ea sonder haar aanraking, se onbewuste kan dit ook interpreteer as \u2019n onafwendbare dood, met die gepaardgaande angs. Dieselfde geld \u2019n jong kind wat ernstig siek is. Herstel word verbind met die vermo\u00eb om weer te kan eet. Kyk maar hoe dramaties keer \u2019n kind wat ernstig siek was, se eetlus terug.<\/p>\n
\u201cIn hierdie omstandighede is die eetaksie vir die onbewuste \u2019n bewys van lewe. As volwassenes met hierdie patroon om een of ander rede energie verloor, lei dit tot angs en sal die onbewuste hulle dwing om te eet al is hulle nie honger nie. Sulke mense sal n\u00e1 \u2019n moeilike dag by die werk tuis kom en alles eet wat voorkom as bewys dat hulle die dag oorleef het.\u201d<\/p>\n
<\/p>\n
\u201c\u2019n Vierde situasie waar die onbewuste gewigsverlies teenstaan, het te doen met die vrees dat \u2019n aantreklike liggaam sal lei tot seksuele interaksie wat \u2018sonde\u2019 is en \u2018straf\u2019 tot gevolg gaan h\u00ea, naamlik geestelike dood. Hierdie oortuiging kan baie sterk op die onbewuste vlak werk. Een voorbeeld is di\u00e9 van getroude mense wat bang is vir buite-egtelike verhoudings en hulself \u2018beskerm\u2019 deur gewig aan te sit.<\/p>\n
\u201cAs gewigstoename eers tydens puberteit begin, het dit dikwels ten doel om die tiener teen die normale drange en drifte van daardie lewenstydperk te verskans. \u2019n Meisie se vroulike liggaam word byvoorbeeld \u2019n lewensbedreiging; dit kan haar in die hel laat beland. Wanneer sy onaantreklik voel, verdwyn die moontlikheid dat sy betrokke sal raak by \u2019n seksuele verhouding en neem die angsvlakke af. Solank sy \u2018lelik\u2018 is, is sy veilig.<\/p>\n
\u201cMasturbasie of dokter-dokterspeletjies waaroor iemand kleintyd berispe, geslaan of verkleineer is, kan daartoe lei dat hy besluit naakte liggame, kontak tussen mans- en vroueliggame en erotiese gevoelens of stimulasie is uit die bose. Oorgewig word \u2019n beskermingsmeganisme en as hy \u2019n kilogram verloor, sal sy onbewuste sorg dat hy dit met rente terugkry.<\/p>\n
\u201cDis bekend dat ekstra gewig, veral om die heupe, baiekeer voorkom by mense wat seksueel gemolesteer is. Hulle beskerm hulself letterlik met lagies vet. Soms verloor die persoon gewig en beloon haarself deur \u2019n uitrusting aan te skaf wat stywer sit. Opmerkings dat sy sexy lyk, bevestig dat sy gevaar loop om weer deur \u2019n molesteerder raakgesien te word en sy sit weer gewig aan.<\/p>\n
\u201c\u2019n Vrou kan haarself met ekstra gewig beskerm as haar man haar as \u2018koud\u2019 etiketteer, dalk omdat sy seksueel onervare was toe hulle getroud is en hy voorheen seksueel aktief. As sy nie aan sy verwagtings voldoen nie, kan sy gewig aansit om aan die situasie te ontvlug. Dieselfde geld mans wat met impotensie worstel. As hy hom \u2018onaantreklik\u2019 maak, kan hy aan ongemaklike konfrontasies ontkom.<\/p>\n
\u201cParty mense glo onbewustelik dat lae vet sal verhinder dat ander hul gewaande tekortkominge sien.\u201d<\/p>\n
<\/p>\n
Lorna gebruik hipnoterapie om onbewuste dryfvere na die bewuste te bring. \u201cDie kernvraag is: Waarteen probeer jou onbewuste jou beskerm? Ons soek na die plek waar die persoon \u2018amper dood\u2018 is, die situasie wat gewigsverlies verby \u2019n bepaalde punt keer. Ek het byvoorbeeld \u2019n kli\u00ebnt gehad wat een was van \u2019n drieling. Net sy het bly leef. Enersyds het sy onbewustelik vir drie geleef en ge\u00ebet, en andersyds was sy oortuig dat om groot te word in elke sin van die woord bewys dat sy nie dieselfde pad as hulle volg nie. As jy weet wat jou onderliggende motivering is en dit deurgewerk het, kan jy nuwe betekenis aan die gebeure gee en voordeliger besluite neem. Dikwels verloor kli\u00ebnte spontaan oor \u2019n lang tydperk gewig \u2013 sonder enige inspanning.\u201d<\/p>\n","protected":false},"excerpt":{"rendered":"
Jy kan net sowel moed opgee. Gedurende die aanvangsfase van \u2019n dieet h\u00f3\u00fa jy. Aan en uit. Maar op \u2019n dag verloor jy beheer, en dan is alles daarmee heen – van jou slankheidsdroom tot jou selfrespek. Is jy nou maar eenmaal iemand sonder selfbeheersing?<\/p>\n","protected":false},"author":4,"featured_media":55354,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[2950,667],"tags":[620,621,825,2391,5538,5539,5540,5541,5542],"class_list":["post-3970","post","type-post","status-publish","format-standard","has-post-thumbnail","hentry","category-dieet","category-gesondheid","tag-dieet","tag-gewig","tag-liefde","tag-gewigsverlies","tag-emosionele-eter","tag-uithongering","tag-gewigsbeheer","tag-onbewuste","tag-hipnoterapie"],"acf":[],"yoast_head":"\n