{"id":165604,"date":"2026-06-15T14:00:24","date_gmt":"2026-06-15T12:00:24","guid":{"rendered":"https:\/\/novanews.co.za\/rooirose\/?p=165604"},"modified":"2026-06-15T17:08:45","modified_gmt":"2026-06-15T15:08:45","slug":"staan-nader-huiskokke-en-onthoukokke-dis-weer-tyd-om-in-te-skryf-vir-kokkedoor","status":"publish","type":"post","link":"https:\/\/novanews.co.za\/rooirose\/staan-nader-huiskokke-en-onthoukokke-dis-weer-tyd-om-in-te-skryf-vir-kokkedoor\/","title":{"rendered":"Staan nader, huiskokke en onthoukokke \u2013 dis weer tyd om in te skryf vir Kokkedoor!"},"content":{"rendered":"

Die verkwiklike Kokkedoor<\/em><\/strong> \u2013 een van Suid-Afrika se gewildste koswerklikheidsreekse \u2013 is op pad terug na die kassie. Sedert 11 April 2013 inspireer Kokkedoor<\/em> kykers om sommer self agter die potte en voor die vlamme in te skuif, en nou word jy hartlik uitgenooi om vir die volgende seisoen in te skryf.<\/p>\n

Die oorspronklike formaat het sedertdien \u2019n paar kinkels en ontrimpelings ondergaan, maar die gees van die reeks het dieselfde gebly, en die program het net al hoe gewilder geraak.<\/p>\n

In die mees onlangse seisoen, Kokkedoor: Son & See<\/em>, het kykers kennis gemaak met familielede wat in spanverband teen ander moes kompeteer. Die generasiegaping van 20 jaar tussen die twee spanlede het vir baie interessante gesprekke en benaderings tot disse gesorg. Voor dit was daar twee seisoene van Kokkedoor: Vuur & vlam, waarin onthoukokke en kinkelkokke in spanne meegeding het met geregte wat hulle in, op, onder en naby vlamme of kole moes gaarmaak.<\/p>\n

 <\/p>\n

\"Hanna

Kokkedoor Son en See – Hanna en Dirk van der Westhuizen<\/p><\/div>\n

Maar Suid-Afrikaners braai nie net nie, hulle bak en brou ook al te lekker \u2013 soos met Koekedoor<\/em> (vir volwasse deelnemers) en Kokkedoortjie en Koekedoortjie (vir die kleinspan) bewys is. Die resep vir sukses in die Kokkedoor-kombuis bestaan uit entoesiasme, kooktalent, vernuf en \u2019n stywe skeut vindingrykheid: daardie vermo\u00eb om buite die boks te dink.<\/p>\n

Is jy die een wat erfenis-resepte nuwe lewe kan inblaas en kan herverbeel tot iets ongeloofliks? Of is jy die een wat ouma se voosgevatte resepteboek soos goud bewaar en tot op die letter vir jou geliefdes daaruit kook, juis omdat jy dit so goed onthou? In beide gevalle is jy dan die mens waarna Kokkedoor op soek is.<\/p>\n

Wat hierdie seisoen ekstra spesiaal gaan maak, is dat Kokkedoor weer terugkeer na die oorspronklike formaat, maar nie sonder onverwagte kinkels in die kabel nie. Kokkedoor: Klassiek gaan inspireer met tydlose kookkuns, en deelnemers tot op die uiterste in die kombuis beproef.<\/p>\n

Die vuurwarm soektog na hierdie seisoen se tien onthoukokke en tien kinkelkokke skop nou af. Moenie huiwer nie. Hierdie is dalk jou kans.<\/p>\n

Prysgeld<\/h2>\n

Daar is \u2019n miljoen redes om in te skryf \u2013 in die vorm van R1 miljoen se prysgeld vir die wenspan. En daardie gesogte Goue Haan wat weer \u2019n nuwe adres soek.<\/p>\n

Skuif gou die potte opsy, haal die tjoppie van die vuur af, sit die foon neer en doen wat jy moet doen, want dis nou tyd om in te skryf.<\/p>\n

Wat is die verskil tussen onthou- en kinkelkokke?<\/h2>\n

Onthoukokke<\/strong> is diegene wat \u2019n onblusbare fakkel vir onthoukos dra. Selfs al beskik jy oor \u2019n huishoudkunde-graad of het ervaring in \u2019n braairestaurant opgedoen, kan jy vir hierdie kategorie inskryf. Geen formele opleiding of professionele ervaring word vereis nie, solank jy \u2019n kennis en passie het vir onthoukos \u2013 soos ma en ouma dit gemaak het.<\/p>\n

Kinkelkokke<\/strong> moet \u2019n kwalifikasie as sjef h\u00ea of oor professionele kombuis-ervaring (uitgesluit koffiekroeg-ervaring) en uitstekende tegniese vaardighede beskik. \u2019n Kinkelkok hoef nie tradisie te verwerp en alles wat byderwets is te omhels nie, maar die vermo\u00eb om kreatief te herskep is van deurslaggewende belang.<\/p>\n

Spanwerk<\/strong><\/p>\n

Elke span bestaan uit \u2019n kok vanuit een van hierdie kategorie\u00eb. Die beoordelaars let op hoe goed en naatloos spanne met uiteenlopende vaardighede hul koppe (\u00e9n disse) bymekaar kan sit. Soms sal daar ook spanmaats geruil word. Spanwerk bly deurentyd een van die belangrikste aspekte.<\/p>\n

\"Kokkedoor

Kokkedoor Son en See – Hanna van der Westhuizen<\/p><\/div>\n

WAT OM TE WEET AS JY WIL INSKRYF
\n1.\u00a0 Jy moet:<\/strong><\/h2>\n