Daar is deesdae baie meer kinders met lae spiertonus weens onderontwikkelde groot motorise beheer,\u201d s\u00ea Lizette Brunner, \u2019n graadeen-onderwyseres van Durbanville.<\/p>\n\n\n\n
\u201cKinders se spiere in hul skouers en kern is nie sterk genoeg nie en dit affekteer fyn motoriese spierbeheer wat hulle vir skryf en teken nodig het. Di\u00e9 probleem het die afgelope tien jaar geweldig toegeneem, en op die oomblik kry 15 van my klas se dertig leerlinge arbeidsterapie om spiertonus te verbeter.\u201d Ouers besef nie dat klim en klouter die grondslag l\u00ea vir belangrike motoriese ontwikkeling nie. Omdat ouers so besig is, maak hulle op tegnologie staat om kinders te vermaak.<\/p>\n\n\n\n
\u201cOns sien meer motoriese probleme in gegoede buurte omdat albei ouers gewoonlik werk en min tyd het om met die kinders te speel. Minder gegoede huishoudings het minder tegnologiese speelgoed,\u201d s\u00ea Lizette.<\/p>\n\n\n\n
Ouers sien deesdae ook nie altyd die waarde van grondslagaktiwiteite soos inkleur en knip nie. Dis belangrike fyn motorise ontwikkeling wat nodig is voor kinders suksesvol kan skryf.<\/p>\n\n\n\n
\u201cBaie kinders speel gedurig op konsoles wat nie dieselfde\u00a0handbeheer aanleer nie. Aktiewe speletjies leer kinders ruimtelike ori\u00ebntasie en as hulle hier \u2019n agterstand het, sukkel hulle om take uit te voer. Die kind kan wel slim wees, maar hy raak agter omdat hy sukkel om te skryf en take uit te voer. Speel is een van die beste maniere om te leer,\u201d s\u00ea Lynette.<\/p>\n\n\n\n
<\/p>\n\n\n\n
<\/p>\n\n\n\n
Kry \u2019n sportsoort wat jou kind se persoonlikheid pas en wat vir hom lekker is. As die kind nie van sport hou nie, of nie aangel\u00ea is daarvoor nie, doen prettige goed by die huis. Laat hulle fietsry, swem of perdry. Kry \u2019n klouterraam of trampolien, swaaitennis of \u2019n klimtol. Gaan ry fiets in \u2019n park, skop of gooi balle, speel vroteier of enige van die prettige \u201cpartytjie-speletjies\u201d wat ons as kinders gespeel het.<\/p>\n\n\n\n
<\/p>\n\n\n\n
<\/p>\n\n\n\n
Lesley-Anne Pedlar van Greenside, Johannesburg, was in 2012 een van die sportsielkundiges vir die Olimpiese en Paralimpiese atlete en glo die voordele van oefening strek veel verder as die sportveld.<\/p>\n\n\n\n
\u201cSport is \u2019n weerspie\u00ebling van die lewe, en kinders kan deur deelname baie lewenslesse leer. Dit hou soveel voordele in,\u00a0maar die houding en optrede van ouers en afrigters gaan bepaal of dit vir die kind \u2019n positiewe of negatiewe ervaring is.”<\/p>\n\n\n\n
<\/p>\n\n\n\n
<\/p>\n\n\n\n
Baie topafrigters was uitstekende spelers met uitmuntende tegniese vaardighede, maar beskik soms nie oor die baie belangrike sosiale vaardighede om die beste uit \u2019n speler te haal nie, s\u00ea Lesley-Anne.<\/p>\n\n\n\n
\u201cDaar is \u2019n groot behoefte om die afrigtingsvaardighede van afrigters te verbeter. In die groot stede is sport baie mededingend en vergeet ouers en afrigters dat pret \u2019n baie belangrike element van sport is.\u2019\u2019<\/p>\n\n\n\n
<\/p>\n\n\n\n
<\/p>\n\n\n\n
Is jou kind \u2019n uitblinker? Hou verwagtinge realisties en moenie in die slaggat trap om die kind te veel te druk nie. Baie kinders is teen die einde van laerskool al so moeg vir sportdruk dat hulle \u201cuitbrand\u201d en in die ho\u00ebrskool aan niks wil deelneem nie. Onthou om \u2019n onderskeid tussen die kind en sy talent te maak. As die kind swak vaar, is dit net die vaardigheid wat nie op sy beste was nie. Die kind is nog net so spesiaal soos hy was.<\/p>\n\n\n\n
Is jou kind gemiddeld? Beplan saam aan doelwitte sodat die kind voel hy vorder, maar teen sy eie pas en volgens sy vaardigheid. Maak seker hy hou minstens een jaar met \u2019n sportsoort vol, eerder as wat jy keer op keer geld in nuwe lesse en toerusting bel\u00ea wat n\u00e1 \u2019n paar maande hul nuwigheid verloor. Dis al hoe hulle deursettingsvermo\u00eb aanleer.<\/p>\n\n\n\n
Wil jou kind nie deelneem nie? Dink aan meer moontlikhede as die sportsoorte wat die skool aanbied. Verweerkunssportsoorte soos karate en judo is goed vir aggressiewe of aandagafleibare kinders, want dit leer hulle beheer en fokus. Dans is \u2019n wonderlike aktiwiteit en seuns en meisies hou van hip-hop-danse. Dit leer hulle ko\u00f6rdinasie, en die verskeie bewegings ontwikkel die spiere. Boonop is dit lekker sosiaal.<\/p>\n\n\n\n
<\/p>\n\n\n\n
<\/p>\n\n\n\n
Bridget Marshall van Sandton is \u2019n fisioterapeut met \u2019n belangstelling in neuro-ontwikkelingsterapie.<\/p>\n\n\n\n
\u201cOns kry toenemend kinders in graad nul, een en twee wat sukkel om te vorder. \u2019n Groot oorsaak is swak stabiliserende spiere wat jou postuur be\u00efnvloed. As die stabiliserende spiere nie sterk genoeg is nie, kompenseer die lyf deur die mobiliserende spiere in te span. Hierdie spiere se funksie is vinnige beweging en nie volgehoue sametrekkings oor lang tydperke nie. Dus word die spiere gou moeg en veroorsaak dat die\u00a0kind sukkel om stil te sit en te konsentreer. Die oorwerkte mobiliserende spiere word styf en kan nek- en hoofpyn veroorsaak.\u201d Dit be\u00efnvloed hul selfvertroue en keer dat intelligente kinders hul volle potensiaal bereik. Omdat kinders nie die basiese bewegings baasraak nie, is sport moeiliker en is dit nie vir hullelekker nie.<\/p>\n\n\n\n
<\/p>\n\n\n\n
<\/p>\n\n\n\n
\u201cEk werk al 21 jaar in di\u00e9 veld, en hoewel ouers se kennis op sekere vlakke toegeneem het, ignoreer hulle dikwels die basiese dinge omdat hulle te besig is,\u201d s\u00ea Ren\u00e9 van Pletzen, \u2019n arbeidsterapeut van Durbanville. \u201cProbleme word gewoonlik op kleuterskoolvlak al ge\u00efdentifiseer, maar omdat ouers so mededingend is,\u00a0ervaar hulle dit maklik as persoonlike kritiek en is dadelik op die verdediging.\u201d<\/p>\n\n\n\n
<\/p>\n\n\n\n
<\/p>\n\n\n\n
\u2022 Swak postuur laat kinders op \u2019n hopie sit en dan kan die diafragma en longe nie ordentlik werk nie. Daarom is energievlakke laag<\/p>\n\n\n\n
\u2022 Kinders sukkel om \u2019n potlood vas te hou omdat hul groot motoriese beheer nie die fyn motoriese beheer kan onderskraag nie.<\/p>\n\n\n\n
\u2022 Kinders kry hoofpyn omdat daar \u2019n wanbalans in spiere is.<\/p>\n\n\n\n
\u2022 Hulle word soms verkeerdelik as aandagafleibaar bestempel omdat hulle te moeg is om te luister en swak luistervaardighede ontwikkel.<\/p>\n\n\n\n
\u2022 Konsoles en televisie stimuleer kinders visueel, maar nie ouditief nie. Taalvaardighede is dan ook gewoonlik \u2019n probleem.<\/p>\n\n\n\n
\u2022 Kinders praat swak omdat spraakspiere nie ordentlik ontwikkel nie.<\/p>\n\n\n\n
\u2022 Kinders dra al hoe langer doek (soms tot op drie en vier jaar), want dermbeheer is ook aan motoriese ontwikkeling verbind.<\/p>\n\n\n\n
<\/p>\n\n\n\n
\u201cSkole fokus meestal op die akademie en vergeet dat as jy op sport fokus, baie van die sosiale probleme sal verbeter. Die sosiale voordele en lewenslesse wat kinders in sport leer, sal hulle tot in hul volwasse lewe bybly, en kan keer dat hulle by bendes betrokke raak en in misdaad verval. Maar om kinders betrokke te kry, sal leerkragte betrokke moet raak. Aktiewe ouers inspireer kinders om deel te neem en gesinne wat saam aktief is, vorm hegte bande.<\/p>\n\n\n\n
<\/p>\n\n\n\n
<\/p>\n\n\n\n
Babas behoort genoeg \u201cvloertyd\u201d te kry waar hulle vrylik beweeg en dinge ontdek. Ouer kinders kan in die huis help. Laat hulle die stoep vee, blare hark en help om die motor te was. Springtou, rekspring, rolskaatse, skaatsplanke en lemskaatse is ook goeie aktiwiteite.<\/p>\n\n\n\n
<\/p>\n\n\n\n
<\/p>\n\n\n\n