{"id":161041,"date":"2026-01-20T15:23:14","date_gmt":"2026-01-20T13:23:14","guid":{"rendered":"https:\/\/novanews.co.za\/rooirose\/?p=161041"},"modified":"2026-01-20T15:28:01","modified_gmt":"2026-01-20T13:28:01","slug":"servikale-kanker-die-goeie-nuus","status":"publish","type":"post","link":"https:\/\/novanews.co.za\/rooirose\/servikale-kanker-die-goeie-nuus\/","title":{"rendered":"Servikale kanker – die goeie nuus"},"content":{"rendered":"

Deur Christa Swanepoel<\/em><\/p>\n

 <\/p>\n

 <\/p>\n

Servikale kanker kan suksesvol behandel en beheer word, mits dit vroegtydig opgespoor word.<\/strong><\/p>\n

 <\/p>\n

Lucinda Carter van Johannesburg is 16 jaar gelede met servikale kanker gediagnoseer. Vandag is sy gesond en gaan dit goed met haar. \u201cEk is dokter toe omdat ek gewig begin verloor het en pal moeg was. Ek het gereeld vir my papsmere gegaan en die kanker is juis toe ek 39 jaar oud was n\u00e1 so \u2019n roetine-ondersoek gediagnoseer.<\/p>\n

Enigiemand wat so \u2019n diagnose ontvang, sal weet met hoeveel onsekerheid, vrees en vrae dit jou laat. Wat l\u00ea vir my voor, gaan ek my hare verloor, ensovoorts. Ek was gelukkig om \u2019n sterk ondersteuningsnetwerk in my vriende en familie en natuurlik Kansa te h\u00ea.<\/p>\n

\u201cDaar is dadelik met behandeling begin en ek het sewe weke lank een maal per week chemoterapie ontvang en het daagliks oor weeksdae radiumbehandeling gekry. N\u00e1 die behandeling en toetse het ek \u2019n SMS gekry om te s\u00ea die kanker is in remissie.<\/p>\n

\u201cEk het pas 55 geword en is positief oor die toekoms. Ek wil alle vroue vra om jaarliks vir hul papsmeer te gaan. Ons is geneig om na almal om ons om te sien en onsself af te skeep, maar ruim tyd in vir jou papsmeer. Dit kan jou lewe red.<\/p>\n

\u201cEk het by Kansa betrokke geraak en sal hulle altyd dankbaar wees vir die ondersteuning toe ek dit die nodigste gehad het.\u201d Lucinda werk tans by Kansa se hoofkantoor waar sy pasi\u00ebnte met pruike help.<\/p>\n

 <\/p>\n

Meer oor servikale kanker\u00a0<\/strong><\/h4>\n

Die serviks is die onderste nou deel van die baarmoeder en lei van die baarmoeder na die vagina. Volgens die W\u00eareldgesondheidsorganisasie (WGO) word meer as 95% van servikale kankers deur die menslike papilloomvirus (MPV) veroorsaak.<\/p>\n

Infeksie as gevolg van die MPV kan vanself opklaar, maar aanhoudende infeksie kan servikale kanker veroorsaak. MPV is \u2019n groep van meer as 200 virusse wat versprei word
\nwanneer jy intiem verkeer met iemand wat die virus het.<\/p>\n

Simptome kan ontwikkel jare nadat jy besmet is, en dit is uiters moeilik om die virus vroegtydig te bespeur by vroue wat nie gereelde papsmere laat doen nie omdat die meeste mense geen simptome ervaar as die virus in hul liggame is nie.<\/p>\n

Servikale kanker is die tweede algemeenste kanker onder Suid- Afrikaanse vroue, maar ook die kanker waaraan die meeste vroue in ons land sterf. Suid-Afrikaanse vroue het 1 uit 42 kans om in hul leeftyd
\nservikale kanker op te doen. Die goeie nuus is dat met \u2019n omvattende benadering om servikale kanker te voorkom, daarvoor te toets en dit te behandel, kan dit binne \u2019n generasie as \u2019n openbare gesondheidsprobleem ge\u00eblimineer word, meen die WGO.<\/p>\n

 <\/p>\n

Wat is\u00a0 \u2019n papsmeer en hoe help dit?<\/strong><\/h4>\n

\u2019n Papsmeer is \u2019n betroubare siftingstoets om servikale kanker op te spoor. \u2019n Monster van die selle van die serviks word daartydens geneem en wys abnormale selle in die serviks uit wat in kanker kan omsit.
\nVroue tussen 18 en 25 jaar wat seksueel aktief is behoort elke drie jaar vir \u2019n papsmeer te gaan, of twee jaar n\u00e1 die eerste seksuele aktiwiteit en dit moet herhaal word tot op die ouderdom van 70 jaar.
\nWanneer abnormale selle ge\u00efdentifiseer en verwyder word, is dit dikwels nog voor kankerselle ontwikkel. S\u00f3 \u2019n vroe\u00eb diagnose en behandeling voorkom tot 80% van servikale kankers in lande waar dit gereeld gedoen word.<\/p>\n

 <\/p>\n

\"\"<\/p>\n

 <\/p>\n

Mites<\/strong><\/h4>\n