{"id":160924,"date":"2026-01-16T10:16:18","date_gmt":"2026-01-16T08:16:18","guid":{"rendered":"https:\/\/novanews.co.za\/rooirose\/?p=160924"},"modified":"2026-01-16T10:47:52","modified_gmt":"2026-01-16T08:47:52","slug":"albert-pretorius-vertel-meer-oor-sy-ikoniese-rol-in-afrikaanse-herverbeelding-van-the-office","status":"publish","type":"post","link":"https:\/\/novanews.co.za\/rooirose\/albert-pretorius-vertel-meer-oor-sy-ikoniese-rol-in-afrikaanse-herverbeelding-van-the-office\/","title":{"rendered":"Albert Pretorius vertel meer oor sy ikoniese rol in Afrikaanse herverbeelding van ‘The Office’"},"content":{"rendered":"

Meer as 20 jaar gelede is die w\u00eareld uitgeboul deur die saai maar skreeusnaakse mokument\u00eare w\u00eareld van\u00a0The Office<\/em>, geskep deur Ricky Gervais en Stephen Merchant. Metacritic lys die oorspronklike Britse weergawe as die mees hoogaangeskrewe komediereeks van alle tye. Die Amerikaanse weergawe het vyf Emmys gewen, insluitend die toekenning vir beste komediereeks, en was die mees gestroomde program ter w\u00eareld in 2020.<\/p>\n

Hierdie universele aantrekkingskrag het daartoe gelei dat die Bafta- en Golden Globe-bekroonde kultuskomedie vir gehore dwarsoor die w\u00eareld verwerk is. Die Suid-Afrikaanse uitgawe, Die Kantoor<\/strong> <\/em>is die 14de verwerking van di\u00e9 formaat.<\/p>\n

\"\"<\/p>\n

 <\/p>\n

Rapid Blue, deel van BBC Studios, vervaardig di\u00e9 Showmax Original-reeks, met die Safta- en Silwerskermwenner Bennie Fourie (Hotel<\/em>) as hoofskrywer en regisseur. BBC Studios hanteer w\u00eareldwye verkope.<\/p>\n

Benewens Pretorius sluit die rolverdeling\u00a0die Safta-wenner Schalk Bezuidenhout (Kanarie<\/em>,\u00a0Hotel<\/em>), die legendariese veteraan Lida Botha (Die Kwiksilwers<\/em>), Carl Beukes (Jozi<\/em>,\u00a0The Shakedown<\/em>), Silwerskermwenner Ilse Oppelt (Oh Schuks I\u2019m Gatvol<\/em>,\u00a0Fishy F\u00eashuns<\/em>), Daniah de Villiers (Mia in\u00a0Mia and the White Lion<\/em>), Mehboob Bawa (Bhai in\u00a0Bhai\u2019s Cafe<\/em>), voormalige KFM-aanbieder Sipumziwe Lucwaba en die nuweling Gert du Plessis in.<\/p>\n

Die lokprent gee Suid-Afrikaners hul eerste voorsmakie van die 2025 Fleur du Cap- en Woordtrofee-wenner\u00a0Albert<\/span>\u00a0Pretorius<\/strong> (Niggies<\/em>;\u00a0N\u00earens, Noord-Kaap<\/em>) as Flip, die bestuurder van die polonieverspreiders Deluxe Processed Meats.<\/p>\n

 <\/p>\n

\"\"

Albert Pretorius as die kantoorbestuurder, Flip.<\/p><\/div>\n

 <\/p>\n

Ons het met\u00a0Albert<\/span>\u00a0gesels om meer uit te vind oor sy grootste TV-rol nog:<\/strong><\/p>\n

 <\/p>\n

Die kantoorbestuurder is \u2019n ikoniese rol wat vir beide Ricky Gervais en Steve Carell hul eerste Golden Globes besorg het, onderskeidelik as David Brent in die Britse weergawe en Michael Scott in die Amerikaanse weergawe. Het jy onder druk gevoel oor die groot skoene wat jy moet volstaan?<\/strong><\/h4>\n

Ja, dit is \u2019n angswekkende enetjie, want dis een van di\u00e9 droomrolle. Bitter min mense kry ooit die kans om so \u2019n groot rol te speel.<\/p>\n

 <\/p>\n

Vertel ons van Flip.<\/strong><\/h4>\n

Flip sien homself as die Rassie Erasmus van polonie. In sy kop maak die dokument\u00eare span sy\u00a0Chasing the Sun<\/em>, oor hoe hy hierdie span na die volgende vlak van sukses neem. Hy het grootgeword met Leon Schuster. So, hy is lief vir poetse en\u00a0candid camera<\/em>-grappies en probeer dit ook in die dokument\u00ear inbring.<\/p>\n

Hy worstel met wat dit beteken om \u2019n man te wees \u2013 \u2019n Afrikaanse man \u2013 maar hy besef nie dat baie van die eienskappe waarna hy streef arga\u00efes is nie. Of dat hy eintlik baie min van hierdie eienskappe enigsins het nie. Dis waar die komedie l\u00ea, want hy probeer so bleddie hard net om aanvaar te word. Is dit nie wat\u00a0cringe<\/em>-komedie is nie? Mense wat hul bes probeer deur absoluut die ergste weergawes van hulself te wees.<\/p>\n

 <\/p>\n

Wat was jou eerste indruk toe jy die draaiboek lees?<\/strong><\/h4>\n

Ek is eers net een monoloog gestuur, sonder konteks, en my onmiddellike reaksie was: \u201cOns kan niks hiervan op TV s\u00ea nie.\u201d<\/p>\n

 <\/p>\n

\"\"<\/p>\n

 <\/p>\n

Wat het jou toe laat instem tot die rol?<\/strong><\/h4>\n

Toe ek die volledige draaiboeke lees, het ek besef daar is baie onnoselheid, maar daar is ook baie hart en dinge waarmee mense hulle sal kan vereenselwig.<\/p>\n

Daar is wel onvanpaste goed, en op die eerste dag het Bennie vir die rolverdeling en span ges\u00ea: \u201cLuister, Flip het geen filter nie, maar\u00a0Albert<\/span> is die gaafste ou. Wat ook al oor sy lippe rol oor die volgende sewe weke \u2013 moenie aanstoot neem nie.\u201d<\/p>\n

Maar wanneer Flip iets ergs s\u00ea, is daar gewoonlik \u2019n kyk na die kamera, of hy betrap homself, of een van die ander karakters is duidelik geskok. Daar is dus ook kommentaar op die onvanpastheid.<\/p>\n

 <\/p>\n

Was jy \u2019n aanhanger van\u00a0The Office<\/em>\u00a0voordat julle begin verfilm het?<\/strong><\/h4>\n

Ek het die Britse weergawe as dramastudent aan die Universiteit van Kaapstad gekyk en vir die eerste 15 minute nie besef dit is nie regtig \u2019n dokument\u00ear nie. Daarna was ek soos: \u201cJulle ouens! Wow! Oukei, oukei, dis geniaal.\u201d<\/p>\n

Ek was so mal daaroor dat ek aanvanklik geweier het om die Amerikaanse weergawe te kyk. Maar daardie een het my toe deur Covid gedra. Die twee weergawes is baie verskillend, maar albei briljant.<\/p>\n

 <\/p>\n

Watter een het jy verkies?<\/strong><\/h4>\n

Ek kan nie s\u00ea nie. Ek hou van die\u00a0cringe<\/em>-faktor van die Britse een en die hart van die Amerikaanse een. Ek is mal oor Ricky Gervais: Hy is die oorspronklike baas, en dit is sy breinkind. Maar daar is ook iets aan Steve Carell, en ek dink sy verhouding met Holly is een van die mooiste romanses in die geskiedenis van TV.<\/p>\n

 <\/p>\n

Aan watter een is\u00a0Die kantoor<\/em>\u00a0die naaste?<\/strong><\/h4>\n

Ons het ons eie sin vir humor. So, ons s\u2019n is anders as beide. Dit is nie heeltemal die Britse\u00a0cringe<\/em>\u00a0of so oordrewe soos die Amerikaanse humor nie. Dis weer iets anders.<\/p>\n

 <\/p>\n

Jy het saam met \u2019n sterk ensemble van akteurs gewerk. Moes hulle regtig by hul lessenaars bly soos agtergrond-ekstras selfs wanneer hulle nie in \u2019n toneel was nie?<\/strong><\/h4>\n

Ja. Die kameras kon hulle enige oomblik vang. So, hulle moes in karakter bly. Dit het ongelooflik baie bygedra daartoe om dit soos \u2019n regte kantoor te laat voel. Hulle het\u00a0baie<\/em>\u00a0tyd gehad. Ilse [Oppelt] het haarself leer teken, en op die laaste skietdag het sy vir elke akteur en spanlid \u2019n tekening gegee wat sy gemaak het.<\/p>\n

Ek is seker daar was tye wat hulle gevoel het: \u201cVandag is ek net in die agtergrond.\u201d Maar wanneer jy die eerste episode kyk, sien jy hoe gereeld ander spelers gewys word en besef jy Flip doen baie van die praatwerk, maar dit is 100% \u2019n ensemble. Dit is Joanne wat \u2019n kyk gee; Gavin wat \u2019n foto neem van \u2019n uitbarsting; Joubert wat \u2019n wenkbrou lig \u2013 dis wat die reeks regtig laat werk.<\/p>\n

 <\/p>\n\n\t\t