{"id":23434,"date":"2016-02-17T14:58:08","date_gmt":"2016-02-17T12:58:08","guid":{"rendered":"http:\/\/dev.novanews.co.za\/rooirose\/?p=23434"},"modified":"2017-07-21T15:38:34","modified_gmt":"2017-07-21T13:38:34","slug":"anel-alexander-en-ander-se-raad-teen-uitbranding","status":"publish","type":"post","link":"https:\/\/novanews.co.za\/rooirose\/anel-alexander-en-ander-se-raad-teen-uitbranding\/","title":{"rendered":"Anel Alexander en ander se raad teen uitbranding"},"content":{"rendered":"

Anel Alexander en haar akteurman, James Alexander, het n\u00e1 hul rolprent, Semi-Soet<\/em>, besef hulle ly aan uitbranding.<\/p>\n

\u201cOns het soms twintig uur per dag, sewe dae per week gewerk. Selfs vir ons, wat \u2019n groot werksvermo\u00eb het, was dit te veel. Die stres het al ons vreugde gesteel. Ons kon soggens byna nie opstaan nie. Alles was \u2019n groot krisis en ons het permanent gevoel of ons verkoue het. Dit was soos \u2019n werk-babelaas.<\/p>\n

\u201cOns het besef geen roem of geld is ons verhouding, huwelik of gesondheid werd nie. Ons het ook besef dit het in ons samelewing byna mode geword om altyd besig te wees. Moderne mense dra hul besigwees soos \u2019n mantel en is in \u2019n onbewuste kompetisie met mekaar.\u201d<\/p>\n

Anel en James het hul leefstyl met \u2019n paar eenvoudige stappe ingrypend verander:<\/p>\n

\u2022 Deesdae vat ons een dag per week af en doen iets saam. Dan kan ons die ander ses dae weer produktief werk.
\n\u2022 Ons verhouding is weer \u2019n prioriteit.
\n\u2022 Ons eet bewustelik meer vars, eenvoudige kos, en vermy suiker en gluten. Maar dit beteken nie dat ek nooit meer \u2019n stukkie koek eet nie!
\n\u2022 Ons is ook meer bewus van die produkte wat ons op ons lywe gebruik. In \u2019n w\u00eareld waaroor jy min beheer het, kan jy wel beheer wat jy in en op jou lyf sit. Dit laat jou beter en gesonder voel.<\/p>\n

 <\/p>\n

13 gevaartekens<\/h4>\n

Die Amerikaanse kenner, Vanessa Loder<\/strong>, stigter van onder meer Mindfulness Based Achievement<\/em>, noem haarself \u2019n \u201cgerehabiliteerde perfeksionis\u201d. Sy het n\u00e1 groot loopbaansukses uitgebrand, en haar definisie van uitbranding is kort en kragtig: dis fisieke of emosionele ineenstorting weens oorwerktheid of stres. Deesdae wy sy haar lewe daaraan om vroue te help om \u2019n meer gebalanseerde lewe te lei. In \u2019n Forbes-artikel<\/a> bespreek sy dertien vroe\u00eb waarskuwingstekens van uitbranding.<\/p>\n

\u2022 Jou stres- of angsvlakke<\/strong> is baie hoog, en jy ervaar \u2019n konstante gevoel van irritasie en\/of \u2019n konstante adrenalien-rush<\/em>.<\/p>\n

\u2022 Onge\u00efnteresseerdheid<\/strong> is nog \u2019n teken. Jy sukkel om te fokus en voel nie gemotiveerd by die werk nie.<\/p>\n

\u2022 Jy voel al hoe meer sinies<\/strong> en negatief<\/strong> oor alles en almal om jou. Dis moeite om met vriende kontak te hou, en jy kan selfs afgunstig op ander word. (Laasgenoemde gebeur omdat dit voel asof niemand hulle aan jou behoeftes steur nie.)<\/p>\n

\u2022 Jy eet<\/strong> net om te eet, sommer voor die TV, by jou lessenaar, of selfs in die motor.<\/p>\n

\u2022 Jy slaap<\/strong> te min. Die gemiddelde mens het sewe tot agt uur se slaap nodig \u2013 enigiets minder verhoog jou kanse op uitbranding.<\/p>\n

\u2022 Jou energievlakke is laag en jy voel altyd moeg<\/strong>. Maar dis meer as die moeg van te min slaap en te hard werk. Dis \u2019n emosionele moeg, en jy sleep jouself daagliks voort.<\/p>\n

\u2022 Jy het nooit genoeg tyd<\/strong> vir alles wat jy elke dag probeer doen nie en voel altyd gejaagd<\/strong>.<\/p>\n

\u2022 Jy is oorkrities<\/strong> op jouself en jou gedagtes is vasgevang in \u2019n voortdurende spiraal van bekommernis. Jou binnestem is nooit stil of tevrede met wat jy doen nie. Jy het min geduld of genade met jouself.<\/p>\n

\u2022 Jy word makliker siek<\/strong> \u2013 dit kan begin met iets soos hoofpyne, \u2019n omgekrapte maag, \u2019n verkoue wat jy nie afgeskud kry nie. As jy nie na jou gesondheid omsien nie, kan dit tot ernstiger toestande lei.<\/p>\n

\u2022 Jy voel afgestomp<\/strong>, en maak al hoe meer staat op suiker en\/of kafe\u00efen vir energie.<\/p>\n

\u2022 Jy kyk dalk baie meer televisie<\/strong> as voorheen, of wend jou na comfort eating<\/em>. Pasop, hierdie verslawende gedrag kan later lei tot \u2019n ekstra glas wyn of drie, en selfs dwelms. Dis alles net dinge waarmee jy jouself probeer paai om te ontsnap van hoe naby aan die rand van die afgrond jy regtig voel.<\/p>\n

\u2022 Jy is nie meer so produktief<\/strong> soos altyd nie en doen nie meer jou werk so goed nie. Dit voel of al die energie wat jy by die werk inploeg, nie genoeg resultate lewer nie.<\/p>\n

\u2022 Jy kan nie onthou wanneer laas jy \u2019n dag nie gewerk en net ontspan het nie, of jy het maande laas \u2019n behoorlike vakansie<\/strong> gehad. By die werk gun jy jouself selde \u2019n ruskans \u2013 om vir twee uur aaneen te sit en werk sonder om eers op te staan en jou bene te rek, is vir jou niks vreemds nie. Daar is eenvoudig geen tyd in jou skedule vir enigiets wat jou sal laat ontspan nie \u2013 nie eens om \u2019n rustige ete te kook, \u2019n boek te lees of sommer net in die bad te l\u00ea tot jy kalm en rustig is nie.<\/p>\n

\u2022 Jy het nie meer tyd vir enige vorm van oefening<\/strong> nie. Loder beveel aan dat jy jou topdrie-simptome uit hierdie lys kies, en besluit wat jy daaraan kan verander. Eet jy elke middag by jou lessenaar? Re\u00ebl eerder om soms vinnig saam met jou vriende te eet of \u2019n bietjie te gaan stap. As jy meer as \u2019n jaar gelede met vakansie was, re\u00ebl nou een. Kies \u2019n sperdatum wanneer jou veranderings afgehandel moet wees. \u201cS\u00ea byvoorbeeld jou vakansie moet teen \u2019n sekere datum gere\u00ebl en die vliegtuigkaartjies\/verblyf bespreek wees.\u201d Loder s\u00ea \u2019n konkrete doelwit is een van die beste maniere om jouself te dwing om tot aksie oor te gaan en iets gedoen te kry.<\/p>\n

Sy beveel ook aan dat jy \u2019n anti-uitbrandingsvennoot<\/strong> kry aan wie jy verslag oor die uitvoering van jou strategie teen uitbranding moet doen. Dit kan jou man\/vriendin\/kollega wees wat jou tot verantwoording moet roep as jy nie by jou doelwitte en veranderinge hou nie.<\/p>\n

Bron: forbes.com<\/a><\/p>\n

Luister ook hier na Vanessa<\/strong>\u00a0se inspirerende praatjie, “Sukses sonder stres”:<\/p>\n