{"id":3406,"date":"2025-12-09T08:10:47","date_gmt":"2025-12-09T06:10:47","guid":{"rendered":"http:\/\/rooirose.dvlp.site\/speel-speel-skoolgereed\/"},"modified":"2025-12-09T08:10:56","modified_gmt":"2025-12-09T06:10:56","slug":"speel-speel-skoolgereed","status":"publish","type":"post","link":"https:\/\/novanews.co.za\/rooirose\/speel-speel-skoolgereed\/","title":{"rendered":"Speel-speel skoolgereed"},"content":{"rendered":"

Ons almal wil die beste vir ons kinders h\u00ea en ouers bel\u00ea baie in verrykende klasse en die regte skole. Tog is daar meer en meer kinders wat met agterstande op fisieke en spraakgebied sukkel en nie skoolgereed is nie. Dit belemmer leer en kan op die lang duur groot emosionele en sosiale probleme veroorsaak. Die skuld word direk aan ons gejaagde lewens en gebrek aan vryheid toegeskryf omdat kinders nie meer ruimte het om fiets te ry en op die gras bollemakiesie te slaan nie. Boonop is hedendaagse vermaak soos televisie en televisiespeletjies passiewe ontspanning wat wel algemene kennis en oog-handko\u00f6rdinasie ontwikkel, maar verhinder dat kinders hul basiese mylpale bereik.<\/p>\n

Die goeie nuus is dat dit eenvoudige outydse speletjies is wat kinders skoolgereed maak, eerder as duur gespesialiseerde rekenaarlesse en leeskursusse voor skool. Ons praat met \u2019n hand vol kenners om jou met raad en daad by te staan.<\/p>\n

Lees ook:\u00a0Boekuittreksel: Vyf ankers wat jou kind veilig laat voel<\/a><\/p>\n

 <\/p>\n

Maak doodseker jou kind is skoolgereed<\/strong><\/span><\/p>\n

 <\/p>\n

\u201cOm \u2019n kind wat nie gereed is nie skool toe te stuur, is gelykstaande aan emosionele mishandeling,\u201d s\u00ea Yvette Strydom, \u2019n opvoedkundige sielkundige, \u201cwant skoolgereedheid is jou heel eerste stap tot \u2019n suksesvolle skoolloopbaan.\u201d Sy sien daagliks die dilemma van kinders met \u2019n negatiewe selfbeeld en leerprobleme weens \u2019n agterstand wat van graad een af kom. \u201cSkoolgereedheid meet nie \u2019n kind se intelligensie nie, maar kyk of \u2019n kind emosioneel reg is om die druk van onderrig in \u2019n groot groep te hanteer. Soms het kinders agterstande met taal en motoriese ontwikkeling wat ook kan verhinder dat hulle die mas opkom. Die skoolervaring behoort \u2019n baie positiewe ervaring te wees, maar as \u2019n kind gedurig sukkel, ontwikkel hy \u2019n negatiewe selfbeeld wat sy akademiese potensiaal strem en selfvertroue reg deur sy skoolloopbaan negatief affekteer.<\/p>\n

\u201cEk s\u00ea altyd vir ouers dis baie beter om \u2019n kind eerder in graad R terug te hou as wat hulle graad een moet oordoen. Maar ouers moet ook besef dat \u2019n kind nie net die jaar herhaal nie. Daar moet \u2019n definitiewe program wees waar die probleme aandag kry en die terapeut, kleuterskool en ouers aktief saamwerk om seker te maak dat die kind daardie ekstra tyd ten volle benut om agterstande uit te wis.\u201d Sy voel baie sterk daaroor dat ouers nie moet toelaat dat laerskoolhoofde of kleuterskole hulle intimideer om kinders te vroeg skool toe te stuur nie. \u201cLaat toets jou kind by \u2019n geregistreerde sielkundige, want dit dien as \u2019n amptelike dokument waarmee jy \u2019n jaar uitstel verkry.\u201d As \u2019n kind nie gereed is nie, hoop die probleme op. \u201cSoms bly kinders grensgevalle vir die eerste drie jaar, maar sodra hulle in graad vier kom, het hulle begrip, organisatoriese vaardighede en gevorderde konsentrasie nodig om die werk baas te raak. Dis dan gewoonlik hi\u00e9r waar hulle nie meer kan bybly nie.\u201d<\/p>\n

Lees ook:\u00a0Begaafde kinders sukkel ook<\/a><\/p>\n

 <\/p>\n

Wat die kleuterskooljuffrou s\u00ea<\/strong><\/span><\/p>\n

 <\/p>\n

Mary van Zyl van die Fonties Kleuterskool was eers 13 jaar \u2019n graad een en twee juffrou en is nou al ses jaar by kinders in die voorskoolse jaar betrokke. \u201cOns sien deesdae beslis meer kinders met probleme ten opsigte van skoolgereedheid. Dis \u2019n feit dat omtrent alle ma\u2019s moet werk en ons veroordeel dit nie. En die meeste ma\u2019s maak tyd om aan hul kinders te bestee. Ons vind net soms dat ouers op gevorderde vaardighede fokus en van die basiese dinge vergeet. \u201cSommige kinders verras ons met hul algemene kennis, woordeskat en wiskunde, maar hulle het nie genoeg fyn motoriese ontwikkeling om \u2019n potlood ordentlik vas te hou of met \u2019n sk\u00ear te knip nie. Heelparty kinders het ook \u2019n agterstand op groot motoriese ontwikkeling en kan nie \u2019n bal vang of op een been balanseer nie. Sommige se spierontwikkeling is so swak dat hulle nie kruisbeen op die mat kan sit of regop in \u2019n stoel nie.<\/p>\n

\u201cEk het al \u2019n kind in my graad een klas gehad wat vlot kon lees nadat die ma haar voorskools geleer het. Ongelukkig het sy geen insig gehad nie en was teen die einde van die jaar een van die swakste lesers in die klas. Ouers moet versigtig wees as hulle leesprogramme (baie keer Amerikaans) gebruik wat dalk van die skool se metodes verskil.\u201d Sy vind dat dogtertjies oor die algemeen goeie fyn motoriese ontwikkeling het vir inkleur en uitknip, maar \u2019n agterstand op groot motoriese ontwikkeling. Seuntjies, wat die hele dag balle gooi en klim en klouter, kan weer nie knip of inkleur nie. \u201cOuers moet seker maak dat seuns \u00e9n dogters beide vaardighede ontwikkel.\u201d Sy benadruk dit dat dit wonderlik is as ouers by hul kinders betrokke is, maar duur programme vir voorskoolse kinders is nie die oplossing nie. \u201cLaat staan al die ekstra lesse en \u2018skoolhou\u2019 tuis. Speel eerder met jou kind buite, gooi balle, klouter en klim en lees vir hulle. Ouers kompeteer ook soms onder mekaar en plaas druk op kinders. As hulle \u2019n stewige grondslag in basiese vaardighede het, kan hulle meer suksesvol die akademiese vaardighede soos lees en skryf by die skool baasraak. As jy wel jou kind voor die tyd wil leer lees, vind uit watter metode hulle by die skool gebruik.\u201d<\/p>\n

 <\/p>\n

Werkende geheue is die geheim vir sukses op skool<\/strong><\/span><\/p>\n

 <\/p>\n

Reinette Potgieter is \u2019n remedi\u00ebrende terapeut en kom agter dat meer en meer kinders deesdae sonder die regte vaardighede hul skoolloopbaan begin. Een van die groot probleme is die gebrek aan \u2019n werkende geheue (working memory<\/em>). Dis basies \u2019n stelsel vir die tydelike storing en bestuur van inligting wat jy nodig het om komplekse kognitiewe take soos leer, redenering en begrip uit te voer. Dis jou korttermyn ouditiewe geheue wat die basis vir langtermyn geheue vorm. \u201cBaie kinders het geen insig nie en kan dus nie vorder met lees of wiskunde nie. Ouers is baie besig, maar daar\u2019s baie maniere waar jy speel-speel vir kinders begrip van woorde en syfers kan leer en hul korttermyngeheue kan verbeter – selfs met tien minute in die kombuis terwyl jy kos maak. Vra hulle om vir jou drie oranje wortels aan te gee. Of tien aartappels uit te tel.\u201d Gee \u2019n paar takies op een slag en kyk of hulle alles kan onthou en uitvoer. Sit tien minute saans opsy om vir hulle \u2019n storie te lees en toets hul geheue deur agterna vrae te vra soos: \u201cWat was die hasie se naam?\u201d Speel speletjies wat die geheue en begrip prikkel, soos Memory Game, dominoes, slangetjies en leertjies, en kaartspeletjies soos Snap saam met hulle. As jy nie tyd het, nie kan jy \u2019n oppasser leer om dit te doen.
\n
\n<\/strong><\/p>\n

Spraak- en taalontwikkeling bepaal sukses op skool<\/strong><\/span><\/p>\n

 <\/p>\n

Kerstin T\u00f6nsing is \u2019n spraakterapeut en verbonde aan die Sentrum vir Aanvullende en Alternatiewe Kommunikasie aan die Universiteit van Pretoria. \u201cSpraak en taalontwikkeling is die grootste faktor wat sukses op skool bepaal. Ons het gevorderde taal nodig om te leer en dit het \u2019n groot invloed op geletterdheid. As kinders in graad een en twee agter raak, is dit amper onmoontlik om die agterstand in te haal. Dis uiters belangrik om \u2019n taalbasis v\u00f3\u00f3r skool te vestig.\u201d Volgens Kerstin sien spraakterapeute beslis meer en meer jong kinders met spraakprobleme. \u201cDit het baie met ons gejaagde lewenstyl te doen. Taalontwikkeling geskied deur interaksie met mense en hier is die ouers die belangrikste skakel in \u2019n kind se lewe. Ons lewens is ook hoog in stres en dus kies mense passiewe vermaak soos televisie wat geen interaksie bied nie. Kinders kan ook gebrekkige luistervaardighede h\u00ea weens allergie\u00eb wat toe neuse en oorontstekings veroorsaak.\u201d<\/p>\n

 <\/p>\n

Hoe jy kan help<\/span> <\/strong><\/p>\n