{"id":162918,"date":"2026-03-13T13:23:41","date_gmt":"2026-03-13T11:23:41","guid":{"rendered":"https:\/\/novanews.co.za\/rooirose\/?p=162918"},"modified":"2026-03-13T13:23:41","modified_gmt":"2026-03-13T11:23:41","slug":"onthul-en-in-gesprek-span-kragte-saam-lourensa-eckard-ondersoek-aanlyn-dobbel","status":"publish","type":"post","link":"https:\/\/novanews.co.za\/rooirose\/onthul-en-in-gesprek-span-kragte-saam-lourensa-eckard-ondersoek-aanlyn-dobbel\/","title":{"rendered":"‘Onthul’ en ‘In gesprek’ span kragte saam: Lourensa Eckard ondersoek aanlyn dobbel"},"content":{"rendered":"

Die hoog aangeskrewe Onthul<\/em><\/strong>-reeks se ondersoekende joernalistiek het nou \u2019n nuwe tuiste gevind as \u2019n spesiale episode van In gesprek <\/em>op kykNET, met die bekroonde joernalis Lourensa Eckard<\/strong> as aanbieder van beide programme.<\/p>\n

\u201cOnthul <\/em>is bekend daarvoor dat dit kwessies van openbare belang van alle invalshoeke ondersoek sodat die kyker sy eie oordeel kan fel. Dit is waarom ek so opgewonde is oor die samewerking tussen In gesprek <\/em>en Onthul,\u201d <\/em>s\u00ea Lourensa oor di\u00e9 nuwe kombinasie wat vir die eerste keer op Maandag 16 Maart uitgesaai word.<\/p>\n

 <\/p>\n

\"\"<\/p>\n

 <\/p>\n

Die eerste kwessie wat onder die vergrootglas kom, is die vernietigende effek wat dobbel op miljoene Suid-Afrikaners se lewens het. Hiervoor word oudergewoonte kenners en gevallestudies betrek in \u2019n episode getiteld Onthul: Aanlyn dobbel \u2013 Wie wen?<\/em><\/p>\n

Want, verduidelik Lourensa, met \u2019n slimfoon het jy jou eie casino \u2013 altyd \u2013 in jou hand. So maklik. So verleidelik. Daardie tergende vraag: Wat kan gebeur as jy net nog een keer die wiel laat tol?<\/p>\n

\u201cAanlyn dobbel in Suid-Afrika is \u2019n komplekse tema: Die bedryf bring jaarliks miljarde vir die staatskas in, maar dit is \u2019n onmiskenbare feit dat die aantal probleemdobbelaars op aanlyn platforms ook oor die laaste paar jaar die hoogte in geskiet het.\u201d<\/p>\n

En nee, jy hoef nie self \u2019n dobbelaar te wees om hierdeur geraak te word nie. Al wat dit neem, is iemand na aan jou wat nie hierdie verslawing te bowe kan kom nie.<\/p>\n

Soos Oscar Bishop, \u2019n gewese dobbelverslaafde wat sy finansi\u00eble tekorte met dobbel probeer aanvul het \u2013 tot hy alles in \u2019n kits verloor het. Hy was egter nie die enigste verloorder nie. Die mense naaste aan hom het ook onder sy verslawing gely.<\/p>\n

\u201cAs jy meer geld maak, begin jy meer geld insit,\u201d aldus \u2019n anonieme deelnemer aan die program, \u2019n student wat ontken dat hy \u2019n dobbelprobleem het. Hy glo verliese moet maar oploop tot op die punt waar die geld weer teruggewen word. Maar hoeveel dobbelaars verklap werklik hoeveel hulle verloor het tot daardie groot wen?<\/p>\n

 <\/p>\n

\"\"<\/p>\n

 <\/p>\n

Lourensa kyk ook dieper na die kwessie van probleemdobbelaars. Sy beskryf hulle as verslaafdes aan die een kant en, aan die ander kant, mense wat dobbel sien as \u2019n wyse om hul inkomste aan te vul.<\/p>\n

\u201cDie maatskaplike tol wat dit eis, is enorm, want dit is dikwels die mense wat dit die minste kan bekostig, wat hulle tot hierdie platforms wend.\u201d<\/p>\n

\u00a0<\/em>Maar is dit bloot net desperaatheid wat studente noop om hul NSFAS-befondsing uit te dobbel? En wat word daaromtrent gedoen?<\/p>\n

\u201cDaar is beslis \u2019n besef aan die kant van die Nasionale Dobbelraad en selfs die dobbelmaatskappye dat daar \u2019n probleem is, maar die feit is dat mens hier te make het met volwassenes wat hul eie besluite moet en mag maak. Die dieperliggende vraag is: Waarom is so baie Suid-Afrikaners finansieel desperaat? Die kalf is nog nie in die put nie, maar hy het nie ver om te val nie,\u201d s\u00ea Lourensa.<\/p>\n

Daar is ook skokkende statistiek oor pensioenarisse wat hul karige Sassa-toelaes aanwend in die ewige hoop om groot te wen vir \u2019n beter lewe.<\/p>\n

Is daar enige planne deur die Departement van Handel, Nywerheid en Mededinging (DHNM) om wetgewing rondom aanlyn dobbelary in werking te stel?<\/p>\n

\u201cDaar is tans baie druk van alle rolspelers om die wetgewing so gou moontlik op datum te kry. Ek is hoopvol dat dit vinnig sal gebeur,\u201d s\u00ea Lourensa.<\/p>\n

 <\/p>\n

Deelnemers* aan die program sluit in: <\/strong><\/p>\n