{"id":163067,"date":"2026-03-19T13:10:12","date_gmt":"2026-03-19T11:10:12","guid":{"rendered":"https:\/\/novanews.co.za\/rooirose\/?p=163067"},"modified":"2026-03-19T13:31:20","modified_gmt":"2026-03-19T11:31:20","slug":"20-jaar-2-kinders-en-steeds-verlief-nico-en-christi-panagio-vier-hul-20ste-huweliksherdenking","status":"publish","type":"post","link":"https:\/\/novanews.co.za\/rooirose\/20-jaar-2-kinders-en-steeds-verlief-nico-en-christi-panagio-vier-hul-20ste-huweliksherdenking\/","title":{"rendered":"20 jaar, 2 kinders en steeds verlief: Nico en Christi Panagio vier hul 20ste huweliksherdenking"},"content":{"rendered":"

Deur Milan Murray. <\/span><\/em><\/p>\n

 <\/p>\n

Christi Panagio<\/strong> lig haar sonbril vir \u2019n oomblik om my in die o\u00eb te kyk. \u201cKan ons mekaar net gou eers behoorlik groet?\u201d lag sy vriendelik voor sy weer die sonbril laat sak. Die Desember-son weerkaats wit teen die elegante banke van die Mediterreense restaurant op Kalkbaai. Nico<\/strong> maak seker dat sy vrou gemaklik in die skaduwee sit voor hy my hartlik groet. Die prentjie herinner \u2019n mens aan \u2019n klassieke fliek. \u2019n Bogart en \u2019n Bergman.<\/span><\/p>\n

\"\"

(Foto’s: Willem Botha; Hare en grimering: Willem Botha Beauty; Groen rok: Elrico Zarr)<\/p><\/div>\n

Hoewel die Panagios gereeld oorsee reis, meen hulle steeds dat Kaapstad een van die mooiste plekke in die w\u00eareld is om te bly.\u00a0 Christi het \u2019n liefde vir dekor en binnenshuise ontwerp en haar huis is haar hawe.\u00a0<\/span><\/p>\n

\u201cOns het \u2019n 180-grade uitsig op die see en 180-grade uitsig op die berg. Dis so mooi.\u201d Sy geniet dit om nes te skop en beskryf haar ontwerpstyl as<\/span> beach-boho<\/span><\/i>, oftewel strand-boheems, maar spot dat sy dit gereeld verander.<\/span><\/p>\n

Nico lig sy hand om te onderbreek. \u201c As ek vir werk weggaan, is een van die hoogtepunte van my dag om my vrou se stem oor die telefoon te hoor, maar as sy in die middel van die gesprek \u2019n sin begin met: \u2018Luister …\u2019, dan weet ek hier kom \u2019n dekorversoek!\u201d\u00a0\u00a0<\/span><\/p>\n

\u201cDit help ook nie dat ek die kinders tuis onderrig nie. Ek is dus heeldag daar en sien gereeld dinge wat ek wil mooi maak,\u201d verdedig sy.\u00a0<\/span><\/p>\n

Die besluit om hul twee dogters, Evah (15) en Shay (13), tuis te onderrig, is onlangs geneem. \u201cDit het eintlik stelselmatig begin gebeur. As ons gesin vir twee maande van \u2019n jaar vir die verfilming van <\/span>Survivor weg is,<\/span><\/i> moet ek noodgedwonge die studieverpligtinge oorneem. Daardie direkte betrokkenheid by hul opvoeding het my die voorreg gegee om my kinders in hul uniekheid te leer ken. Hulle het geblom. Toe ek dit begin vergelyk met hul houding en lewensuitkyk wanneer hulle weer terug in die formele skoolstelsel is, was tuisskool voor-die-hand-liggend.\u201d\u00a0<\/span><\/p>\n

Dis egter vir haar \u2019n groot uitdaging en nie altyd maklik nie, erken sy. Die kurrikulum is iets nuuts om aan gewoond te raak en soms ver buite haar verwysingsraamwerk. \u201cMy een kind neem Latyn!\u201d roep sy uit.\u00a0<\/span><\/p>\n

Nico beaam dat dit die beste besluit vir hul kinders is en hy kry \u2019n sagte blik in sy o\u00eb as hy van sy vrou praat. \u201cDaar is min mense wat ek ken met sulke sterk oortuigings soos Christi. Haar onwrikbare geloof in \u2019n oortuiging of keuse asook haar persoonlike instink is iets waarop ek baie staatmaak. En sy is gewoonlik reg!\u201d\u00a0<\/span><\/p>\n

Christi haal haar sonbril af en kyk na die diktafoon op die tafel. \u201c<\/span>Record<\/span><\/i> hierdie ding? Maak seker dit het daardie stukkie opgeneem. Hy\u2019t ges\u00ea ek is gewoonlik reg! Stuur vir my daai stemgreep!\u201d\u00a0<\/span><\/p>\n

Die skerts en draaksteek tussen Nico en Christi is tipies van hierdie gelukkig getroude paartjie. Hulle is vanjaar reeds 20 jaar getroud en 26 jaar saam. \u201cOns is doodgewoon,\u201d s\u00ea Christi ernstig. \u201cOns het ook uitdagings en druk en bekommernisse. Die prentjie na buite lyk idillies, ja, en ons tel ons se\u00ebninge elke dag, maar ek sukkel heel moontlik met dieselfde alledaagse dinge as wat die meeste mense doen.\u201d\u00a0<\/span><\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by Christi Panagio (@christi.panagio)<\/a><\/p>\n<\/div>\n<\/blockquote>\n