{"id":159419,"date":"2025-11-17T13:35:45","date_gmt":"2025-11-17T11:35:45","guid":{"rendered":"https:\/\/novanews.co.za\/rooirose\/?p=159419"},"modified":"2025-11-17T13:40:04","modified_gmt":"2025-11-17T11:40:04","slug":"boer-soek-n-vrou-se-inskrywings-is-oop-leer-ken-boer-leandi","status":"publish","type":"post","link":"https:\/\/novanews.co.za\/rooirose\/boer-soek-n-vrou-se-inskrywings-is-oop-leer-ken-boer-leandi\/","title":{"rendered":"‘Boer soek \u2019n vrou’ se inskrywings is oop! Leer ken Boer Leandi"},"content":{"rendered":"

N\u00e1 talle kinkels en mooi liefdesverhale wat die pas afgelope seisoen van Boer soek \u2019n vrou<\/em><\/strong><\/a> opgelewer het, maak Kupido weer gereed om sy eerste pyle in die 18de seisoen<\/strong> van di\u00e9 gewilde kykNET-maatsoekreeks af te vuur.<\/p>\n

Die boere, tussen 26 en 43 jaar oud, kom van oor ses provinsies \u2014 met die Vrystaat wat die voortou neem, en Noordwes wat hierdie jaar deur \u2019n vroueboer verteenwoordig word.<\/p>\n

Die splinternuwe seisoen word van Augustus 2026 op kykNET uitgesaai, wanneer kykers weer die boere se liefdesreise sal volg. Soos altyd, sal die vyf boere wat die meeste briewe ontvang, die hoofstorie vorm.<\/p>\n

 <\/p>\n

<\/h3>\n

Ontmoet Boer <\/strong>Leandi (35), ‘n beesboer van Ventersdorp (Noordwes)<\/strong><\/h3>\n

 <\/p>\n

\"\"<\/p>\n

 <\/p>\n

Huistaal:<\/strong> Afrikaans<\/p>\n

Hoogste akademiese kwalifikasie:<\/strong> BSc in Biotegnologie en BHons in Wildbestuur<\/p>\n

Huwelikstatus:<\/strong> Geskei, geen kinders<\/p>\n

Belangstellings:<\/strong> Beesboerdery, dieregesondheid, bergfietsry en perde<\/p>\n

\u00a0<\/strong><\/p>\n

Hoekom het jy ingeskryf vir Boer soek \u2019n vrou<\/em>?<\/strong><\/h4>\n

 <\/p>\n

Ek hoop my inskrywing sal my die geleentheid gee om my lewensmaat te vind. Ek vat \u2019n baie groot kans, en dit is buite my karakter, maar dit is \u2019n geleentheid waardeur ek moontlik iemand met dieselfde leefwyse as ek kan ontmoet.<\/p>\n

 <\/p>\n

\"\"<\/p>\n

 <\/p>\n

Watter eienskappe soek jy in jou ideale maat?<\/strong><\/h4>\n

 <\/p>\n

Ek is op soek na \u2019n Godvresende man wat die beste weergawe van myself kan uitbring. Hy moet gedrewe wees en sy eie aspirasies en drome h\u00ea. Hy moet sterk maar saggeaard wees en my op die hande dra. Hy moet beslis lief wees vir die natuur en diere.<\/p>\n

 <\/p>\n

\"\"<\/p>\n

\u00a0<\/strong><\/p>\n

Hoe sal jy jouself beskryf?<\/strong><\/h4>\n

 <\/p>\n

Ek is \u2019n selfstandige, energieke en lewenslustige dame wat altyd nuwe dinge wil probeer. My skaaphond en twee perde is soos my kinders, en ek is mal daaroor om elke dag saam met hulle af te sluit.<\/p>\n

Ek is baie lief vir die natuur en diere, of dit nou met boerdery, op \u2019n fiets of in die Wildtuin is \u2013 dit bly bitter mooi en spesiaal. Ek is ambisieus en gedrewe en glo ek lewe \u2019n redelike gebalanseerde lewe. My stokperdjies is bergfietsry, perdry, draf en lees.<\/p>\n

 <\/p>\n

\"\"<\/p>\n

 <\/p>\n

Wat is die belangrikste les\/lesse wat jy uit vorige verhoudings geleer het?<\/strong><\/h4>\n

 <\/p>\n

Kommunikasie is wat verhoudings maak of breek. Jy moet s\u00ea wat jou pla of gelukkig maak en dit nie laat opbou tot waar jy ontplof nie \u2013 maak nie saak hoe groot of hoe klein die kwessie is nie. Jy moet ook tyd maak vir jou maat en nie net in die verbygaan met \u2019n halwe oor luister nie. En dan glo ek enige verhouding is gebaseer op liefde, eerlikheid en vertroue.<\/p>\n

 <\/p>\n

\"\"<\/p>\n

 <\/p>\n

Sien jy jouself as romanties?<\/strong><\/h4>\n

 <\/p>\n

Ek dink ek is romanties. Ek hou daarvan om die persoon in my lewe spesiaal te laat voel deur iets kleins te doen of te gee, soos \u2019n handgeskrewe nota iewers te los of \u2019n mixtape<\/em> te maak. Diep binne is ek \u2019n hopeless romantic<\/em>, en dit sal lekker wees om daai Ster-Kinekor-liefde te ervaar, maar ek laat my nie flous deur groot en romantiese gebare nie.<\/p>\n

 <\/p>\n

KYK | <\/strong>Ontmoet Boer Leandi<\/h4>\n