{"id":165779,"date":"2026-06-23T14:46:01","date_gmt":"2026-06-23T12:46:01","guid":{"rendered":"https:\/\/novanews.co.za\/rooirose\/?p=165779"},"modified":"2026-06-23T16:26:14","modified_gmt":"2026-06-23T14:26:14","slug":"n-spitsvondige-kykie-na-die-liefde-in-sondheim-se-musiekblyspel","status":"publish","type":"post","link":"https:\/\/novanews.co.za\/rooirose\/n-spitsvondige-kykie-na-die-liefde-in-sondheim-se-musiekblyspel\/","title":{"rendered":"\u2019n Spitsvondige kykie na die liefde in Sondheim se musiekblyspel"},"content":{"rendered":"

Deur<\/span> Maryke Roberts<\/span><\/em><\/p>\n

Maak gereed vir \u2019n aand van pure teater-towerspel, dromerige romanse en spitsvondige humor. Die bekroonde en immergewilde Stephen Sondheim se musiekblyspel, <\/span>A Little Night Music<\/i><\/strong>, open op 30 Junie by die Theatre on the Bay<\/strong> in die prentjiemooie Kampsbaai.<\/strong> Hierdie glansproduksie is slegs tot 12 Julie op die planke, so bespreek sommer gou jou sitplek!<\/span>\u00a0<\/span><\/p>\n

Die storie speel af in die romantiese Swede aan die begin van die 20ste eeu \u2013 \u2019n tydperk van reuse- sosiale veranderinge waar mense van die platteland na die stede gestroom het op soek na nuwe drome. Teen hierdie ryk historiese agtergrond spin die musiekblyspel \u2019n meesleurende, sensuele web van minnaars se misstappe, nostalgiese herinneringe en intense begeertes onder die dowwe Sweedse somerse lig.<\/span>\u00a0<\/span><\/p>\n

Asof die pragtige storie nie genoeg is nie, spog die produksie met van ons land se toptalent waaronder die pragtige Kaapstadse sangeres en kunstenaar, Lin\u00e9 Jordaan<\/strong>, wat uitblink in die rol van Anne Egerman, die na\u00efewe 18-jarige vrou, van die middeljarige prokureur, Fredrik Egerman (gespeel deur Jonathan Roxmouth<\/strong>).<\/span>\u00a0<\/span><\/p>\n

\"Lin\u00e9

Lin\u00e9 Jordaan (Anne Egerman) en Jonathan Roxmouth tydens “A Little Night Music”-repetisies. Hy speel haar man, Fredrik. Foto: Quiver Films<\/p><\/div>\n

Ander gewilde lede van die rolverdeling is onder andere Aviva Pelham<\/strong> as Madame Armfeldt; Samantha Peo<\/strong> as Desiree Armfeldt; Brittany Smith<\/strong> as Petra; Marcel Meyer<\/strong> as Graaf Carl-Magnus Malcolm; en Kate Normington<\/strong> as Gravin Charlotte Malcolm.<\/span>\u00a0<\/span><\/p>\n

Die stuk is ge\u00efnspireer deur Ingmar Bergman se ikoniese 1955-rolprent, <\/span>Smiles of a Summer Night<\/span><\/i>, en leen by die tradisies van die klassieke Franse klug. Dis vol skreeusnaakse, onwaarskynlike situasies. Maar die ware polsslag van die storie is Sondheim se deurdringende eerlikheid oor die menslike hart: die karakters se verlange, besluiteloosheid en misplaaste begeertes word met pure elegansie en deernis ontbloot. Dit is gelyktydig so lig en borrelend soos vonkelwyn, maar ook diep roerend.<\/span>\u00a0<\/span><\/p>\n

Die titel is die direkte Engelse vertaling van Mozart se bekende<\/span> \u201c<\/span><\/i>Serenade No. 13, Eine kleine Nachtmusik\u201d<\/span>.<\/span><\/i>\u00a0<\/span><\/p>\n

Lin\u00e9 Jordaan is beslis \u2019n ster om dop te hou! Sy het haar BMus-graad aan die Universiteit Stellenbosch verwerf (waar sy in musikologie en klassieke sang gespesialiseer het) en het reeds as student haar buiging gemaak in samewerkingsproduksies van Kaapstad Opera en AGL Opera, soos <\/span>Die Fledermaus<\/span><\/i>.<\/span>\u00a0<\/span><\/p>\n

Sy het haar kontempor\u00eare- en musiekteatervaardighede verder gaan slyp by LAMTA (gele\u00eb net daar by Theatre on the Bay!) en is in 2020 bekroon met die gesogte Fleur du Cap-teaterprys vir Belowendste Student. Sedertdien het sy gereeld gehore betower in FollowSpot Productions se treffers soos <\/span>You Should Be Dancing<\/span><\/i> en <\/span>Rouge<\/span><\/i>. Wanneer sy nie die verhoog aan die brand sing nie, deel sy haar passie as stemafrigter en musiekonderwyseres in die Moederstad.<\/span>\u00a0<\/span><\/p>\n

\"Lin\u00e9

Lin\u00e9 Jordaan in “Rouge” by Theatre on the Bay (2025\/26) in Kampsbaai. Foto: Quiver Films<\/p><\/div>\n

Sedert <\/span>A Little Night Music <\/span><\/i>in Februarie 1973 op Broadway geopen het, het dit w\u00eareldwyd harte gesteel \u2013 van Londen se Weseinde tot groot operahuise. Dit is in 1977 selfs vir die wye doek aangepas met ikone soos Elizabeth Taylor en Diana Rigg in die hoofrolle.<\/span>\u00a0<\/span><\/p>\n

Dit is natuurlik ook die tuiste van een van die mees ikoniese teaterliedjies van alle tye: die aangrypende \u201cSend in the Clowns\u201d (wat oorspronklik vir Glynis Johns geskryf is).<\/span>\u00a0<\/span><\/p>\n

Stephen Sondheim (wat ons helaas in 2021 ontval het), het as komponis en liedjieskrywer sy stempel afgedruk en word beskou as een van die invloedrykste figure in die 20ste-eeuse teatergeskiedenis. Met \u2019n gros toekennings agter sy naam insluitend \u2019n Oscar, agt Grammy\u2019s en \u2019n Pulitzer-prys, het hy die Amerikaanse musiekblyspel herdefinieer met emosionele diepte en musikale sofistikasie.<\/span>\u00a0<\/span><\/p>\n

\"Jonathan

Jonathan Roxmouth as Frederik German en Samatha Peo as Desiree Armfeldt. Foto: Quiver Films<\/p><\/div>\n

Lin\u00e9 beantwoord \u2019n paar vrae:<\/span><\/b>\u00a0<\/span><\/p>\n

Jy het \u2019n stewige agtergrond in klassieke sang en het al vroeg in jou loopbaan saam met Kaapstad Opera gewerk. Waarom dink jy is \u2019n loopbaan in opera en klassieke musiek vandag nog \u2019n goeie en verrykende rigting vir jongmense om te kies?<\/span><\/b>\u00a0<\/span><\/h4>\n

Klassieke musiek, in teenstelling met musiekteater of meer kontempor\u00eare musiek, kom uit die 16de eeu en sy grondslag l\u00ea in die 8ste\/9de Middeleeuse musiek. Hierdie musiek is gevorm deur honderde jare se invloede. \u2019n Jong kunstenaar wat klassieke musiek beoefen, leer nie net daardeur hoe om te sing of \u2019n instrument te speel nie, maar hulle leer ook hoe om musiek werklik te verstaan en te waardeer. Klassieke opleiding druk \u2019n mens nie in een rigting vas nie, en dit is gewoonlik waar jongmense wat aan die begin van hul loopbaan is, verkeerd gaan. Deur klassieke musiek leer \u2019n mens vaardighede aan wat in verskeie genres, musiekteater, onderrig en selfs kontempor\u00eare musiek gebruik kan word. Vir my was dit die beginpunt van alles wat ek vandag doen.<\/span><\/p>\n

\u00a0<\/span><\/p>\n

Baie mense dink steeds opera is formeel of dalk \u2019n bietjie oudmodies. Hoe wys \u2019n produksie soos <\/span><\/b>A Little Night Music<\/span><\/i><\/b> dat hierdie genre en klassieke sangtegnieke eintlik vreeslik relevant, modern en propvol pret kan wees?<\/span><\/b>\u00a0<\/span><\/h4>\n

Ek dink mense is dikwels verbaas wanneer hulle besef hoe snaaks en bekend hierdie stories eintlik is! <\/span>A Little Night Music<\/span><\/i> gaan oor liefde, verhoudings, verkeerde besluite (en regte besluite!) en mense wat hul eie psiges in die o\u00eb moet staar. Die musiek is ongelooflik slim geskryf en die stuk neem homself nie te ernstig op nie. Die klassieke styl kleur die hele prentjie pragtig in. Daar is baie humor, baie hart en baie oomblikke waar jy \u2019n stukkie van jouself in die karakters herken.<\/span>\u00a0<\/span><\/p>\n

 <\/p>\n

\"Lin\u00e9

Lin\u00e9 Jordaan in “Rocking the Bar” (2024) by Theatre on the Bay in Kampsbaai.<\/p><\/div>\n

Jy het n\u00e1 jou klassieke graad by LAMTA gaan studeer om jou kontempor\u00eare klank te slyp. Hoe help jou opera-agtergrond jou om die uitdagende en dikwels ingewikkelde musiek van Sondheim baas te raak?<\/span><\/b>\u00a0<\/span><\/h4>\n

Sondheim hou jou beslis wakker! Sy musiek is ongelooflik presies en daar gebeur baie op dieselfde tyd, en \u2019n mens moet dus kophou. My klassieke opleiding help my baie met goed soos asembeheer, musikale akkuraatheid en om vinnig moeilike musiek te leer. Ons sit die hele produksie in vier weke bymekaar. Ek is ook dankbaar vir my opleiding in musiekteater, want dit help my om die teks natuurlik en eerlik oor te dra. As akteur, wil jy altyd die \u201cwaarheid\u201d speel. Solank die voornemens eerlik is, sal die humor volg. Vir my werk die twee style eintlik baie mooi saam.<\/span><\/p>\n

\u00a0<\/span><\/p>\n

A Little Night Music<\/span><\/i><\/b> word beskryf as \u201cso lig soos sjampanje, maar deurdringend eerlik\u201d. Sonder om te veel te verklap, hoe balanseer julle as geselskap daardie heerlike komiese elemente met die dieper, emosionele trefkrag van die storie?<\/span><\/b>\u00a0<\/span><\/h4>\n

Ek dink die geheim is om die karakters ernstig op te neem. Sondheim gebruik humor om ongemaklike emosies ligter te laat voel. Tussendeur al die chaos l\u00ea daar eintlik baie moeilike en eerlike vrae wat \u2019n mens soms nie weet wat om mee te maak nie. Die komedie l\u00ea in die dialoog. Die gevoel wat die stuk skep en die passie l\u00ea in die musiek. Dit is \u2019n metafoor vir menslike gedrag \u2013 alles lyk op die oog af piekfyn, maar die musiek s\u00ea iets anders.<\/span>\u00a0<\/span><\/p>\n

 <\/p>\n

\"Lin\u00e9

Lin\u00e9 Jordaan en Jonathan Roxmouth tydens repetisies “A Little Night Music”. Foto: Quiver Films<\/p><\/div>\n

Die musiekblyspel spog met die w\u00eareldberoemde lied \u201cSend in the Clowns\u201d. Wat gaan deur jou kop as kunstenaar wanneer so \u2019n ikoniese, emosionele oomblik op die verhoog afspeel, en hoe dink jy praat dit vandag nog met gehore?<\/span><\/b>\u00a0<\/span><\/h4>\n

\u201cSend in the Clowns\u201d raak \u2019n mens omdat ons uiteindelik \u2019n baie weerlose kant van die karakter sien nadat sy vir die hele produksie baie selfversekerd voorgekom het. Om moeilike lewenskeuses te moet maak, is iets waarmee almal hulle mee sal kan vereenselwig. Dit gaan oor daardie oomblikke in die lewe waar jy terugkyk en wonder of dinge anders kon uitdraai.\u00a0<\/span>\u00a0<\/span><\/p>\n

Ek dink daar is ontsettend baie mense wat die lied ken, maar hulle weet nie wat die konteks daarvan is nie, so ek sien uit dat gehore die lied kan ervaar soos Sondheim dit bedoel het.<\/span>\u00a0<\/span><\/p>\n

 <\/p>\n

\"Lin\u00e9

Lin\u00e9 Jordaan tydens repetisies vir “A Little Night Music”. Foto: Quiver Films<\/p><\/div>\n

Benewens jou eie verhoogloopbaan is jy ook baie aktief as stemafrigter en musiekopvoeder vir die jonger generasie. Sien jy \u2019n nuwe opgewondenheid by jongmense vir musiekteater en klassieke musiek wanneer hulle aan produksies soos hierdie blootgestel word?<\/span><\/b>\u00a0<\/span><\/h4>\n

Absoluut. Ek sien dit heeltyd by my studente. Baie jongmense dink klassieke musiek of musiekteater is dalk nie vir hulle nie, totdat hulle dit beleef. Hulle besef dan hoe emosioneel, uitdagend en opwindend dit eintlik is. Ek dink veral om hulle aan musiekteater bloot te stel, maak baie deure oop, want dit kombineer sang, toneelspel, dans en storievertelling op so \u2019n toeganklike manier. Daar is definitief \u2019n nuwe generasie wat opgewonde raak oor hierdie kunsvorms en ek kan nie wag om te sien waarmee die kunste ons in die toekoms gaan verras nie.<\/span>\u00a0<\/span><\/p>\n

\u00a0<\/span><\/p>\n