{"id":161056,"date":"2026-01-20T16:11:10","date_gmt":"2026-01-20T14:11:10","guid":{"rendered":"https:\/\/novanews.co.za\/rooirose\/?p=161056"},"modified":"2026-01-20T16:20:49","modified_gmt":"2026-01-20T14:20:49","slug":"ons-kyk-terug-verlede-jaar-se-naaswenners-van-ons-ma-en-dogter-kompetisie-2","status":"publish","type":"post","link":"https:\/\/novanews.co.za\/rooirose\/ons-kyk-terug-verlede-jaar-se-naaswenners-van-ons-ma-en-dogter-kompetisie-2\/","title":{"rendered":"ONS KYK TERUG | Verlede jaar se naaswenners van ons ma-en-dogter-kompetisie!"},"content":{"rendered":"

DeurMaretha Botes. Foto’s: Verskaf<\/span><\/em><\/p>\n

 <\/p>\n

\"\"<\/p>\n

 <\/p>\n

Linza van Aswegen<\/b> (70) ken die bitter daarvan om \u2019n ouer te verloor. Sy het albei haar ouers op 21 verloor en om di\u00e9 rede is dit vir haar noodsaaklik om aan haar dogters oor te dra h\u00f3\u00e9 belangrik emosionele veerkragtigheid is. Daarsonder sal \u2019n mens moeilik die uitdagings van die lewe kan navigeer. Die lewe is \u2019n lied, ja, maar as jy nie die vaardighede het om die uitdagings te trotseer nie, kan di\u00e9 lied vinnig \u2019n nagmerrie word, s\u00ea sy.<\/span><\/p>\n

Sy en haar twee dogters, <\/span>Ler\u00e9 Heathcote<\/b> (37), \u2019n prokureur, en <\/span>Ren\u00e9 Jansen van Vuuren <\/b>(47), \u2019n somatoloog, het op die ingewing van die oomblik besluit om vir ons ma-en-dogter-kompetisie in te skryf toe Ren\u00e9 se oog die advertensie vang terwyl sy deur \u2019n <\/span>rooi rose<\/span><\/i> geblaai het. Dit was juis tydens \u2019n spesiale fotosessie wat di\u00e9 drie einde verlede jaar gere\u00ebl het. \u201cOns het gedink dit sou \u2019n heerlike geleentheid wees om van deel te wees en iets wat ons drie se band selfs hegter sou maak,\u201d s\u00ea Linza.\u00a0\u00a0<\/span><\/p>\n

Sy straal van trots oor haar dogters. \u201cDeur die genade is ek met Ler\u00e9 en Ren\u00e9 \u2019n dubbele porsie meisiemensvreugde toegedeel.\u201d Hulle woon onderskeidelik in Pretoria en Johannesburg en het tussen die twee van hulle gesorg dat Ouma Linza sommer \u2019n vyftal kleindogters ryker is. Vreugde op vreugde!<\/span><\/p>\n

Di\u00e9 ma en dogters kan land en sand oor alles en nog wat gesels. Dis een van hul geheime vir hul kosbare verhouding. Daar word saam gelag, gehuil, gespeel en gedeel. Wanneer hulle kans kry om almal saam te kuier, is dit behoorlik \u2019n fees.\u00a0<\/span><\/p>\n

Linza s\u00ea: \u201cDie spesiale dinamiek tussen ons klomp word gevoed deur wedersydse respek, eerlike kommunikasie, en onvoorwaardelike ondersteuning en liefde vir mekaar. Ons deel \u2019n onwrikbare geloof in ons Skepper. Di\u00e9 kombinasie skep \u2019n veilige ruimte waar ons almal onsself met oorgawe kan wees.\u201d\u00a0<\/span><\/p>\n

Maar soveel as wat goeie tye en mooi herinnerings met hul lewens vervleg is, is di\u00e9 gesin ook hul deel van uitdagings en minder lekker tye toegedeel. Hul grootste uitdaging nog was toe Linza se man, Johannes, \u2019n veearts, met nierkanker gediagnoseer is. Dit was of hul w\u00eareld in \u2019n oogwink in \u2019n warboel van onsekerhede verander het. \u201cDit was vir ons almal \u2019n groot onverwagse skok en \u2019n moeilike tyd, maar ons was daar vir mekaar, dag en nag. Ons het saam gehuil, gebid, gepleit by die Here, saam buite die teater gesit en wag en mekaar en hom net deurentyd ondersteun. N\u00e1 \u2019n suksesvolle nefrektomie is ons onwankelbare steun aan mekaar steeds daar,\u201d s\u00ea Linza.\u00a0<\/span><\/p>\n

Daar is n\u00f3g tye wat hulle nooit sal vergeet nie, wat hulle veerkragtigheid tot op die uiterste getoets het. Linza vertel: \u201c\u2019n Klompie jare gelede het Ren\u00e9-hulle se huis tot op die fondasie afgebrand. Ler\u00e9 het die nag daar by hulle oorgeslaap en dit was sy wat eerste daardie vroegoggend met die vlammehel teen die grasdak wakker geskrik het. Danksy Ler\u00e9 kon almal betyds wakker word en die huis ontruim, net voordat \u00e1lles deur vlamme verswelg is. Ek was daardie tyd in Amerika met vakansie en het dadelik \u2019n vlug terug geneem. Dit was die langste vlug n\u00f3g. Ek het later gevoel ek kan vir my kinders uitspring en huis toe hardloop \u00a0 \u00a0 .\u00a0<\/span><\/p>\n

\u201cDaar het ons besef dat aardse besittings binne\u2019n oogwink tot waardelose as en \u2019n moddermoeras kan verdwyn nadat die brandweer daar was. Kosbare erfstukke, foto\u2019s, juwele en alle sentimentele besittings was binne minute weg. Daardie verlies aan aardse dinge het ons net nader aan mekaar gebring. Dit het ons geleer om weg te gee, te deel, dankbaar te wees en mekaar te waardeer. Ons koester mekaar en ons koester die voorreg om mekaar te kan h\u00ea.\u201d\u00a0<\/span><\/p>\n

Hul raad aan ander ma\u2019s en dogters is om mekaar onvoorwaardelik lief te h\u00ea, want \u2019n mens weet nooit wat more bring nie. \u201cKommunikeer gereeld en moenie die klein vreugdes van gereelde saamwees misloop of gering ag nie. Dit vorm deel van jou en jul herinneringe en se\u00ebninge wat oor geslagte heen oorvertel en gekoester sal word.\u201d<\/span><\/p>\n

 <\/p>\n

Gesels en draf snoer hulle saam<\/b>\u00a0<\/span><\/h4>\n

 <\/p>\n

\"\"<\/p>\n

 <\/p>\n

Daar straal \u2019n opvallende sagtheid uit di\u00e9 ma en dogter. \u2019n Omgee vir ander. \u2019n Opregtheid wat hulle weerbaar maak in die stormgolwe van die lewe. Maar saam is <\/span>Tania <\/b>(53) en <\/span>Lara<\/b> Etzebeth <\/b>(20) \u2019n sterk span, selfs in die oog van die storm.<\/span><\/p>\n

Hulle woon in Bellville, Kaapstad, waar Tania in die finansi\u00eble bedryf woeker, en Lara \u2019n assistent- onderwyseres by \u2019n laerskool is. Dis uiteenlopende loopbane vir twee siele wat in baie opsigte dieselfde mens kon wees. Tania s\u00ea: \u201cOns is in baie opsigte soos vinkel en koljander. Ons is albei geweldig op ander ingestel en gee om as dit by mens en dier kom. Soms kyk ons net na mekaar, dan weet ons wat die ander dink.\u201d<\/span><\/p>\n

Elkeen het ook \u2019n goeie skeut kreatiwiteit weg. Tania s\u00ea: \u201cLara, \u2019n onderwyseres vir kinders in die intermedi\u00eare fase leef haar kreatiwiteit in die onderwys uit. Ek hou weer daarvan om innoverend en andersdenkend in my loopbaan te wees. Albei van ons hou daarvan om vernuwend te dink.\u201d<\/span><\/p>\n

Dit was so hittete of Tania en haar man, Clifford, het net een kind gehad. Hul oudste, Mark (25), is prematuur gebore. Met sy geboorte het die dokter besef Tania het \u2019n hartklep wat lek en genoem sy sal nie nog kinders kan h\u00ea nie. Maar \u2019n jaar later het haar ginekoloog wel die groen lig vir nog \u2019 n baba gegee, en nie lank daarna nie, is Lara gebore. \u201cVan kleins af was ons band net s\u00f3 spesiaal. Sy is my <\/span>bestie<\/span><\/i> in meer as een opsig,\u201d s\u00ea Tania.\u00a0<\/span><\/p>\n

Di\u00e9 twee was in Januarie in Mauritius. \u201cOns het lank saam gespaar en besluit ons wil \u2019n <\/span>girls only<\/span><\/i> -vakansie op die eiland h\u00ea. Dis daar wat ons toe deur \u2019n <\/span>rooi rose<\/span><\/i> blaai en ons oog die ma-en-dogter-kompetisie vang. Ons het dadelik geweet dit is die ideale geleentheid om ons storie te vertel,\u201d s\u00ea Lara.<\/span><\/p>\n

Dis \u2019 n storie met sy wortels in \u2019n hartseer plek, tog syfer daar soveel mooi uit hul verhaal dat dit \u2019n mens ge\u00efnspireer en verwonderd laat oor die krag wat in di\u00e9 twee vroue l\u00ea. Op 30 April verlede jaar \u2013op Tania se verjaarsdag \u2013 het haar broer, \u2019n depressielyer, sy eie lewe geneem. Toe nie een van die familie hom die volgende dag in die hande kon kry nie, het Tania en Lara na sy huis gehaas en op sy lewelose liggaam afgekom. \u201cEk was in \u2019n toestand en het inmekaar gesak. Dit was so verskriklik. Ons was boonop alleen. Maar net daar het ek gesien watter sterk vrou Lara is. My man, Clifford, het die dag gaan jag en Mark bly in Hong Kong. Ek en Lara moes die situasie op ons eie hanteer. So seer as wat dit was, het sy my hart help heel maak. Di\u00e9 aand het sy by my in die bed kom klim en ges\u00ea: \u2018Mamma slaap nie alleen nie\u2019.\u201d<\/span><\/p>\n

Tania, wat nog altyd gedraf het en drie marathonne voltooi het, het di\u00e9 dag besluit sy kan nie ophou hardloop nie. \u201cEk het gou agter gekom dit is die beste plek om l\u00e9kker te huil: So in die hardloop!\u201d<\/span><\/p>\n

\u00a0N\u00e1 die traumatiese ervaring het Lara saam met haar ma begin draf en nie lank nie, of sy het haar eerste halfmarathon voltooi. En hoe lekker wedywer di\u00e9 twee nie! \u201cDaar is natuurlik geld op die spel. Die een wat gedurende \u2019n oefening of wedloop die ander een wen, moet \u2019n volgende keer albei se inskrywingsgeld betaal,\u201d s\u00ea Lara. Tania s\u00ea laggend: \u201cEk sukkel deesdae maar om haar te wen! Sy\u2019s veral vinnig op \u2019n 10 km!\u201d\u00a0<\/span><\/p>\n

Om die kroon te span en dinge lekker prettig te hou, doen di\u00e9 twee een keer \u2019n week saam \u2019n moderne dansklas. \u201cDis heerlik om ‘n dogter en <\/span>bestie<\/span><\/i> in een te h\u00ea,\u201d s\u00ea Tania. Lara kruip steeds elke aand vir \u2019n rukkie by haar ma in voor hulle gaan slaap. \u201cDis die heerlikste geselstyd,\u201d s\u00ea sy. Hulle raad aan ander ma\u2019s en dogters is om nooit op te hou gesels nie. Dis die beste manier om mekaar te leer ken en om die bande al sterker te smee.\u00a0<\/span><\/p>\n

 <\/p>\n

Praat en luister verstewig hul band<\/b><\/h4>\n

 <\/p>\n

\"\"<\/p>\n

 <\/p>\n

Die ma-en- dogter-duo <\/span>Anina <\/b>(55) en <\/span>Bea le Roux<\/b> (28) se wortels l\u00ea diep geanker in die hart van die wyndistrik op die plaas Rooiheuwel buite Wellington, waar hart en siel met al die <\/span>mooi van berg en wingerd voorgesit word. Hi<\/span>\u00e9r het hulle geleer dat skoonheid \u2019n saadjie is, wat van binne af met geduld, liefde en respek groei. As jy vinnig na di\u00e9 twee kyk, kan dit lyk of jy dubbel sien.\u00a0 Van die vonkel in die o\u00eb tot die warmte waarmee hulle oor hul spesiale verhouding gesels. \u2019n Verhouding met geloof as hoeksteen en wat versigtig met liefde gebou is. Bea, \u2019n kleuterskoolonderwyseres, het hulle in die geheim vir die ma-en-dogter-kompetisie ingeskryf en eers weer daarvan onthou toe sy die e-pos met nuus dat hulle een van die naaswenners is, ontvang het. Anina, wat \u2019n gastehuis op die plaas bestuur, vertel: \u201cMy hart het \u2019n paar slae gemis, want die foto wat die inskrywing vergesel het, was sommer so <\/span>casual <\/span><\/i>een wat oor Kersfees by die see geneem is \u2026\u201d<\/span><\/p>\n

Anina, die Le Roux-gesin se steunpilaar, is laas jaar met osteoartritis gediagnoseer en die gesin het voor die werklikheid\u00a0 te staan gekom dat sy met uiterste pyn en fisieke uitdagings sou moes saamleef. Bea s\u00ea: \u201cMy ma het ons nog altyd gewys hoe om die lewe met geloof en \u2019n positiewe ingesteldheid aan te pak. Wat my die meeste be\u00efndruk het, was die manier waarop sy die diagnose hanteer het. Sy het nie moedeloos geraak nie, maar haar geloof in die Here as haar grootste krag gebruik. My ma het haarself altyd herinner om positief te bly, haar liggaam nie te ooreis nie (\u2019n reuse-uitdaging vir haar, want sy kan nie stil sit nie) en alles met \u2019n glimlag aan te pak. Ten spyte van dit alles, het my ma nooit ophou blom nie en is sy tot vandag toe nog vir ons die mooiste vrou en voorbeeld. Dit het nie net haar eie krag versterk nie, maar dit het ook ons gesin se verhouding verdiep. Ons het by haar geleer dat niks in die lewe jou kan onderkry nie, maar hoe jy \u2019n situasie hanteer die belangrikste is. Sy het ons herinner dat geen omstandighede ooit die krag van geloof, hoop en liefde kan oorweldig nie. Hierdie ervaring het ons verhouding laat groei omdat ons saam gesukkel het, maar ook saam oorwin het.\u201d<\/span><\/p>\n

Hulle droom saam om eendag \u2019n eie onderneming te h\u00ea \u2013 iets wat hulle kreatief besig sal hou. Bea s\u00ea: \u201cEk wil ook nog die w\u00eareld saam met my ma platreis. Ek dink nie ek sal \u2019n beter reismaat as sy kry nie!\u201d\u00a0\u00a0<\/span><\/p>\n

Vir Anina is dit belangrik dat sy en haar dogter altyd oop gesprekke met mekaar sal h\u00ea.\u00a0<\/span><\/p>\n

\u201cEk glo dit is ook een van die redes vir ons mooi verhouding. Ons steek niks vir mekaar weg nie en gesels met mekaar oor alles \u2013 van ditjies en datjies tot ernstiger <\/span>dinge.<\/span> My droom vir Bea is natuurlik \u2013 soos enige ma \u2013\u00a0 dat sy \u2019n mooi en gesonde huwelik sal h\u00ea, maar ook dat sy haar volle potensiaal sal bereik.\u201d<\/span><\/p>\n

Dit is dan ook hul raad aan ander ma\u2019s en dogters as hulle \u2019n goeie verhouding wil h\u00ea: Kommunikeer altyd openlik en eerlik met mekaar.\u00a0<\/span><\/p>\n

\u201cDit is belangrik om nie net in die goeie tye nie, maar ook in die moeilike tye mekaar se hande te vat en saam deur die uitdagings te werk. Luister na mekaar, sonder om te oordeel, en wees bereid om te verstaan in plaas van net te antwoord. Glo in mekaar se potensiaal en wees daar om mekaar op te bou. Wees geduldig \u2013 \u2019n goeie verhouding word oor tyd en deur gedeelde ervarings gebou, of dit nou is om saam te lag, huil, of om net stil in mekaar se teenwoordigheid te wees. Moet ook nooit vergeet om elke klein oorwinning saam te vier nie, of dit nou \u2019n groot lewensgebeurtenis of iets klein is. Laastens, bou jou verhouding op \u2019n grondslag van geloof en liefde \u2013 dit is wat die uitdagings van die lewe sal oortref en die moeite werd sal maak.\u201d<\/span><\/p>\n

 <\/p>\n

\"\"<\/p>\n

\n

 <\/p>\n

Is julle ‘n ma & dogter duisend? Wen pryse van meer R85 000!<\/strong><\/h4>\n

 <\/p>\n

rooi rose is weer op soek na \u2019n ma en dogter wat \u2019n baie hegte band het.<\/p>\n

Vertel ons wat dit is wat jul verhouding so spesiaal maak en julle het \u2019n kans om \u2019n oormaak- en fotosessie deur Willem Botha en Willem Botha Beauty, \u2019n uitrusting vir elkeen deur Anel Botha Couture, \u2019n goue ring vir elk van Scherman’s en \u2019n geskenkpak vol skoonheidsprodukte van NUXE te wen. Jul fotosessie sal ook in \u2019n uitgawe van rooi rose verskyn.<\/p>\n

 <\/p>\n<\/div>\n

<\/div>\n
\n\n\t\t