Ma-lligheid<\/p>\n
Ek is nie \u2019n ma nie, dankie tog. My biologiese klok het nog nooit ingeskop nie. Buitendien lyk die hele mawees-besigheid vir my na emosionele slawerny. Kom ons wees nou maar eerlik, selfs die ma met die oopste kop, die rustigheid vanself, hou nooit op worry nie. Al is jou kinders groot en koppig-selfstandig, jy hou konstant jou hart vas.<\/p>\n
My arme ma moet. Sy\u2019t \u2019n wilde, Boheemse dogter. Eiesinnig, astrant en individualisties. Ek wonder baie keer of ma\u2019s, al is hulle hoe lief vir hul gebroedsels, nie heimlik wens hulle kon die horlosie terugdraai nie? Dalk \u2019n beter, gemoedeliker, minder gekompliseerde weergawe van \u2019n kind bestel nie? Of die bestelling onoopgemaak kon terugstuur nie? Maar sulke vrae durf jy skynbaar nie vra nie. In gesinsverband is dit soos heiligskennis. Ek weet, want ek het probeer. \u201cSou julle jul kinders wou herbestel as julle kon?\u201d vra ek vriendinne wat prentjieboek- ma\u2019s is.
\n\u2019n Ongemaklike stilte daal neer. En toe \u2019n vraende kyk op die moederlike gesigte. So asof ek die vraag in Armeens gevra het. Skielik verstaan die vroue wat o\u00eb agter hul koppe, radarore en die instink van \u2019n blinde muskiet het, glad nie wat ek bedoel nie. \u201cMy kinders is \u2019n geskenk,\u201d sis \u2019n gekrenkte \u00fcber-ma.\u201d Ja, maar jy wil soms \u2019n geskenk teruggee, nie waar nie?\u201d waag ek . \u201cDis nie \u2019n bottel badolie met \u2019n kraak in nie,\u201d raas \u2019n mede-ma. \u201cHoe durf jy my liefde vir my kinders bevraagteken?\u201d jil \u2019n ander.<\/p>\n
O, hel. Ek moet die spulletjie kalmeer, anders word ek met \u2019n pak Huggies en \u2019n versameling skoolskedules vermoor. Verander my taktiek. Ma\u2019s is hiper-emosionele wesens. \u201cDaar is nie perfekte mense, ook nie perfekte kinders nie, en ons almal wens tog maar vir ons weergawe van perfektheid, nie waar nie?\u201d Dit bring \u2019n beroering onder die gesinsgemeente. \u201cJean-Pierre se nukke kom van sy pa af,\u201d mor die een. \u201cH\u2019m, Carl\u00e9tjie het ongelukkig my skoonma se kapknie\u00eb ge\u00ebrf,\u201d murmureer \u2019n ander.
\nAha, ek sien in watter rigting hierdie gesprek draai. Ma\u2019s deflekteer, ignoreer, negeer wat hulle nie wil hoor, sien of beantwoord nie. Dis hoe hulle oorleef. Jy moet iewers beheer en blaam oorgee, anders sal jy verdrink in die skuldgevoel en die verantwoordelikheid van ouerwees. \u201cMan, ek\u2019s te besig om aan sulke nonsens te dink,\u201d hap \u2019n vreeslike praktiese ma.<\/p>\n
\u201cOukei. Oukei. Kom ek stel dit so: Wens julle nie dikwels julle kan al die lug uit jul kinders uitblaas, hulle in \u2019n laai wegpak en uithaal wanneer hulle in \u2019n gedissiplineerde en ontvanklike bui is nie? En \u2019n knoppie druk om hul nukke en grille te verander nie?\u201d Die ma\u2019s knik in \u2019n koor. Hul lag en beduie en praat oormekaar, deurmekaar, rond en bont oor hoe baie hulle van di\u00e9 re\u00ebling sal hou. Bestel skoon \u2019n ronde frozen margaritas om hul fantasie-vryheid te vier. Ek bekyk die spulletjie so selftevrede soos \u2019n vlieg in \u2019n suikerpot en onderdruk my triomf oor ek hulle in \u2019n strik laat loop het. En dit gebeur nie maklik met \u2019n ma nie. Net toe sake nou goed op vrolike dreef is, gooi ek nog \u2019n klip in die mawees-bos.<\/p>\n
\u201cEn s\u00ea nou jul kinders wou julle herbestel? Of soms in \u2019n laai wegpak, of \u2019n knoppie druk en jul nukke en grille verander? Daar\u2019s immers ook nie perfekte ouers nie.\u201d \u2019n Oorverdowende stilte daal neer. \u2019n Weerlose stemmetjie klink van agter \u2019n cocktail-glas op: \u201cEk doen net my bes.\u201d<\/p>\n
Die ander knik hul koppe effe melancholies. \u201cEk het al dikwels daaroor gewonder,\u201d erken \u00fcber-ma skugter. Dis tyd dat ek, wat niks van mawees weet nie, moet ingryp. Kindwees verstaan ek goed. Ek sit soos die bonsai-weergawe van die pous en spreek my se\u00ebning oor hulle uit. \u201cJul kinders weet hoe onvoorwaardelik jul liefde is, en eendag as hulle grootmense is, gaan hulle die onmeetbare liefde besef, en ook jul bloot menslike foute vergewe.\u201d<\/p>\n
Dankie Ma.<\/p>\n","protected":false},"excerpt":{"rendered":"
Ma-lligheid Ek is nie \u2019n ma nie, dankie tog. My biologiese klok het nog nooit ingeskop nie. Buitendien lyk die hele mawees-besigheid vir my na emosionele slawerny. Kom ons wees nou maar eerlik, selfs die ma met die oopste kop, […]<\/p>\n","protected":false},"author":9,"featured_media":98917,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[43452],"tags":[],"class_list":["post-3337","post","type-post","status-publish","format-standard","has-post-thumbnail","hentry","category-lees"],"acf":[],"yoast_head":"\n