{"id":159459,"date":"2025-11-17T15:03:31","date_gmt":"2025-11-17T13:03:31","guid":{"rendered":"https:\/\/novanews.co.za\/rooirose\/?p=159459"},"modified":"2025-11-17T15:11:01","modified_gmt":"2025-11-17T13:11:01","slug":"boer-soek-n-vrou-se-inskrywings-is-oop-leer-ken-boer-jd","status":"publish","type":"post","link":"https:\/\/novanews.co.za\/rooirose\/boer-soek-n-vrou-se-inskrywings-is-oop-leer-ken-boer-jd\/","title":{"rendered":"‘Boer soek \u2019n vrou’ se inskrywings is oop! Leer ken Boer JD"},"content":{"rendered":"

N\u00e1 talle kinkels en mooi liefdesverhale wat die pas afgelope seisoen van Boer soek \u2019n vrou<\/em><\/strong><\/a> opgelewer het, maak Kupido weer gereed om sy eerste pyle in die 18de seisoen<\/strong> van di\u00e9 gewilde kykNET-maatsoekreeks af te vuur.<\/p>\n

Die boere, tussen 26 en 43 jaar oud, kom van oor ses provinsies \u2014 met die Vrystaat wat die voortou neem, en Noordwes wat hierdie jaar deur \u2019n vroueboer verteenwoordig word.<\/p>\n

Die splinternuwe seisoen word van Augustus 2026 op kykNET uitgesaai, wanneer kykers weer die boere se liefdesreise sal volg. Soos altyd, sal die vyf boere wat die meeste briewe ontvang, die hoofstorie vorm.<\/p>\n

 <\/p>\n

 <\/p>\n

Ontmoet Boer JD (28), hy het ‘n gemengde boerdery in Reitz (Vrystaat)<\/strong><\/h3>\n

 <\/p>\n

\"\"<\/p>\n

 <\/p>\n

Huistaal:<\/strong> Afrikaans<\/p>\n

Hoogste akademiese kwalifikasie: <\/strong>Matriek<\/p>\n

Huwelikstatus:<\/strong>\u00a0 Ongetroud, geen kinders<\/p>\n

Belangstellings: <\/strong>\u00a0Braai, Springbok-rugby, gholf, visvang en om rustig in die natuur te wees<\/p>\n

\u00a0<\/strong><\/p>\n

Hoekom het jy ingeskryf vir Boer soek \u2019n vrou<\/em>?<\/strong><\/h4>\n

 <\/p>\n

Ek het ingeskryf omdat ek opreg hoop om iemand te ontmoet wat saam met my hierdie lewenspad op die plaas kan stap. Die plaas is nie net my werk nie \u2013 dis my leefwyse, my passie en my tuiste. Dis nie altyd maklik om iemand te vind wat werklik verstaan en waardeer wat die plaaslewe behels nie \u2013 die harde werk, die stilte, die eenvoud, maar ook die vrede en die ongelooflike vreugde wat dit bring.<\/p>\n

Ek het baie liefde om te gee, en ek verlang na \u2019n maat wat my kan liefh\u00ea vir wie ek is, en wat saam met my \u2019n lewe wil bou \u2013 nie net in die hart nie, maar ook op die grond. Iemand wat nie net lief is vir my nie, maar ook vir die plaas, die diere en die rustigheid van die platteland.<\/p>\n

Ek glo in opregtheid, in goeie geselskap rondom \u2019n vuur en in hande wat saamwerk deur seisoene van droogte en oorvloed. Dis hoekom ek hier is \u2013 in die hoop om daardie een spesiale persoon te vind wat my w\u00eareld sal verstaan en aanvul.<\/p>\n

 <\/p>\n

Watter eienskappe soek jy in jou ideale pasmaat?<\/strong><\/h4>\n

 <\/p>\n

\u2019n Sterk vrou met \u2019n sagte hart. \u2019n Vrou wat \u2019n kind van die Here is, op die plaas kan aard, na haarself kyk, liefde kan gee en ontvang, my ondersteun deur goed en sleg, eerlik is en gereed is om saam \u2019n gesin te begin.<\/p>\n

 <\/p>\n

\"\"<\/p>\n

 <\/p>\n

Hoe sal jy jouself beskryf?<\/strong><\/h4>\n

 <\/p>\n

Ek is \u2019n boer in murg en been. My hart en siel l\u00ea in die grond waarop ek grootgeword het. Ek is die vierde generasie op ons plaas, en om hier te boer is al wat ek nog ooit wou doen. Boerdery is nie net my beroep nie \u2013 dis my roeping en my grootste passie.<\/p>\n

Al was die pad nie altyd maklik nie, is dit my droom om die plaas van krag tot krag te neem en eendag saam met my seun voetspore te los op dieselfde grond. Ek is nie \u2019n man van baie woorde nie, maar wat ek s\u00ea, bedoel ek.<\/p>\n

Ek het \u2019n sagte hart, en dit vat baie om my kwaad te kry. Ek is \u2019n familiemens wat elke oomblik saam met my geliefdes koester. Tyd saam met mense wat vir my belangrik is, dra ek naby aan my hart. Ek is ook diep verbind aan die natuur. Van kleins af het ek langs die rivier oorleef \u2013 visgevang, kos self gevang \u2013 en vandag nog is die veld en die aarde my speelgrond.<\/p>\n

Ek hou van jag, visvang, kamp en eenvoudig net buite wees. Ek\u2019s gemaklik met myself, geniet lag en geselskap, en is nie iemand met issues<\/em> nie. Geloof is vir my die fondament van alles. \u2019n Boer moet kan glo \u2013 glo vir re\u00ebn, vir groei, vir uitkoms. Ek vertrou op die Here vir elke druppel uit die hemel en elke put in die grond. Sonder Hom is ek niks.<\/p>\n

 <\/p>\n

Wat is die belangrikste les\/lesse wat jy uit vorige verhoudings geleer het?<\/strong><\/h4>\n

 <\/p>\n

Ek was vir vier jaar lank in \u2019n ernstige verhouding, waarvan ons twee jaar verloof was. Ongelukkig het dit op \u2019n seer manier ge\u00ebindig. Dit het my hart gebreek, maar ek het ook \u2019n waardevolle les geleer: Die plaaslewe is nie vir almal nie. Ons bly tussen niks en n\u00earens. Dis \u2019n eenvoudige maar uitdagende lewe, en nie elke mens is gemaak vir hierdie stilte nie.<\/p>\n

Ek het besef dat \u2019n vrou nie net liefde vir my moet h\u00ea nie, maar ook \u2019n passie vir die plaas. Sy moet self gelukkig kan wees hier, haar eie vrede vind en bereid wees om saam te staan deur die goeie \u00e9n die moeilike tye. Ek kan nie iemand hier hou wat nie regtig hier wil wees nie \u2013 sy moet kies om deel van hierdie lewe te wees. Ek het ook geleer dat ware geluk van binne af begin.<\/p>\n

As jy nie gelukkig is met jouself nie, gaan jy dit nie in iemand anders vind nie. Liefde alleen hou nie iemand op die plaas nie \u2013 dit verg deursettingsvermo\u00eb, aanpassing en ‘n hart vir hierdie lewe.<\/p>\n

 <\/p>\n

\"\"<\/p>\n

 <\/p>\n

Sien jy jouself as romanties?<\/strong><\/h4>\n

 <\/p>\n

Nie op die tradisionele manier van blomme koop en piekniek hou nie. Ek is \u2019n plat-op-die-aarde boer wat dalk sommer op die ingewing van die oomblik vir jou \u2019n veldblommetjie sal pluk \u2013 nie omdat dit beplan is nie, maar omdat ek aan jou dink.<\/p>\n

Ek is nie die beste met voorafbeplanning en afsprake re\u00ebl nie, maar gelukkig het ek \u2019n oulike ma en sussie wat my soms help met daardie tipe goed.<\/p>\n

 <\/p>\n

 <\/p>\n

KYK | <\/strong>Ontmoet Boer JD<\/h4>\n