{"id":163114,"date":"2026-03-20T13:47:02","date_gmt":"2026-03-20T11:47:02","guid":{"rendered":"https:\/\/novanews.co.za\/rooirose\/?p=163114"},"modified":"2026-03-20T13:47:02","modified_gmt":"2026-03-20T11:47:02","slug":"is-ruan-se-hart-nog-op-die-spel-na-bejanke-se-soen-alles-in-op-my-eish-verander","status":"publish","type":"post","link":"https:\/\/novanews.co.za\/rooirose\/is-ruan-se-hart-nog-op-die-spel-na-bejanke-se-soen-alles-in-op-my-eish-verander\/","title":{"rendered":"Is Ruan se hart nog op die spel n\u00e1 Bejanke se soen alles in ‘Op my eish!’ verander?"},"content":{"rendered":"

Episode tien van\u00a0Op my eish!<\/i><\/strong>\u00a0het met groot afwagting afgeskop toe Minette van haar oornagafspraak terugkeer. Die ander dames was gretig om alles te hoor. Sy het hulle vertel van die spesiale oomblikke wat hulle gedeel het, maar nog voordat die dag behoorlik kon begin, het Ruan besef hy moet twee moeilike besluite neem.<\/span><\/p>\n

Terwyl die vroue gereed gemaak het vir die dag, het Ruan vir Hermi eenkant toe geroep en haar meegedeel dat hy haar huis toe stuur. Kort daarna het hy vir Jenine vir \u2019n privaat gesprek gevra en haar ook laat weet sy sal ongelukkig moet groet. Ruan het die nuus met die oorblywende vier dames gedeel voordat hulle na die volgende aktiwiteit vertrek het, deeglik bewus daarvan dat di\u00e9 twee afskeide die groep se dinamika onmiddellik gaan verander. Saartjie was steeds vir werk weg.<\/span><\/p>\n

Die dag se uitdaging was \u2019n speelse weergawe van 30 Seconds, met al die vrae wat oor Ruan gehandel het. As \u2019n dame \u2019n vraag reg beantwoord het, kon sy een plek vorentoe beweeg. \u2019n Verkeerde antwoord het beteken sy moet \u2019n tree terug gee. Elke deelnemer het net 30 sekondes gehad om so ver moontlik te vorder, maar hoewel almal hul bes probeer het, kon geen dame die wenstreep haal nie.<\/span><\/p>\n

 <\/p>\n

\"\"<\/p>\n

 <\/p>\n

<\/a>Daarna was dit Ruan se beurt om vrae oor die vroue te beantwoord.<\/span>\u00a0<\/span>Elke deelnemer kon hom 30 sekondes lank uitvra, maar hy het dit slegs met Charlene reggekry om tot die einde te vorder. Die aktiwiteit is op \u2019n ligte noot afgesluit met drankies en gelag.<\/span><\/p>\n

Later het Ruan besluit om uiteindelik alleen saam met Bejanke tyd te spandeer \u2013 hul eerste behoorlike alleenafspraak, buiten die vinnige geselsies tydens groepaktiwiteite.<\/span><\/p>\n

 <\/p>\n

\"\"<\/p>\n

 <\/p>\n

\u201cEk moet s\u00ea Bejanke is baie rustig tot dusver, en sy het nog nie kans gehad nie. Sy het nog niks druk op my geplaas nie, en ek sien al baie uit na haar. Ek het geweet sy gaan hier wees vir \u2019n tydjie, so dis nou tyd dat ek en sy bietjie sit,\u201d het hy ges\u00ea.<\/span><\/p>\n

Hul afspraak by die boma was romanties en intiem, met \u2019n vuurtjie, peuselhappies en \u2019n sonsondergang wat die perfekte atmosfeer geskep het. Die gesprek het vinnig verdiep toe Ruan openlik sy bewondering uitgespreek het.<\/span><\/p>\n

\u201cJy\u2019s die perfekte mens wat in my lewe sal pas. Jy het \u2019n\u00a0level of maturity<\/i>\u00a0waar jy weet wat jy soek, maar jy weet ook wat jy nie gaan toelaat nie. Ek is bly jy het geduldig gebly.\u201d<\/span><\/p>\n

Die twee het ook oor Bejanke se kinders gesels, en sy het dit duidelik gemaak dat sy en haar kinders as een pakket kom. Ruan het haar gerusgestel dat hy dit verstaan, aangesien hy self ook kinders het.<\/span><\/p>\n

Bejanke het later vertel: \u201cEk hou daarvan om in sy o\u00eb te kyk. Hy laat my\u00a0smile<\/i>, en hy laat my\u00a0happy<\/i>\u00a0voel. En dit was lekker om net saam met hom \u2019n glasie wyn te kon drink en net te kon\u00a0chat<\/i>.\u201d<\/span><\/p>\n

Die aand het ge\u00ebindig met \u2019n groot romantiese oomblik toe Bejanke haar eerste soen gekry het. N\u00e1 die afspraak het Ruan erken: \u201cVanaand het Bejanke \u2019n\u00a0spanner in the works\u00a0<\/i>gegooi. Ek het besef ek het in groot moeilikheid gekom ten opsigte van… daar is sterk gevoelens.\u201d<\/span><\/p>\n

Die volgende dag het Saartjie teruggekeer, en die dames het haar vinnig op hoogte gebring van alles wat intussen gebeur het. JP het toe opgedaag om die volgende aktiwiteit aan te kondig: Twister.<\/span><\/p>\n

<\/a>Ruan het met elke dame gespeel, en wie ook al verloor het, moes \u2019n drankie wegslaan.\u00a0<\/span><\/span>Die speletjie was uitbundig en groot pret, en die groep het daarna saam in die swembad gespring om te ontspan en die oomblik verder te geniet.<\/span><\/p>\n

 <\/p>\n\n\t\t