{"id":161265,"date":"2026-01-28T11:05:18","date_gmt":"2026-01-28T09:05:18","guid":{"rendered":"https:\/\/novanews.co.za\/rooirose\/?p=161265"},"modified":"2026-01-28T11:06:04","modified_gmt":"2026-01-28T09:06:04","slug":"een-keer-om-die-son-alma-van-heerden-vertel-meer-oor-haar-eie-reis-om-die-son","status":"publish","type":"post","link":"https:\/\/novanews.co.za\/rooirose\/een-keer-om-die-son-alma-van-heerden-vertel-meer-oor-haar-eie-reis-om-die-son\/","title":{"rendered":"‘Een keer om die son’: Alma van Heerden vertel meer oor haar eie reis om die son"},"content":{"rendered":"

Deur Karlien Meiring. Foto’s: kykNET\/Verskaf<\/em><\/p>\n

 <\/p>\n

Met die tweede seisoen van Een keer om die son<\/em><\/strong> wat reeds kykers se harte aangryp, is dit veral Leandri van Wyk se storielyn wat diep tref. Die slim, pligsgetroue tiener, vertolk deur die talentvolle jong aktrise Alma van Heerden<\/strong>, staan voor groot uitdagings, en dit lyk of haar gesondheid \u2019n ernstige rol gaan speel.<\/p>\n

Wat baie kykers dalk nie weet nie, is dat Alma self as tiener haar eie siektestryd moes deurmaak toe sy in 2018 met leukemie gediagnoseer is en gevolglik haar graad 10-jaar moes laat wag om chemoterapie te ontvang.<\/p>\n

 <\/p>\n

\"\"<\/p>\n

 <\/p>\n

Sy erken dat haar eie pad met siekte haar gehelp het om Leandri beter te verstaan. \u201cEk dink my diagnose het dit makliker gemaak om in Leandri se headspace<\/em> te kom,\u201d vertel Alma. \u201cHoewel ek nie doelbewus uit my eie trauma geput het vir die emosionele tonele nie \u2013 elke keer wat ek dit probeer het, het ek vir myself begin lag \u2013 het ek w\u00e9l Leandri se manier om die diagnose weg te stoot baie goed verstaan. Daardie amperse ontkenning van die realiteit. Ek het self geweier om heeltemal te erken dat ek siek was, want ek was bang mense begin my sien as \u2019n siekte in plaas van \u2019n mens.\u201d<\/p>\n

Daardie ervaring het ook haar lewensuitkyk permanent verander. \u201cMens vat nie sommer die lewe as vanselfsprekend n\u00e1 so \u2019n storie nie.\u201d<\/p>\n

 <\/p>\n

\"\"<\/p>\n

 <\/p>\n

Hoewel Leandri se emosionele tonele intens is, was dit ironies genoeg iets heel anders wat Alma die meeste op stel laat sweet het. \u201cLeandri is mos \u2019n vreeslike slimkoppie, so sy gooi sommer mediese begrippe rond asof dit niks is nie! Daar was een toneel waartydens ek niks woorde kon onthou nie, en as ek dit onthou het, het ek dit nog verkeerd uitgespreek ook!\u201d lag sy.<\/p>\n

Wanneer sy oor die ooreenkomste tussen haarself en Leandri praat, meen sy. \u201cOns is vir seker baie dieselfde as dit by hardkoppigheid kom. Ek sal daarvan hou om te dink ek\u2019s so slim soos sy, maar sekere tonele het my lelik aarde toe gebring!\u201d Sy voeg by dat sy in haar eie lewe baie energieker is as haar karakter. \u201cEk is \u2019n verskriklike fiksheid-freak, <\/em>ek love<\/em> \u2019n draffie en \u2019n gim-sessie. Ek is oortuig Leandri sal dit glad nie as \u2019n bederf sien nie!\u201d<\/p>\n

Alma vertel Leandri se reis hierdie seisoen het baie te doen met aanvaarding. \u201cDaar is s\u00f3 baie verandering in haar lewe, en sy moet dinge aanvaar al breek dit haar hart n\u00f3g verder.\u201d<\/p>\n

 <\/p>\n

\"\"<\/p>\n

 <\/p>\n

Te midde van al die drama hoop Alma dat kykers iets kosbaars uit die Van Wyks se storie sal saamneem. Volgens haar l\u00ea die kern van familie juis in saamstaan, selfs wanneer woorde ontbreek. \u201cWees daar vir mekaar. Al is dit te moeilik om te praat, jou teenwoordigheid is genoeg.\u201d<\/p>\n

Alma vertel dat om weer saam met die rolverdeling te kon werk, was vir haar \u2019n \u201camazing\u201d ervaring en een wat gebou het op wat sy reeds in die eerste seisoen geleer het. \u201cEk het in seisoen een geleer om myself en Ivan Botha (die reeks se regisseur) se keuse om my vir die rol te kies, te vertrou. Ek was soms hard op myself, maar Ivan en die span het my nooit laat twyfel dat ek verdien om daar te wees nie.\u201d<\/p>\n

 <\/p>\n

\"\"<\/p>\n

 <\/p>\n

Aanlyn ken haar volgelinge haar as @almathedinosaur<\/a>, en die storie agter die naam is ewe eg en menslik. N\u00e1 haar diagnose moes sy \u2019n skooljaar herhaal en is sy in \u2019n graad onder haar oorspronklike groep geplaas. \u201cEk het soos \u2019n frieken dinosaur<\/em> gevoel in daai tyd,\u201d vertel sy. \u201cEen aand kon ek nie slaap nie en verander toe my naam. Die volgende dag het ek heeltemal daarvan vergeet, maar toe is dit nou maar so. My universiteitsvriende het my later \u2018Alma the dino\u2019 gedoop, so nou los ek dit maar!\u201d<\/p>\n

Intussen het sy ook \u2019n groot mylpaal verlede jaar bereik deur haar dramagraad aan die Universiteit Stellenbosch te voltooi, al het dit gemengde emosies gebring. \u201cMy studentejare was ongelooflik, so toe ek daai toga moes aantrek, was ek sommer heeltemal depressief. As ek my sin kon kry, was ek nog \u2019n student vir die res van my lewe en act<\/em> net so tussenin!\u201d<\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by Alma van Heerden (@almathedinosaur)<\/a><\/p>\n<\/div>\n<\/blockquote>\n