{"id":3473,"date":"2011-03-16T09:59:00","date_gmt":"2011-03-16T07:59:00","guid":{"rendered":"http:\/\/rooirose.dvlp.site\/dun-haartjies\/"},"modified":"2017-04-23T13:04:10","modified_gmt":"2017-04-23T11:04:10","slug":"dun-haartjies","status":"publish","type":"post","link":"https:\/\/novanews.co.za\/rooirose\/dun-haartjies\/","title":{"rendered":"Dun haartjies?"},"content":{"rendered":"

Is dit jou ma se skuld? <\/strong>
\nOns raak ook bles, net op \u2019n ander manier. Waar mans se haarlyn al ho\u00ebr opskuif en \u2019n groeiende vleiskuif wys, word ons hare oraloor yler. Mans en vroue erf die gene hiervoor by ons ma\u2019s.<\/p>\n

Kan jy haar blameer?<\/strong>
\nKyk bo-op jou kop en spesifiek om jou middelpaadjie, want dis waar jou hare eerste yler gaan word as \u2019n bles toekoms op jou wag. Aan die begin wys blesheid makliker by mans, maar teen tagtig het bles vroue en mans byna ewe min hare op die kop. Dan het nege uit twaalf mans \u2019n einakroon, teenoor sewe uit twaalf vroue.<\/p>\n

Hoewel jy die algemeenste geen vir blesheid van jou ma erf, is daar minstens twee ander stelle gene by haarverlies betrokke, wat jy van enige van jou voorsate\u00a0 kon ge\u00ebrf het. Nog nie lus vir \u2019n bles, of dan nou yl hare, nie? <\/strong>
\nJy kan jou gene DHT (een van die testosteroonhormone) en die reseptore waarop dit inwerk, fnuik, of minstens stuit. Die maklike roete is met pilletjies met die aktiewe bestanddeel finasteried (net vir mans) of \u2019n haarspoelmiddel met monoxidil (vir mans en vroue). Jy moet hiermee begin voor jou hare werklik yl is, want dit red net bestaande hare. Maar begin n\u00f3\u00fa. As jy eers die hare verloor het, is hulle weg. Dit werk ook net terwyl jy dit gebruik \u2026 maar dit werk. Altwee kom teen \u2019n prys: party mense wat monoxidil gebruik, kla dat hul kopvelle jeuk en\/ of van skilfers.<\/p>\n

En dit neem tyd, want jy moet jou kopvel twee keer per dag behandel. Finasteried is meer kommerwekkend: dis teratogenies (dit veroorsaak geboorte-afwykings by babas) en vroue wat swanger is, of nog swanger wil raak, moet letterlik nie eens aan die pilletjies vat nie. Daar is selfs vrae of babas van mans hierop dalk ook aangetas kan word. Daarby het dit by tot 18% van mans erektiele disfunksie tot gevolg. Studies in Brittanje en Swede wys die probleem bly, al staak hierdie slagoffers die medikasie. Die kans op manlike borskanker kan ook nie uitgeskakel word nie.<\/p>\n

Wat van natuurliker maniere? <\/strong>
\nJy kan ook jou DHT effens verlaag deur doodgewone oefening wat jou insulienvlakke en dus jou hormoonvlakke so goed moontlik hou, mits jy intensief oefen. \u2019n Stappie om die blok deug nie. \u2019n Laevetdieet met genoeg prote\u00efen kan dalk voorkomend wees. Verruil dus die lekker vet vleis, spek, sjokolade en koek vir amandels, grondbone, laevetvleis soos hoenderborsie sonder vel en steak minus die vet randjie.
\n
\n<\/strong>Is dit die Pil? <\/strong>
\nJou hormone het \u2019n groot invloed op jou hare maar die Pil sal hulle eerder laat groei. Tog, as jy staak, kan jy tydelik meer hare verloor. As jy skielik hare verloor, kyk beslis wat die afgelope drie maande ten opsigte van jou hormone gebeur het. Groot skommelings soos met swangerskap, \u2019n bevalling en die menopouse lei dikwels tot haarverlies. Sodra jou hormone na normaal terugkeer, behoort jou haredos binne drie maande uit te groei. En as dit nie gebeur nie? Soms help hormoonterapie, as jy dit mag gebruik. Maar jou gene en DHT-vlak gaan ook \u2019n rol speel en dus is daar nie \u2019n waarborg nie.
\n
\n<\/strong>Of dalk jou skildklier? <\/strong>
\nHaarverlies is een van die vroe\u00eb tekens van skildklierprobleme. Jy het moontlik \u2019n onderaktiewe skildklier as jy saam met haarverlies ook koulik, moeg en depressief is, en bros naels, ekstra gewig en \u2019n dro\u00eb vel het. Simptome wat \u2019n ooraktiewe skildklier verklap, is nie net haarverlies nie maar ook gewigverlies, bewerigheid, depressie, hiperaktiwiteit, angstigheid, hartkloppings en naarheid. Laat jou dokter of \u2019n endokrinoloog jou help. Op die regte medikasie kan jou hare binne drie maande herstel.<\/p>\n

Het jy alopecia areata \u2018aangesteek\u2019? <\/strong>
\nMin is bekend oor hierdie soort haarverlies, buiten dat die meeste lyers heeltemal gesond is en dat jy \u2019n groter risiko daarop het as iemand in jou familie ook al sy\/haar hare verloor het \u2026 en dat jy dit hoegenaamd glad nie kan aansteek nie. Sommige mense raak heeltemal haarloos, terwyl ander kolle hare verloor. Die goeie nuus is dat die hare by sowat die helfte van mense vanself en sonder enige behandeling binne \u2019n jaar teruggroei. Maar dit kan \u2019n paar keer in jou leeftyd gebeur, en ongelukkig is kortisoon en ander medisyne wisselvallig suksesvol. Interessante hulp van Moeder Natuur: daar is voorlopige klein navorsingstudies wat wys dat dit kan help om laventelolie in die kopvel te masseer.<\/p>\n

Is dit werkstres? <\/strong>
\nHaarverlies weens stres word \u201ctelogene effluvium\u201d genoem, en nie net werkstres nie maar ook intense emosionele en fisiologiese stres, soos die dood van \u2019n geliefde, emigrasie, ho\u00eb koors, \u2019n groot gewigsverlies, intense di\u00ebte en selfs chirurgie kan veroorsaak dat jy so te s\u00ea oornag al jou of baie hare verloor. Hoe gebeur dit? \u2019n Haar het \u2019n leeftyd van drie fases: die \u201cgeboortefase\u201d waartydens die haarfollikel gestimuleer word om \u2019n nuwe haar te vorm, \u2019n groeifase wat drie jaar duur en \u2019n rusfase van een tot ses maande waartydens die haar uitval en die follikel rus. Jy het tegelykertyd hare in al drie fases, en dus is daar altyd nuwes wat die oues se plek inneem. Maar met stres word al, of baie van jou hare, onmiddellik in die rusfase ingedwing, waarna hulle kort voor lank uitval. Die meeste van jou follikels is dus op een slag in die rusfase \u2026 en jy haarloos. Die oplossing is doodeenvoudig om die bron van jou stres raak te sien en die nodige te doen om dit te hanteer of uit te skakel, waarna jou hare binne \u2019n maand of twee behoort uit te loer.
\n
\nIs dit jou haarkapper se skuld? <\/strong>
\nJa sowaar \u2026 maar jy het waarskynlik self jou haarstyl gekies. Hare in die Afrika-haarstyl gevleg \u201ctrek\u201d die hare en kan jou haarfollikels seermaak, waarna hare van beskadigde follikels uitval. Jou hare sal normaal teruggroei wanneer jy die vlegseltjies of ander styl losmaak, mits die follikels nie permanent beskadig is nie.<\/p>\n

Sit jou dokter of apteker daaragter? <\/strong>
\nNie direk nie \u2013 maar hul voorskrifte kan haarverlies veroorsaak. As jou hare uitval n\u00e1 jy met nuwe medikasie begin het, vra uit of dit dalk die oorsaak kan wees. Litium vir bipol\u00eare depressie en medikasie vir ho\u00eb bloeddruk, cholesterolbeheer, artritis, aknee (soos Roacutane), tiro\u00efedprobleme en trisikliese middels vir depressie, en chemoterapie en radioterapie vir kanker en blootstelling aan gifstowwe, is berug hiervoor. Maar jou hare herstel meestal volkome sodra jy die sondaar staak. Dis nou as jy kan, want meestal weeg die genesende voordele swaarder as die haarverlies. Maar gesels met jou dokter, in geval jy \u2019n alternatief kan gebruik. Talle siektes soos diabetes, lupus en vitiligo kan ook tot haarverlies lei. Hieraan kan nie jy of jou dokter of jou apteker veel doen nie. Haarverlies is eerder \u2019n tydige waarskuwing dat iets iewers skort. \u2019n Geheim: Haarverlies is \u2019n permanente of tydelike newe-effek van anaboliese stero\u00efede \u2013 en verklap menige sportman se sondes.<\/p>\n

Is dit die prys vir jou vegetariese leefstyl? <\/strong>
\nDit kan wees. Kitsdi\u00ebte, fratsdi\u00ebte, bulimie en anoreksie veroorsaak gou-gou ernstige tekorte aan yster en prote\u00efen (vleis en vis), wat tot haarverlies kan lei.<\/p>\n

Nog drie vrae …<\/p>\n

1. My hare groei welig \u2026 op my ken. Dit gebeur veral n\u00e1 veertig, en dui aan dat jou hormoonbalans verander het. Wat kan jy doen?<\/strong><\/p>\n