{"id":160198,"date":"2025-12-04T11:24:10","date_gmt":"2025-12-04T09:24:10","guid":{"rendered":"https:\/\/novanews.co.za\/rooirose\/?p=160198"},"modified":"2025-12-04T11:24:10","modified_gmt":"2025-12-04T09:24:10","slug":"osteoporose-die-siekte-wat-jou-bekruip","status":"publish","type":"post","link":"https:\/\/novanews.co.za\/rooirose\/osteoporose-die-siekte-wat-jou-bekruip\/","title":{"rendered":"Osteoporose: Die siekte wat jou bekruip"},"content":{"rendered":"

Deur CHRISTA SWANEPOEL<\/em><\/p>\n

 <\/p>\n

 <\/p>\n

Daar is baie wanopvattings oor osteoporose<\/strong>, soos dat dit \u2019n \u201couvrousiekte\u201d is. Die probleem is dat dit oor dekades ontwikkel sonder dat daar enige waarneembare teken is. Jy ervaar geen pyn nie, maar jou gebeente verswak geleidelik en op \u2019n dag breek jy jou pols, heup of \u2019n ruggraatbeen en as jy dan by \u2019n dokter uitkom, word osteoporose gediagnoseer.<\/p>\n

Osteoporose kan as \u2019n siekte van oorerflikheid en lewenstyl beskryf word. Jy kan ongelukkig nie veel aan eersgenoemde doen nie, maar met die regte lewenstylkeuses kan jy wel jou kanse verbeter om dit vry te spring. Kennis oor di\u00e9 beensiekte is dus uiters belangrik.<\/p>\n

 <\/p>\n

Lyers vertel<\/strong><\/h4>\n

 <\/p>\n

Marietjie (77) van Pretoria onthou hoe dit begin het: \u201cEk het in my vyftigerjare my gewrig gebreek, maar dit nie daardie tyd met osteoporose in verband gebring nie. My gewrig het herstel en \u2019n paar jaar later het ek n\u00e1 ek inkopies gaan doen het, die inkopiesakke uit die kattebak gelaai en beentjies in my ruggraat gebreek. Ek is toe eers met osteoporose gediagnoseer.
\n\u201cEk het daarna soveel as moontlik oor die siekte opgelees en het moeite gedoen om my kinders en kleinkinders se dieet aan te pas om hulle daarteen te help beskerm. Ek het ook op die dokter se aanbeveling \u2019n paar keer per week in \u2019n park gaan stap. Ek is baie meer bewus van wat ek doen en eet om myself teen verdere breuke te beskerm.\u201d<\/p>\n

Bernadette (59) van Northcliff: \u201cEk was 56 jaar oud toe ek in 2020 erge pyn in my regterboud en lae rug ontwikkel het. Ek het aanvanklik gedink daar is iets fout met my kolon.
\n\u201cEk het twee kolonoskopies en twee CT-skanderings ondergaan, maar die dokters kon niks fout vind nie. In 2021 het die dokters \u2019n MRI gedoen en osteoporose is by my gediagnoseer. Dit het getoon ek het spinale stenose en \u2019n rugwerwel wat geskuif het en uitstulp, waarskynlik weens die osteoporose.
\n\u201cMy oorlede pa en van sy sibbe het osteoporose gehad en daarom het ek na my gesondheid omgesien. Ek weeg 51 kg, ek het nog altyd geoefen, 90% van my dieet is vrugte en groente en ek neem aanvullings. Dit was dus vir my \u2019n skok toe osteoporose by my gediagnoseer is. Ek oefen steeds al het ek pyn. Die pyn is erger as ek sit of l\u00ea. Ek gebruik medikasie, maar ek weet dis op die duur nie goed vir my niere nie. Ek gaan binnekort weer vir \u2019n MRI.\u201d<\/p>\n

 <\/p>\n

Wat is osteoporose?<\/strong><\/h4>\n

 <\/p>\n

Osteoporose beteken letterlik \u201cporeuse bene\u201d. Die siekte veroorsaak dat die digtheid en gehalte van jou gebeente afneem, wat die skelet verswak en die kanse om \u2019n fraktuur op te doen, verhoog. Jou bene kan so bros word dat jy met geringe inspanning \u2019n fraktuur kan opdoen, soos om van \u2019n bank af op te staan, \u2019n inkopiesak op te tel of te nies.<\/p>\n

Dit gebeur egter geleidelik sonder dat jy dit agterkom. In jou leeftyd vind daar gedurig afbreking en heropbouing van jou skelet plaas. Dit is nodig vir die groei en instandhouding van gesonde bene. In jou kindertyd word been vinniger opgebou as wat dit afgebreek word \u2013 jy groei en jou gebeente word digter. Jou beenmineraaldigtheid neem toe tot jy volwassenheid bereik. N\u00e1 30 begin beendigtheid geleidelik afneem en verloor die gemiddelde vrou elke jaar 0,5% beendigtheid. Jy moet dus van jongs af daarop bedag wees al toon jy geen simptome nie.<\/p>\n

Wanneer jy skielik \u2019n been breek, is dit gewoonlik en ongelukkig die eerste \u201csimptoom\u201d van osteoporose. En dan is dit te laat. Die enigste fisieke teken dat jy dit onder lede het, is \u2019n afname in jou lengte en jou rug word geleidelik krommer weens die kompressiefrakture van die rugwerwels. Beendigtheid begin reeds van die vroe\u00eb dertigerjare afneem en die risiko dat \u2019n vrou in haar leeftyd \u2019n fraktuur weens osteoporose
\nkan opdoen, is 30% tot 40%. Dit is ook nie net \u2019n vrouesiekte nie en onlangse studies toon dat een uit elke vyf mans osteoporose kan opdoen.<\/p>\n

 <\/p>\n

\"\"<\/p>\n

 <\/p>\n

Wat is die risikofaktore?<\/strong><\/h4>\n

 <\/p>\n