{"id":164279,"date":"2026-04-28T09:07:22","date_gmt":"2026-04-28T07:07:22","guid":{"rendered":"https:\/\/novanews.co.za\/rooirose\/?p=164279"},"modified":"2026-04-28T09:17:15","modified_gmt":"2026-04-28T07:17:15","slug":"margit-en-frank-uiteindelik-saam-op-die-verhoog","status":"publish","type":"post","link":"https:\/\/novanews.co.za\/rooirose\/margit-en-frank-uiteindelik-saam-op-die-verhoog\/","title":{"rendered":"Margit en Frank uiteindelik saam op die verhoog"},"content":{"rendered":"

Margit Meyer-R\u00f6denbeck<\/strong> is in twee produksies by die Suidoosterfees<\/strong> te sien. Sy en haar geliefde ouma-karakter krap waar dit nie jeuk nie in Ouma en die ou koeie<\/em> <\/strong>en dan is sy en Frank Opperman<\/strong> te sien in Eerste vir alles<\/em><\/strong>, \u2019n nuwe toneelstuk deur Wessel Pretorius.<\/p>\n

\"\"

Margit Meyer-R\u00f6denbeck is in twee produksies by die Suidoosterfees te sien (Foto: Gys Loubser)<\/p><\/div>\n

Waar is die saadjie vir Eerste vir alles<\/em> geplant? <\/strong><\/h4>\n

Van die eerste keer wat ek en Frank saam Skouspel<\/em> aangebied het, met ander woorde jaaare gelede, s\u00ea ons dat ons saam \u2019n show<\/em> wil doen. Toe ek hom verlede jaar raakloop, het ons dit weer ges\u00ea, maar hierdie keer het ek hom die volgende oggend gebel en ges\u00ea dit moet nie by praat bly nie. So die saadjie is al lankal geplant, dit het net baie lank gevat om te ontkiem.<\/p>\n

Die konsep van Eerste vir alles<\/em> is Frank s\u2019n – oor hoe Adam en Eva al honderde jare lewe en hoe moeg moet hulle nie al vir mekaar moet wees nie. Ek het hom gevra as hy kan kies, saam met wie sal hy graag wil werk en hy s\u00ea toe Wessel Pretorius. Ons drie het in November bymekaar gekom en Wessel het daarna begin skryf. Hy het Frank se konsep so goed vasgevat. Ja, dit gaan oor Adam en Eva, maar dit gaan oor \u2019n paartjie wat alles vir die eerste keer ervaar.<\/p>\n

Die eerste deel van die stuk word uit Eva se oogpunt vertel en die tweede deel uit Adam s\u2019n. Die eerste ontmoeting, die eerste soen, die eerste kind van 56 wat Eva gehad het..<\/p>\n

 <\/p>\n

Wat hoop jy kry feesgangers uit die stuk? <\/strong><\/h4>\n

Goeie teater en goeie komedie. Wessel skryf baie slim, maar nie so slim dat jy gaan dom voel nie. Sy taal, ritme en woordkeuses is lieflik. Hy is regtig \u2019n knap skrywer en verstaan komedie. Omdat hy self \u2019n akteur is, verstaan hy timing<\/em> so goed. Frank verwys daarna as \u2019n klassieke teks: dit gaan tyd deurstaan. Ek wil graag h\u00ea mense moet weggevoer word en lag. Ons lag te min.<\/p>\n

\"\"

Margit Meyer-R\u00f6denbeck, Wessel Pretorius en Frank Opperman (Foto: Gys Loubser)<\/p><\/div>\n

Jy en Frank kan al veterane genoem word. Hoe is dit om teenoor hom te speel?<\/strong><\/h4>\n

Dit is baie lekker. Hy is entoesiasties en altyd voorbereid. By elke repetisie is dit nie \u2019n gekla en \u2019n gekners van tande nie. Dit is dalk om ons ouer is en weet dit gaan nie help nie. Frank is \u2019n akteur wat uit sy gut<\/em> uit werk. Hy gaan absoluut op instink. Dit was nog altyd \u2019n droom om teenoor hom te speel, ook omdat hy so \u2019n lieflike mens is. Hy is volksbesit en het altyd tyd vir mense. Ek hoop die dinamika wat ons tussen ons ervaar, word op die verhoog weerspie\u00ebl.<\/p>\n

 <\/p>\n

Wat is die waardevolste les wat jy in die vermaakbedryf geleer het? <\/strong><\/h4>\n

As jy dink jy weet, dan weet jy nie. (Lag.) As jy teater doen, groei die produksie elke keer wat dit opgevoer word. Dis elke keer anders. Lizz Meiring praat altyd van muscle memory<\/em>. Dat dit in jou bene kom sit dat jy net kan speel! Die ander groot les wat ek al geleer het, is dat my kristalbal nie werk nie. As ek dink \u2019n show<\/em> gaan werk, soos byvoorbeeld by my en my man se teaterrestaurant Die Boer, dan sukkel ek soms met dinge waarmee ek nooit gedink het ek gaan sukkel nie. Mense se uitgaanpatrone het n\u00e1 die pandemie verander en die ekonomie help natuurlik nie. Ons moet ook verstaan dat ons deesdae een van mense se vele opsies vir vermaak is.<\/p>\n

\"\"

(Foto: Gys Loubser)<\/p><\/div>\n

Wat is jou raad aan jou dogter, Luca, wat in jou voetspore volg? <\/strong><\/h4>\n

Ai, ek het so gehoop die kind wil iets anders doen. (Lag.) Maar hoe s\u00ea jy nou vir iemand soos sy wat so baie talent het, nee, jy kan dit nie doen nie. Ek s\u00ea altyd vir haar sy moet meer as een ding kan doen \u2013 van skryf en sing, tot regie en speel. Die ironie is dat sy op laerskool ges\u00ea het sy stel glad nie belang nie, want sy hou nie van die publieke aandag nie en sy dink mense is wreed, en hulle is. Maar noudat sy dit wel gekies het, s\u00ea ek vir haar sy moet die bedryf as \u2019n geheel verstaan en ongelooflik hard werk. Passie is nie genoeg nie. Passie maak nie jou petroltenk vol nie. Talent is natuurlik \u2019n deel daarvan, maar dit belangrik om jou eie werk te skep. As ek wag vir die telefoon om te lui, gaan ek lank wag. Dis \u2019n wisselvallige bedryf en ek waarsku haar dat mens soms groot geleenthede gaan mis omdat jy werk, maar aan die ander kant is dit nie een oomblik vervelig nie. Nie een dag is dieselfde nie en ek dink dit pas haar geaardheid.<\/p>\n

 <\/p>\n

Waarna sien jy uit by die Suidoosterfees? <\/strong><\/h4>\n

Om met Eerste vir alles<\/em> te open. Ek word selfs in die middel van die nag wakker en s\u00ea my woorde op. Ek sien ook uit om uiteindelik Verwelkingslied<\/em> te sien, en dan is daar \u2019n klomp ander produksies wat ek wil gaan kyk. Die ander lekker ding van die Suidoosterfees, is dat dit so \u2019n kosmopolitaanse fees is. Daar is so \u2019n lekker gees. Ek sien uit om dit te beleef en sien uit om dit in die gehore te ervaar.<\/p>\n

\"\"

(Foto: Gys Loubser)<\/p><\/div>\n