{"id":159338,"date":"2025-11-14T10:58:08","date_gmt":"2025-11-14T08:58:08","guid":{"rendered":"https:\/\/novanews.co.za\/rooirose\/?p=159338"},"modified":"2025-11-14T11:00:36","modified_gmt":"2025-11-14T09:00:36","slug":"boer-soek-n-vrou-se-inskrywings-is-oop-leer-ken-boer-arno","status":"publish","type":"post","link":"https:\/\/novanews.co.za\/rooirose\/boer-soek-n-vrou-se-inskrywings-is-oop-leer-ken-boer-arno\/","title":{"rendered":"‘Boer soek \u2019n vrou’ se inskrywings is oop! Leer ken Boer Arno"},"content":{"rendered":"

N\u00e1 talle kinkels en mooi liefdesverhale wat die pas afgelope seisoen van Boer soek \u2019n vrou<\/em><\/strong><\/a> opgelewer het, maak Kupido weer gereed om sy eerste pyle in die 18de seisoen<\/strong> van di\u00e9 gewilde kykNET-maatsoekreeks af te vuur.<\/p>\n

Die boere, tussen 26 en 43 jaar oud, kom van oor ses provinsies \u2014 met die Vrystaat wat die voortou neem, en Noordwes wat hierdie jaar deur \u2019n vroueboer verteenwoordig word.<\/p>\n

Die splinternuwe seisoen word van Augustus 2026 op kykNET uitgesaai, wanneer kykers weer die boere se liefdesreise sal volg. Soos altyd, sal die vyf boere wat die meeste briewe ontvang, die hoofstorie vorm.<\/p>\n

 <\/p>\n

 <\/p>\n

Ontmoet Boer Arn0 <\/strong>(28), \u2019n bosbouboer van Tzaneen (Limpopo)<\/strong><\/h3>\n

 <\/p>\n

Huistaal:<\/strong> Afrikaans<\/p>\n

Hoogste akademiese kwalifikasie: <\/strong>Graad in Bedryfsielkunde<\/p>\n

Huwelikstatus:<\/strong> Ongetroud, geen kinders<\/p>\n

 <\/p>\n

\"\"<\/p>\n

 <\/p>\n

“Ek is \u2019n praktiese en hardwerkende man wat hou van die buitelewe, sport en die landbou-omgewing. Ek is gesins- en geloofsgeori\u00ebnteerd en glo dat ware liefde gebou word op vertroue, God en diens aan mekaar. Ek is op soek na iemand wat saam met my my geloof en waardes kan deel; iemand met \u2019n sagte hart, eerlikheid, lojaliteit en selfvertroue. Ek geniet die eenvoudige dinge in die lewe \u2013 \u2019n sonsopkoms met \u2019n koppie koffie, \u2019n aandvuur met goeie geselskap en die vrede wat kom wanneer mens weet jy is presies waar God jou wil h\u00ea.”<\/p>\n

 <\/p>\n

Hoekom het jy ingeskryf vir Boer soek \u2019n vrou<\/em>?<\/strong><\/h4>\n

 <\/p>\n

Ek het ingeskryf omdat ek op \u2019n plek in my lewe is waar ek regtig gereed is om \u2019n maat te ontmoet saam met wie ek \u2019n toekoms kan bou. Ek glo dat liefde en verhoudings met God in die middel begin, en ek soek iemand wat saam met my di\u00e9 pad wil stap. Ek verlang na \u2019n egte, eenvoudige en eerlike verhouding \u2013 iemand wat my waardes deel, wat saam met my kan groei en die mooi en die uitdagings van die lewe saam met my kan dra.<\/p>\n

 <\/p>\n

\"\"<\/p>\n

\u00a0<\/strong><\/p>\n

Watter eienskappe soek jy in jou ideale pasmaat?<\/strong><\/h4>\n

 <\/p>\n

Ek soek \u2019n vrou met \u2019n sagte en liefdevolle hart, een wat God eerste stel in haar lewe. Sy moet eerlik, opreg en lojaal wees, iemand wat saam met my in geloof en liefde wil groei \u2013 \u2019n maat wat die natuur en eenvoud waardeer en my as mens aanvul.<\/p>\n

\u00a0<\/strong><\/p>\n

Hoe sal jy jouself beskryf?<\/strong><\/h4>\n

 <\/p>\n

Ek is \u2019n gewone ou wat hou van die buitelewe, sport en eenvoudige dinge. My geloof is vir my belangrik, en ek probeer altyd reg leef. Ek\u2019s lojaal en gee baie vir die mense om my. Ek hou daarvan om te lag, hard te werk en deur te druk as dinge moeilik raak.<\/p>\n

 <\/p>\n

\"\"<\/p>\n

\u00a0<\/strong><\/p>\n

Wat is die belangrikste les\/lesse wat jy uit vorige verhoudings geleer het?<\/strong><\/h4>\n

 <\/p>\n

Die belangrikste les wat ek uit vorige verhoudings geleer het, is dat liefde sonder God in die middel nie hou nie. Ek het ook geleer dat eerlikheid, vertroue en konsekwente respek vir mekaar ononderhandelbaar is. Ek weet nou hoe belangrik dit is om jou maat se hart te beskerm, geduldig te wees en nooit liefde as vanselfsprekend te aanvaar nie.<\/p>\n

\u00a0<\/strong><\/p>\n

Sien jy jouself as romanties? Hoekom\/hoekom nie?<\/strong><\/h4>\n

 <\/p>\n

Ja, ek sien myself as romanties, maar op \u2019n eenvoudige en egte manier. Vir my gaan dit oor die klein dinge \u2013 om my maat te verras met aandag en moeite; om haar spesiaal te laat voel en altyd my liefde te wys deur dade eerder as net met woorde.<\/p>\n

 <\/p>\n

\"\"<\/p>\n

 <\/p>\n

 <\/p>\n

As jy vir een van die boere wil skryf:<\/strong><\/p>\n

 <\/p>\n