{"id":165950,"date":"2026-06-26T16:38:36","date_gmt":"2026-06-26T14:38:36","guid":{"rendered":"https:\/\/novanews.co.za\/rooirose\/?p=165950"},"modified":"2026-06-26T16:38:36","modified_gmt":"2026-06-26T14:38:36","slug":"kokkedoor-maak-n-klassieke-terugkeer","status":"publish","type":"post","link":"https:\/\/novanews.co.za\/rooirose\/kokkedoor-maak-n-klassieke-terugkeer\/","title":{"rendered":"Kokkedoor maak \u2019n Klassieke terugkeer: Wat jy moet weet van hierdie seisoen se beoordelaars"},"content":{"rendered":"

Het jy al jou voorskoot gestryk en jou messe geslyp en vir <\/span>Kokkedoor: Klassiek <\/i><\/strong>ingeskryf?\u00a0 Indien nie, moet jy plan maak, want kykNET<\/strong> se gewilde koswerklikheidsreeks trek \u2019n klassieke baadjie aan in die nuwe seisoen, en dis beslis nie \u2019n kans wat enige onthoukok \u00f3f kinkelkok durf misloop nie.<\/span>\u00a0<\/span><\/p>\n

Kokkedoor: Klassiek<\/span><\/i> bied \u2019n platform propvol uitdagings, wat deelnemers se vaardighede voor die stoof ongetwyfeld met rasse skrede gaan verbeter en hulle dikwels die geleentheid gaan gee om hulself te oortref.<\/span>\u00a0<\/span><\/p>\n

Onder die bekwame leiding van ervare, bekende kosmense gaan hierdie die kulin\u00eare avontuur van \u2019n leeftyd wees. Deelnemers gaan nuwe vriende maak, nuwe tegnieke leer en die geleentheid kry om te wys hoe hulle met enige gereg kan toor.<\/span>\u00a0<\/span><\/p>\n

\u202f<\/span>\u00a0<\/span><\/p>\n

Die beoordelaars: \u2019n Geliefde bekende<\/span><\/b>\u00a0<\/span><\/h4>\n

Herman Lensing<\/strong> is so deel van die Suid-Afrikaanse kosw\u00eareld soos kaneelsuiker van \u2019n warm pannekoek op \u2019n re\u00ebnerige dag.<\/span>\u00a0<\/span><\/p>\n

Di\u00e9 kosskrywer, tydskrif-redakteur en TV-persoonlikheid het sy liefde vir kos by sy ma doer in Upington in die Noord-Kaap gekry. Vandag, met talle topverkoperkookboeke, toekennings en erkennings op sy kerfstok, is hy een van die land se invloedrykste en mees geliefde ster-kokke.\u202f<\/span>\u00a0<\/span><\/p>\n

Herman, wat as \u2019n sjef by die Institute of Cullinary Arts in Stellenbosch gekwalifiseer het, was ook \u2019n beoordelaar vir die onlangse <\/span>Kokkedoor: Son & see, <\/span><\/i>die tiende seisoen van die reeks wat deur die mense van Aberdeen se Kamdebo Padstal gewen is: Hanna van der Westhuizen en haar seun, Dirk.<\/span>\u00a0<\/span><\/p>\n

\u202f<\/span>\u00a0<\/span><\/p>\n

Saam met die klassiek, \u2019n vars nuwe briesie<\/span><\/b>\u00a0<\/span><\/h4>\n

Kosfoendies raak opgewonde wanneer jy die naam Jess van Dyk<\/strong> noem. Sy is deesdae die hoofsjef en eienaar van Post & Pepper-restaurant, wat in 2022 sy deure in Stellenbosch oopgemaak het. Dit is \u2019n intieme restaurant wat haar eie kookfilosofie weerspie\u00ebl: bestanddeelgerigte kos, tegniese presisie en warm, deurdagte gasvryheid.\u202f<\/span>\u00a0<\/span><\/p>\n

Sy\u202fhet \u2019n diepe waardering vir \u201cklassieke\u201d kosmense soos Nigella Lawson, Rick Stein en Gary Rhodes. Daar moet iets in die Noord-Kaap se water wees, want dis in Kuruman waar Jess met resepte grootgeword het wat van geslag tot geslag oorgedra is en jy maar kan vergeet om in die hande te kry. Hierdie resepte word bewaar asof dit staatsgeheime is.<\/span>\u00a0<\/span><\/p>\n

In haar indrukwekkende loopbaan het sy al by verskeie veelbekroonde restaurante gewerk, soos La Colombe naby Constantia, waar sy in 2012 n\u00e1 haar studies aan die vooraanstaande Silwood-sjefskool begin werk het. Hier het sy later die sous-sjef en uiteindelik die hoofsjef geword.\u202f<\/span>\u00a0<\/span><\/p>\n

Die La Colombe-restaurantgroep het haar in 2019 as hoofsjef by die Prot\u00e9g\u00e9-restaurant in Franschhoek aangestel, en sy was deel van die span wat La Colombe na Silvermist geskuif het.\u202f\u202f<\/span>\u00a0<\/span><\/p>\n

Stilsit is nie in haar gene nie. Jess was ook vir \u2019n jaar lank \u2019n privaatsjef op \u2019n luukse seiljag in die Mediterreense See.\u202f<\/span>\u00a0<\/span><\/p>\n

\u202f<\/span>\u00a0<\/span><\/p>\n

D\u00eds hoekom Herman dink jy moet inskryf<\/span><\/b>\u00a0<\/span><\/h4>\n

\u201cOns koserfenis is \u2019n ryk skatkis van onthouresepte en stories wat jy n\u00earens anders in die w\u00eareld kry soos hier in Suid-Afrika nie, en met <\/span>Kokkedoor: Klassiek<\/span><\/i> wil ons daardie stories en resepte van nuuts af vier.\u202f<\/span>\u00a0<\/span><\/p>\n

\u201cDis sonder twyfel dat kos ons saambring en verenig, en met hierdie seisoen wil ons dit wat ons uniek maak, weer met kos vier.\u202f<\/span>\u00a0<\/span><\/p>\n

\u201cVernuwing is immers die sleutelbestanddeel vir die voortbou op en ontwikkeling van ons koserfenis.\u202f<\/span>\u00a0<\/span><\/p>\n

\"Herman

Herman Lensing en Jess van Dyk is beoordelaars van “Kokkedoor: Klassiek”. Foto: Verskaf<\/p><\/div>\n

\u201cMense moet onthou dat <\/span>Kokkedoor<\/span><\/i> nie net vir die ervare sjefs is nie, maar ook vir die tannies, ooms en ouer garde wat weet hoe Suid-Afrikaanse kos moet smaak en ook graag hul kosmaak-ervarings en herinneringe met ander deel. Dit is in hul hande waar die DNS van onthoukos skuil.\u202f<\/span>\u00a0<\/span><\/p>\n

\u201cEk is bitter opgewonde oor die nuwe onthou- en kinkelkokke wat ons nog gaan ontmoet, want Suid-Afrikaanse kos is hoe ek asemhaal.\u202f<\/span>\u00a0<\/span><\/p>\n

\u201cOns wil jou unieke persoonlikheid raaksien met jou inskrywing \u2013 en natuurlik moet jy ook goeie kos kan maak.\u201d\u202f<\/span>\u00a0<\/span><\/p>\n

\u202f<\/span>\u00a0<\/span><\/p>\n

Wat beteken dit vir Jess om \u2019n beoordelaar te wees?<\/span><\/b>\u00a0<\/span><\/h4>\n

\u201cNet soos elke voornemende deelnemer is ek kinderlik opgewonde en op my senuwees, want hierdie is net so \u2019n ongelooflike geleentheid vir my ook.\u202f<\/span>\u00a0<\/span><\/p>\n

\u201cMy liefde vir kos het begin by my ouma se kospotte, maar dit het veral vlamgevat toe ek <\/span>BBC Food <\/span><\/i>se sjefs op die kassie leer ken het.\u202f<\/span>\u00a0<\/span><\/p>\n

\u201cToe begin ek om daagliks n\u00e1 skool \u2018TV-broodjies\u2019 of bloot net <\/span>tuna melt<\/span><\/i> in ons kombuis te maak. Ek het bakkies met gekerfde uie, mosterd en alles en nog wat uitgesit, nes die TV-sjefs dit gedoen het, en dan het ek stap vir stap die proses voor \u2019n kammakamera verduidelik.\u202f<\/span>\u00a0<\/span><\/p>\n

\u201cOm nou \u2019n <\/span>Kokkedoor<\/span><\/i>-beoordelaar te wees, is werklik \u2019n volsirkel-oomblik vir my. Nog voordat ek geweet het van Michelin-sterre en die w\u00eareld se top-50-restaurante het ek daarvan gedroom om op TV met kos te kan werk. En hier is ons nou!<\/span>\u00a0<\/span><\/p>\n

\u201cOns het \u2019n baie ryk geskiedenis van besonderse kosstories in ons land en huise, en as ons dit nie vertel en deel nie, gaan dit verlore raak.\u201d<\/span>\u00a0<\/span><\/p>\n

\u202f<\/span>\u00a0<\/span><\/p>\n

\u201cSkryf in!\u201d s\u00ea Jess<\/span><\/b>\u00a0<\/span><\/h4>\n

\u201cDaar is niks meer spesiaal as om jou familieresep op nasionale televisie te kan deel nie. Ons wil al die boererate, kitswenke en lekkernye sien en by jou leer \u2013 dit is bietjie van die oud gemeng met bietjie van die nuut.\u201d<\/span>\u00a0<\/span><\/p>\n

 <\/p>\n

Prysgeld<\/span><\/b>\u00a0<\/span><\/h4>\n

Het jy nog aanmoediging nodig om in te skryf? Daar is \u2019n miljoen redes om in te skryf \u2013 in die vorm van <\/span>R1 miljoen<\/span><\/b> se prysgeld vir die wenspan. En daardie gesogte Goue Haan wat weer \u2019n nuwe huis soek.\u00a0<\/span>\u00a0<\/span><\/p>\n

\u00a0<\/span><\/p>\n

Wat om te weet as jy wil inskryf<\/span><\/b>\u00a0<\/span><\/h3>\n