{"id":169215,"date":"2026-10-12T12:53:22","date_gmt":"2026-10-12T10:53:22","guid":{"rendered":"https:\/\/novanews.co.za\/rooirose\/?p=169215"},"modified":"2026-10-12T12:53:22","modified_gmt":"2026-10-12T10:53:22","slug":"name-vanne-diere-en-dorpe-kry-nuwe-lewe-in-haas-se-gat-op-kyknet","status":"publish","type":"post","link":"https:\/\/novanews.co.za\/rooirose\/name-vanne-diere-en-dorpe-kry-nuwe-lewe-in-haas-se-gat-op-kyknet\/","title":{"rendered":"Name, Vanne, Diere en Dorpe kry nuwe lewe in ‘Haas se Gat’ op kykNET"},"content":{"rendered":"

Kabous Meiring<\/strong> onthou die ronde kombuistafel in hul strandhuisie in Langebaan. N\u00e1 aandete was daar seesand, papiere en penne oral, en \u2019n letter van die alfabet het bepaal watter name, vanne, diere en dorpe op die papier moes beland. Haar ma moes soms ingryp om die bestaan van \u2019n plek te bevestig: \u201cHolfontein bestaan werklik. Jy mag dit maar skryf onder \u2018h\u2019.\u201d<\/span>\u00a0<\/span><\/p>\n

Di\u00e9 bekende speletjie kry nou \u2019n plek op kykNET se Saterdagaandskedule met <\/span>Haas se Gat<\/strong>,<\/span><\/i> wat op 17 Oktober<\/strong> om 19:30 begin. Die program, wat sy naam verleen aan \u201cdown the rabbit hole\u201d, bring die nostalgie van saamspeel om \u2019n tafel na die skerm, met gesprekke wat heerlike, onverwagte rigtings inslaan.<\/span>\u00a0<\/span><\/p>\n

Kabous Meiring bied aan, Gerhard van Huyssteen<\/strong> is die spelleier, en hy word bygestaan deur Liesl Gouws<\/strong>, \u2019n triviafoendi en speletjiesfanatikus wat \u2019n permanente gas is.<\/span>\u00a0<\/span><\/p>\n

Saam met \u2019n bekende gas speel hulle in elke episode Name, Vanne, Diere, Dorpe en Dinge. \u2019n Letter word gekies en elke deelnemer gee antwoorde wat daarmee begin. Waarheen die gesprek draai, is altyd \u2019n verrassing.<\/span>\u00a0<\/span><\/p>\n

 <\/p>\n

Spring af in die rabbit hole<\/em><\/h4>\n

\u2019n Dorpsnaam<\/strong> kan \u2019n gesprek oor geskiedenis ontlok; \u2019n voornaam<\/strong> kan die geselskap tot by \u2019n popster, \u2019n stamboom<\/strong> of \u2019n onverwagte herinnering neem. Daar word nie vir punte gespeel nie. Die antwoorde gee eerder aanleiding tot stories, feite en vrae wat die deelnemers verder laat soek.<\/span>\u00a0<\/span><\/p>\n

\u201cDis veel belangriker om by interessanthede uit te kom \u2013 interessanthede wat \u2019n mens dikwels slegs diep in die hasegate kry!\u201d s\u00ea Gerhard.<\/span>\u00a0<\/span><\/p>\n

Vir hom l\u00ea die aantrekkingskrag van die oorspronklike speletjie daarin dat enigeen kan saamspeel, van jonk tot oud. Dit werk in die kar, in \u2019n restaurant of op die strand. \u2019n Mens kan pen en papier gebruik of selfs antwoorde in \u2019n WhatsApp-groep deel en die re\u00ebls aanpas om dit makliker of moeiliker te maak.<\/span>\u00a0<\/span><\/p>\n

Sy voorbereiding vir die program neem hom reeds v\u00f3\u00f3r elke opname op allerlei afdraaipaadjies. Hy kies die letter en die Dinge-kategorie deur middel van raaisels of vrae, doen navorsing oor sy eie antwoorde en probeer voorsien waarmee die ander deelnemers vorendag mag kom.<\/span><\/p>\n

As die letter byvoorbeeld W is, kan sy soektog by Waldimar begin en hom daarna na Willem en Willemien neem. Dan ontstaan vrae: Waar kom di\u00e9 name vandaan? Watter ander Afrikaanse name volg dieselfde patroon? S\u00f3 word selfs die voorbereiding \u2019n oefening in die kuns om jou nuuskierigheid te volg waarheen dit ook al mag lei.<\/span>\u00a0<\/span><\/p>\n

 <\/p>\n

Brei algemene kennis uit<\/h4>\n

Tydens die episode soek Gerhard ook in boeke, op die internet en in sy geheue na nog feite. \u2019n Antwoord waarvan hy nog nooit gehoor het nie, is vir hom \u2019n vonds.<\/span>\u00a0<\/span><\/p>\n

\u201cDink net hoe vervelig die lewe vir my sou wees as ek alles geweet het,\u201d s\u00ea hy.<\/span>\u00a0<\/span><\/p>\n

Kykers sal hom van kykNET se <\/span>Op die spel<\/span><\/i> onthou, maar met die nuwe program verken hy ander dimensies van sy belangstelling in taal. Hy is veral nuuskierig oor waar woorde en uitdrukkings vandaan kom, hoe hul betekenis verander en wat dit oor mense se denke verklap.<\/span>\u00a0<\/span><\/p>\n

En selfs Gerhard leer iets by sy tafelgenote. \u2019n Gesprek oor Harry Potter het hom, byvoorbeeld, verras met Liesl se kennis van die karakters, hul name en die diepte van die stories waarin hulle voorkom.<\/span>\u00a0<\/span><\/p>\n

 <\/p>\n

Prettige aanbieders neem deel<\/h4>\n

Kabous neem deel sonder om die inhoud vooraf te ken. Dit beteken haar eie algemene kennis word ook om die tafel getoets, en sy moet gemaklik daarmee wees dat sy soms \u2019n fout gaan maak.<\/span>\u00a0<\/span><\/p>\n

\u201cEk is dus gelykertyd kyker en aanbieder,\u201d s\u00ea sy.<\/span>\u00a0<\/span><\/p>\n

Sy beskryf haar humorsin as \u201cdrogerig\u201d en erken dat skinder en die uitpluis van stambome haar plesier verskaf.\u00a0<\/span>\u00a0<\/span><\/p>\n

Gerhard se wye belangstelling en Liesl se liefde vir popkultuur en ware misdaad sorg vir \u2019n verskeidenheid van ander moontlike gespreksrigtings. Die gas moet bereid wees om saam te speel en ook oor \u2019n eie flater te lag.<\/span>\u00a0<\/span><\/p>\n

Liesl het grootgeword in \u2019n huis waar almal altyd lus was vir \u2019n potjie van die bordspel Trivial Pursuit. Haar liefde vir feite het gebly. Sy leer graag iets nuuts en vertel dit ewe graag oor.<\/span>\u00a0<\/span><\/p>\n

\u201cEk is nie \u2019n mededingende persoon nie, maar dit is absoluut my doel om vir Gerhard te probeer uitoorl\u00ea,\u201d s\u00ea sy.<\/span>\u00a0<\/span><\/p>\n

Haar strategie is om \u2019n antwoord neer te skryf waaroor sy iets het om te vertel, maar soms neem die paniek oor en gryp sy na die eerste woord wat opkom. Tydens een van die eerste opnames het sy Mimi Coertse se naam neergeskryf, maar toe Kabous haar daaroor uitvra, kon sy aan niks dink om te s\u00ea nie. Liesl s\u00ea Kabous terg haar steeds daaroor.<\/span>\u00a0<\/span><\/p>\n

 <\/p>\n

Opwindende gaste om voor uit te sien<\/h4>\n

Die gaste wat kom saamspeel, is Henri\u00ebtta Gryffenberg<\/strong>, Daneel van der Walt<\/strong>, De Klerk Oelofse<\/strong>, Albert Pretorius<\/strong>, Janie du<\/strong> Plessis<\/strong>, Johan Stemmet<\/strong>, Dean John Smith<\/strong>, Margit Meyer-R\u00f6denbeck<\/strong>, Pedro Kruger<\/strong>, Zanne Stapelberg<\/strong>, Bibi Slippers<\/strong>, Zander Tyler<\/strong> (Jack Parow<\/strong>) en Martelize Brink<\/strong>.<\/span>\u00a0<\/span><\/p>\n

Elkeen bring hul eie kennis, stories en humor na die tafel. Kabous onthou, onder meer, Dean se verklaring vir Tulbagh se naam: \u201cHulle het geluister vanaf Mozart till Bach.\u201d<\/span>\u00a0<\/span><\/p>\n

Kykers kan tuis hul eie antwoorde neerskryf, of bloot luister waar die volgende naam, van, dier, dorp of ding die gesprek laat beland.<\/span>\u00a0<\/span><\/p>\n