As kind het sy ma vir hom stories van groot ontdekkingsreisigers gelees wat hom ge\u00efnspireer het. Sy pa weer het hom daarvan bewus gemaak dat drome nie net ontvlugting moet wees nie. Deesdae is Lewis beskermheer van die Noordpool en ysbere en wil ‘n bewustheid oor aardverwarming skep, veral waar ysberge smelt en koraalriwwe doodgaan. Hy glo elke mens moet nou doen wat hy kan om ons aarde te red, want ons is reeds diep in die moeilikheid.<\/p>\n
Jou pa, \u2019n skout-admiraal en ortopediese chirurg in die Britse vloot, is dood toe jy \u2019n student was. Hy was jou groot held en inspirasie, hoekom?<\/strong> En jou ma?<\/strong> Watter soort kind was jy?<\/strong>
\nMy pa was \u2019n fantastiese storieverteller. Die belangrikste ding wat hy my geleer het, is dat drome nie net iets vir kinders is nie. Dinge is net onmoontlik as jy glo dat jy dit nie sal kan doen nie. Hy het my in en om die huis omring met voorwerpe om my daaraan te herinner: hy het byvoorbeeld \u2019n afdruk van die groot ontdekkingsreisiger kaptein James Cook opgehang, of \u2019n kas gebou met rakke wat gemaak is van die houtskuiling waarin sy ouers in die Tweede W\u00eareldoorlog geskuil het \u2013 sodat ons nie die mense sal vergeet wat toe so swaargekry het nie. Ek het my liefde vir geskiedenis van hom gekry. Ek en my suster was nog op skool toe hy al met Alzheimersiekte begin sukkel het. Dit was rof. Jare later het ek die fliek I am Sam<\/em> gesien waarin \u2019n verstandelik gestremde pa ‘n kind grootmaak. Namate die kind ouer word, besef sy sy is slimmer as haar pa en tree dan \u201cdom\u201d op om die gaping tussen hulle te verklein \u2013 ek het dit verstaan, want ek het presies dieselfde gedoen.<\/p>\n
\nMy ma was nog altyd baie gemotiveerd en het net nooit tou opgegooi nie. Die belangrikste was dat sy volkome in ons kinders en ons vermo\u00ebns geglo het, en dit regtig bedoel het toe sy ges\u00ea het ons moet met ons lewe doen wat ons wil. Baie ouers s\u00ea dit, maar kry later \u2019n oorval as hul seun wat regte geswot het en al praktiseer, skielik vir hulle kom s\u00ea hy wil sy werk los en voltyds swem om mense van omgewingskwessies bewus te maak. My ma het na my geluister en my volkome ondersteun. Sy doen dit steeds!<\/p>\n
\nEk was van kleins af mal oor water. In die Ho\u00ebrskool Kampsbaai het ek altyd \u2019n lessenaar met \u2019n uitsig oor die see gekies. Ek was \u2019n seningrige kind met \u2019n lyf wat uit proporsie was – \u2019n tipiese late developer<\/em>. Om eerlik te wees, ek is nou veertig en ek ontwikkel steeds! Ons skoolhoof by Kampsbaai, John Ince, wat onlangs oorlede is, het \u2019n groot invloed op my gehad. Hy het elke kind op sy naam geken en almal as ewe belangrik en goed gesien, of jy nou rugby gespeel het of nie. Daar was meer as duisend mense op sy begrafnis. Hy het altyd vir my ges\u00ea: \u201cLewis, all late developers go on to do great things!\u201d Ek kon op sy begrafnis net nie ophou huil nie.<\/p>\n