{"id":168890,"date":"2026-10-01T18:45:10","date_gmt":"2026-10-01T16:45:10","guid":{"rendered":"https:\/\/novanews.co.za\/rooirose\/?p=168890"},"modified":"2026-10-01T18:47:18","modified_gmt":"2026-10-01T16:47:18","slug":"maak-so-vriende-met-jou-emosies","status":"publish","type":"post","link":"https:\/\/novanews.co.za\/rooirose\/maak-so-vriende-met-jou-emosies\/","title":{"rendered":"Maak s\u00f3 vriende met jou emosies"},"content":{"rendered":"

Deur Mariette Snyman<\/em><\/p>\n

 <\/p>\n

Opgewonde, omgekrap, trots, jaloers, kalm, verle\u00eb, woedend, salig, onseker … Ons ervaar daagliks ‘n wye spektrum van emosies en is geneig om ons lewensgehalte aan die gevoelens wat ons ervaar te meet.<\/p>\n

Is jy op goeie voet met jou emosies of word jy, soos baie van ons, by tye eenvoudig meegesleur? Doen jy jou bes om jou gevoelens te ignoreer, of steek jy hulle dalk weg?<\/p>\n

Om gebalanseerd met jou emosies om te gaan, veral in ons samelewing wat rasionele denke vooropstel, is ‘n uitdaging. Sodra ons egter begryp hoe ons emosies ontstaan, hoe- kom dit nodig is om aangename en onaangename emosies bestaansreg te gee en hoe ons ons emosies kan beheer, raak dit makliker. Boonop kan ons aanleer om positiewe gevoelens langer te geniet en negatiewe gevoelens vinniger te laat gaan.<\/p>\n

Emosies het ‘n doel, skryf emosionele intelligensie-spesialiste dr Ron\u00e9l le Roux<\/strong> en dr Rina De Klerk-Weyer<\/strong> in hul insiggewende boek, True Self; True Connections: “Gevoelens kan ons motiveer en tot aksie aanspoor, of dit nou jou passie is vir ‘n saak, of frustrasie wat jou noop om iets omtrent ‘n situasie te doen.<\/p>\n

“Daarby is elke emosie ‘n wekroep wat jou aandag op iets belangriks wil vestig. Dit verskaf waardevolle inligting oor ons begeertes, vrese en behoeftes. Om negatiewe gevoelens sonder meer te onderdruk, is allermins in ons beste belang, terwyl insig in die wereld van emosies wat tot aanvaarding lei jou lewensgehalte beduidend kan verbeter.”<\/p>\n

 <\/p>\n

Hoe ontstaan jou emosies?<\/h4>\n

Navorsing toon dat ‘n komplekse chemiese proses plaasvind wanneer jy emosies ervaar. Dit gebeur nie net in jou kop nie, maar betrek jou hele liggaam, verduidelik dr Rina en dr Ronel in True Self; True Connections.<\/p>\n

Hoewel daar verskeie ingewikkelde teorie\u00eb is wat verklaar hoe emosies ontstaan, lui een eenvoudiger teorie s\u00f3:<\/p>\n

    \n
  1. Jou sintuie \u2014 sig, gehoor, reuk, smaak en aanraking \u2014 tel inligting op.<\/li>\n
  2. Die inligting word op ‘n onderbewuste vlak ge\u00efnterpreteer ten opsigte van jou denkpatrone, vorige ervarings, waardes of behoeftes, asook ander faktore.<\/li>\n
  3. Jy ervaar sekere fisieke simptome.<\/li>\n
  4. Jy raak bewus van die simptome en gee dit ‘n naam.<\/li>\n
  5. Jy kies hoe jy gaan optree, verbaal of nieverbaal.\n
    <\/div>\n<\/li>\n<\/ol>\n

    Stap 1 tot 3 gebeur outomaties en die hele proses neem meestal so lank as wat dit neem om jou vingers te klap. Die neokorteks en limbiese stelsel sowel as die endokriene, senuwee- en immuunstelsel is hierby betrokke, wat verklaar hoekom jou hele liggaam deur die proses be\u00efnvloed word.<\/p>\n

    Gevoelens wat nie volledig ervaar en aanvaar word nie, verdwyn nie net nie. Hierdie onverwerkte emosies kan onder meer tot die volgende lei:<\/p>\n