{"id":158507,"date":"2025-10-15T12:43:32","date_gmt":"2025-10-15T10:43:32","guid":{"rendered":"https:\/\/novanews.co.za\/rooirose\/?p=158507"},"modified":"2025-10-15T22:12:30","modified_gmt":"2025-10-15T20:12:30","slug":"die-toyota-stellenbosch-woordfees-vier-vanjaar-25-jaar","status":"publish","type":"post","link":"https:\/\/novanews.co.za\/rooirose\/die-toyota-stellenbosch-woordfees-vier-vanjaar-25-jaar\/","title":{"rendered":"Die Toyota Stellenbosch Woordfees vier vanjaar 25 jaar!"},"content":{"rendered":"

Deur Maryke Roberts. Foto\u2019s: Clifford Roberts<\/em><\/p>\n

 <\/p>\n

Die Toyota Stellenbosch Woordfees<\/strong> vier vanjaar 25 jaar van kuns, kultuur en uitdrukking en word tot 19 Oktober regoor die Eikestad gehou. Vanjaar se tema is \u201cDeel\u201d en kunstenaars en die feeskomitee nooi almal uit om in di\u00e9 feestelikhede te kom deel. Met nagenoeg 400 unieke program-items is daar werklik iets vir elkeen.<\/p>\n

Die feesprogram is propvol en die komende naweek is daar heelwat om te sien, te doen en te proe.<\/p>\n

Het jy vergeet om kaartjies te bespreek? Besoek die #SpaarBar<\/a> in Ryneveldstraat voor Erfurthuis sowat vier ure voor sekere vertonings en betaal halfprys vir jou kaartjies. Dis darem nie te versmaai nie.<\/p>\n

Verskeie gratis aanbiedinge is ook beskikbaar en kans om na gesprekke onder die bome te luister met \u2018n glas wyn of koffie, of rondleidings met kunstenaars te doen, is ook beskikbaar. Die volledige feesgids is hier<\/a> beskikbaar.<\/p>\n

 <\/p>\n

\"\"<\/p>\n

 <\/p>\n

Twee verskillende roetes word op die argitektoniese wandelinge<\/strong> deur die middedorp aangebied. Die wandelinge duur 50 minute en vertrek voor Voor Erfurthuis in Ryneveldstraat. Die kultuurhistorikus\u00a0Matilda Burden\u00a0laat kyk jou met nuwe o\u00eb na die hart van die Eikestad met sy argitektoniese juwele. Daar is nog wandelinge om 17:00 vanaand en ook op 17 Oktober om 17:00. Kaartjies kos R60 en R90 by die deur.<\/p>\n

 <\/p>\n

\"\"<\/p>\n

 <\/p>\n

In\u00a0Die onderhoud met Mia Spies<\/em><\/strong>\u00a0het di\u00e9 multimediajoernalis en TV-aanbieder Mia Spies met vyf inspirerende Suid-Afrikaners gesels. Hier is sy saam met Professor Thuli Madonsela, die voormalige Openbare Beskermer wat deesdae professor is aan die US en direkteur van die Sentrum vir Sosiale Geregtigheid. Hulle het gesels oor die huidige stand van ons demokrasie, die rol van etiese leierskap en die ontkaping van die staat.<\/p>\n

 <\/p>\n

\"\"<\/p>\n

 <\/p>\n

Die musiekmaestro\u00a0Coenie de Villiers\u00a0het in Coenie de Villiers: Wie kan my s\u00ea van die liefde?<\/em> <\/strong>diep in sy liedereskat van bykans 50 jaar gedelf en komposisies en lirieke wat die liefde in al sy gedaantes bekyk, gesing. Hy was ook deel van Nic de Jager (aanbieder van die geliefde radioprogram Nic se goed)\u00a0<\/em> se vertoning, Nic de Jager: In my eie woorde<\/em> <\/strong>as aanbieder en musikant.<\/p>\n

 <\/p>\n

\"\"<\/p>\n

 <\/p>\n

Die gratis VIA: Bier-uur met Arno o<\/strong><\/em>nder die Leefstyl-kategorie by Die Plataan-kafee was vet pret. VIA se musiekvasvraprogram Klankbank<\/em> <\/strong>was propvol opwinding, verraad en spanwerk. Feesgangers kon lekker onder die bome en bistroliggies sit en kyk of hulle die titels van bekende liedjies kon ontsyfer en sommer hul musiekkennis toets, terwyl hulle aan \u2018n yskoue biertjie geteug het, terwyl die VIA-aanbieder Arno Greeff, hulle vermaak het.<\/p>\n

 <\/p>\n

\"\"<\/p>\n

 <\/p>\n

\u2019n Hemel wat kan opvou<\/strong><\/em> met Deon Meiring was deel van die Toyota Musiekfees.\u00a0 Deon het geglo liedjieskryf sou vergoed vir sy onbeholpenheid in rugby en romanse. Vandag het hy darem nog die liedjies \u2013 uit Glaskas, Dans Dans Lisa en sy soloprojek. In \u2019n Hemel wat kan opvou<\/em> het hy di\u00e9 musiek saam met sy briewe wat hy sedert 2020 skryf, aan niemand in die besonder nie, gedeel.<\/p>\n

 <\/p>\n

 <\/p>\n\n\t\t