![\"Susan-Scott--Bonne-de-Bod-ATKV-Media-Veertjies-2016\"](\"https:\/\/novanews.co.za\/rooirose\/wp-content\/uploads\/2016\/05\/Susan-Scott-Bonne-de-Bod-ATKV-Media-Veertjies-2016-500x375.jpg\")
Susan-Scott en Bonne-de-Bod-ATKV-Media-Veertjies-2016<\/p><\/div>\n
*Ilse Salzwedel het\u00a0in die Februarie 2016-uitgawe van rooi rose<\/strong> ook met haar gesels. Klik hier vir die artikel<\/a>. Die volgende artikel kom uit die pen van Bonn\u00e9 self.<\/em><\/p>\n <\/p>\n Net voor die laaste volmaan van 2015, was ek een vroegaand op patrollie saam met drie veldwagters en \u2019n hond. Ons was in \u2019n droe\u00eb rivierbed in een van die mees digbevolkte renostergebiede. Swaar gewapen en in doodse stilte, het die K9-eenheid aan weerskante van my geloop. Ek het natuurlik veilig gevoel, maar was tog senuweeagtig . Dit is een van die grootste wildernisgebiede in die w\u00eareld waar bendes stropers elke uur van die dag bedrywig is, elke dag van die week, elke week van die jaar. Ek is nou al geruime tyd hiermee besig\u2026 en daar is geen ander manier om hierdie \u201crenosterstropingskrisis\u201d te beskryf as \u2019n oorlog nie.<\/p>\n In 2015 het ek myself keer op keer in hierdie situasies bevind met die manne en vroue wat letterlik die wapen opgeneem het in konflikgebiede regoor Suid-Afrika. Ek het gesien hoe veeartse noodoperasies op tientalle slagoffers uitvoer. Ek het patrollies langs grensdrade afgedoen, geloop saam met die privaateienaars onder die maanlig\u2026 gewag vir die onafwendbare om te gebeur. As hierdie vermeende stropers eers aangekeer en in die stelsel opgeneem is, het ek gesien hoe ons staatsaanklaers tre\u00eb vir tre\u00eb moes byhou by verdedigingspanne met diep sakke in lang uitgerekte borgtogaansoeke en die uitstel van hofverskynings. Duisende kilometer oor die oseaan het ek selfs die gebruikers van renosterhoring in hul sitkamers ontmoet en ondergronds in die agterstrate van Asi\u00eb se stede verdwyn om die eindproduk te sien wat soveel hartseer en geweld saai. Dit klink en voel vir my beslis soos \u2019n oorlog.<\/p>\n As ek aan die Irak oorlog \u2019n dekade gelede dink, onthou ek die deurslag wat gemaak is in die media se dekking daarvan en die term \u201cembedded journalism\u201d wat geskep is. Oorlogverslaggewers is ongekende toegang gegee tot die voorste linies omdat die insameling van inligting verander het. Ons lewe vandag in \u2019n w\u00eareld wat gedryf word deur \u2019n honger vir nimmereindigende inligting. So, die verslae van die Tweede W\u00eareldoorlog wat verskeie weke en selfs net 24 uur later vertoon was, is nie meer relevant in \u2019n era van regstreekse televisie wat gestook word deur sosiale media en \u201cburger-joernaliste\u201d nie \u2013 diegene wat in die voorste sitplekke sit waar die jongste nuus plaasvind, gewapen met slimfone wat aan die internet gekoppel is.<\/p>\n Tydens die vervaardiging van stories vir 50|50<\/a><\/span> sowel as die verfilming van my opkomende dokument\u00eare rolprent \u2018STROOP\u2019<\/a><\/span>, is ek ingebed in ons renosteroorlog, is ek \u2019n getuie nie net van die afskuwelike wandade wat gepleeg word nie, maar ook van die mense wat dit beveg. Elkeen se rol in die oorlog is belangrik, maar dit is van kardinale belang dat hulle tot by \u2019n punt bymekaarkom. Dit verbaas my telkens dat hierdie eenvoudige, logge diere vasgevang is in so \u2019n web van kompleksiteit. Die w\u00eareld van renosterstropery het soveel lae, dit is so kompleks en ten spyte van al die tyd wat ek al daarin spandeer het, bly dit \u2019n stryd as filmmaker om dit alles uit te l\u00ea vir die Suid-Afrikaanse publiek.<\/p>\n Lokprent van ‘STROOP’:<\/p>\nVanuit die voorste linies – deur Bonn\u00e9 de Bod<\/h4>\n