{"id":159588,"date":"2025-11-21T11:08:16","date_gmt":"2025-11-21T09:08:16","guid":{"rendered":"https:\/\/novanews.co.za\/rooirose\/?p=159588"},"modified":"2025-11-21T11:09:50","modified_gmt":"2025-11-21T09:09:50","slug":"maak-n-plan-en-skryf-jou-dorp-vir-lottoland-help-n-dorp-se-vyfde-seisoen","status":"publish","type":"post","link":"https:\/\/novanews.co.za\/rooirose\/maak-n-plan-en-skryf-jou-dorp-vir-lottoland-help-n-dorp-se-vyfde-seisoen\/","title":{"rendered":"Maak \u2019n plan en skryf jou dorp vir ‘Lottoland help \u2019n dorp’ se vyfde seisoen in!"},"content":{"rendered":"

As daar nou een program is wat die vlammetjie van hoop in dorpies regoor die land aangesteek het \u2013 \u2019n vlammetjie wat al hoe helder, wyer en sterker brand \u2013 is dit kykNET se lewensveranderende werklikheidsreeks, Lottoland help \u2019n dorp<\/em><\/strong>.<\/p>\n

 <\/p>\n

Tot nou toe het 44 dorpe regoor Suid-Afrika baat gevind by hierdie ongelooflike projek. Dis nie net praatjies nie, danksy Lottoland help \u2019n dorp <\/em>is daar meer s R30 miljoen in die platteland bel\u00ea. Ongelooflik!<\/p>\n

Nou kan j\u00f3\u00fa dorp ook deel van hierdie projek word, \u2019n projek wat op so \u2019n positiewe manier verandering in gemeenskappe bewerkstellig, \u2019n projek wat grense afbreek en mense laat hande vat vir die groter prentjie: die voortbestaan en vooruitgang van kleiner dorpies in die land.<\/p>\n

Ses dorpe gaan gekies word om hulle dorp op die beste moontlike manier aan die land bekend te stel. Dink net wat kan alles met \u2019n maksimum begroting van R1 miljoen in jou dorp verrig word.<\/p>\n

 <\/p>\n

\"\"<\/p>\n

 <\/p>\n

Nog nie oortuig nie? Kyk net na \u2019n paar van die suksesverhale wat reeds deur kykers gesien is.<\/p>\n

Een van die beste voorbeelde is Coligny in Noordwes, die dorpie wat voor Lottoland help \u2019n dorp <\/em>se hulp as die \u201cdorpie wat in duie gestort het\u201d bekend gestaan het. Dit was ook die dorp wat vir al die verkeerde redes die nuus gehaal het. N\u00e1 \u2019n R1 miljoen-inspuiting het die inwoners hul hoofstraat en dorpsingange opgeknap en die gemeenskap het saamgestaan en \u2019n nuwe storie vir hul dorp begin skryf.<\/p>\n

In die Oos-Kaap het Rhodes met minder as 30 permanente inwoners \u2019n groot oplewing in besoekers \u00e9n belangstelling in die dorp beleef.<\/p>\n

Die impak van die nuwe sportterrein wat by Vanwyksdorp in die Klein-Karoo tot stand gebring is, het so wyd uitgekring dat die inwoners s\u00e9lf hul huise met \u2019n vars lagie verf verfraai en die dorp verder begin opknap het.<\/p>\n

Maar dis nie net in die dorpe waar daar winde van positiewe verandering waai nie. Buurdorpe klop gereeld aan vir hulp en leiding om ook dieselfde oplewing in hul dorpe te bewerkstellig.<\/p>\n

 <\/p>\n

\"\"<\/p>\n

 <\/p>\n

Is jou dorp gereed om met groot visie, goeie beplanning en samewerking \u2019n merkwaardige omwenteling mee te bring? Wat belangrik is, is dat die projekte ook \u2019n duidelike visuele verskil toon \u2013 kykers en besoekers moet die verandering kan sien.<\/p>\n

 <\/p>\n

So skryf jy in:<\/strong><\/p>\n